ارجو من المشرف الدخول و الغاء عضويتى فى المنتدى وشكرا

[hamada2010]

السلام عليكم


ارجو من حضرتك الغاء عضويتى

الا نى مش عايز ادخل فى حوارات متدنيه المستوى مع اى عضو غير محترم بالمرة


ويقوم بالتريقة والسخريه على وجهة نظرى ورأيى الشخصى فلا يجب ان يهاجم الا نسان

لوجهة نظره وانا اسف جدا على هذا الا شتراك الذى لم استفاد منه الا وجع القلب والصداع

مع ناس مش عارفه حاجه خالص ومعندهاش اى خبره فى مجال السيارات

وشكرا مع كامل احترامى لشخصكم الكريم

والسلام عليكم

[Dr Ahmed]

وعليكم السلام ورحمة الله وبركاته

اعذرنى يا أستاذ ظاظا لكن زى ما حضرتك شايف ازاى تطالب الآخرين بمعاملة لا تقدمها لهم؟ يعنى حضرتك بتقول "عضو غير محترم" و"ناس مش عارفة حاجة" "ومعندهاش خبرة" طيب ازاى نطالبهم باحترام رأيك بعد كده؟

أنا لاحظت هجوم فعلا على كلامك لكن أساسه تشابه أسلوبك مع أعضاء آخرين كانوا السبب فى مشاكل عديدة وأوحيت للجميع أنك منهم فأخذت هجوم من بدرى، لكن لو صبرت وتعود الناس عليك وتعودت عليهم فستجد ما يسرك ان شاء الله.

وبخصوص العضوية الأمر متروك لك والمنتدى مفتوح لك ويرحب بك.

[hamada2010]

السلام عليكم

شكرا على ردك وعلى اهتمامك بالموضوع


وفعلا المشكله انى اتعودت على الصراحة الشديدة وهذا خطأ كبير منى وانا اعترف

به ولكن والله والله لحرصى البالغ الا ينخدع الكثير ممن لا يعلمون بالا مر الذى


اشكو منه ..............او المشكله التى احذر منها ...........

فان كان عندى تجربه فى شئ ما ولا ابلغ الناس عن المشكله قبل ان يقعوا بها

فهذا لا يعتبر تعاونا واخلا صا وهذا هو الهدف الرئيسى من المنتديات بصفة عامة

هو نقل الخبرات بين الا عضاء واذا قد قمت بأى هجوم فهذا نابع من داخلى حرصا الا يقع

اى شخص ويعانى من نفس المشكله ااتى عانيت منها وانتهت بفضل الله وشكرا مرة اخرى


على اخلا ق وزوق حضرتك وارجو من سيادتك تغيير الا سم الخاص بى فى المشاركات

الى مهندس/احمد عبدالله

وشكرا على انى اتعرفت على شخص اخلاق وزوق زى حضرتك وربنا يديم المعروف

والسلام عليكم

[أبوسيف]

انا بحييك على صراحتك يا بشمهندس أحمد وأهلا بيك فى المنتدى ، أنا بس ليا تعليق على الكلام اللى اتقال وهو ان الكلام بيفتقد شوية للمنطق يعنى ما ينفعش انتقد فى اللانسر وبعدين انصح الناس انها تجيب اسبرانزا مع إحترامى الكامل لأصحاب الاسبرانزا انا مش بعيب فيها ، بس أصحاب الاسبرانزا نفسهم متأكدين ان اللانسر أعلى منها ومفيش وجه للمقارنة بينهم وعلشان أوضحلك أكتر عاوزك تحكم على الكلام دة:

واحد جه يقولك أوعى تشترى بدلة من Pierre Cardin وبيقولك دى تقفبلها وحش وقماشها شايط والزراير بتتكسر بسهولة وفى نفس الوقت بيقولك روح اشترى من محل فى الموسكى ولا فى العتبة.

هل انت هاتقتنع بالكلام دة؟
لو انت هاتقتنع بالكلام دة انا هاقتنع بكلامك

[hamada2010]

السلام عليكم

كلامك مظبوط وانا اتفق معك وهيا بنا نفتح صفحة جديدة معا


وتحية الى جميع الا عضاء المحترمين زى حضرتك وشكرا على اهتمامك وردك الجميل


وربنا يوفق الجميع يارب وشكرا مرة اخرى

بس بصراحة انا مدفعتش حد انه يشترى حاجة فكل شخص له وجه نظره الخاصة

مثلا انا شايف ومقتنع وبعد تجربه انى اشترى الا سبيرنزا اوك مفهاش حاجة

رغم التحزيرات والكلام الكثير عن عيوبها قبل مميزاتها ماشى انا عارف الكلام ده كويس

بس مع احترامى لكل الا عضاء فى ابداء ارأهم ان كل العيوب دى كانت قبل انتاج مارس

وبعد كده مفيش حد اشتكى من العيوب دى مرة اخرى ابدا

وكذلك انا لما بقول ايعد عن الا نسر الخليجى عشان دا فيه كذا وكذا وكذا

انت ممكن تشوف ان كلامى مش صحيح ونختلف ولكن لا نقوم بالسخريه من الكلام والتحذير

والله انا بعمل اللى عليا وبقول عايز تقتنع ماشى مش عايز ماشى كل واحد حر

ولا انت رأيك اه يا أخ ابوسيف

وشكرا لك مرة اخرى

[ahmed1981]

السخرية مرفوضة تماما في المنتدى

كل واحد يقول رأيه ونناقش بعض ونعارض بعض ونختلف في وجهات النظر
كل ده ماشي

لكن ده ميجبش زعل ونبص نلاقي واحد إنفعل وتشدد لرأيه وبدأ يسخر من آراء الآخرين بأسلوب سيء ويستهزيء ويعيد الكلام بتريقة

اللي يعمل كده يبقى غلطان والرد عليه إنك تتوقف عن النقاش مع الشخص ده حتى يحترم آداب الحوار وبعد كده نكمل كلام عادي

ولو واحد ساق فيها وغلط إبعت كلامه واللينك بتاع كلامه للأدمين وهو هيتصرف

ولما تلاقي واحد يضايقك في المنتدى هتلاقي مية غيره بيحترموك

فأنظر للجانب الخير

لكن حكاية الإنسحاب والكلام ده غير مفيد ومش هو ده الحل

إكتب رأيك في أي موضوع بنية خالصة لله تعالى إنك تعين أخوك وتفك كربه ولا تنظر لأحد يسخر منك لأنك تتكلم لله فقط

فيا ريت متزعلش وإستمر معانا وربنا هيكرمك

[megane_man]

ياريت الأخوة المشرفين لو وجدو رد علي موضوع فيه سخرية أو استهزاء ألغاء الرد وفي حالة تكرار ذلك يتم أستبعاد العضو

[hamada2010]

السلام عليكم

شكرا لكم على هذه الروح الطيبة وربنا يوفقنا

لما ه فيه الخير والسلام عليكم

[Dr Ahmed]

الحمد لله ان الموضوع بقى واضح ورجع لحجمه الطبيعى واحنا سعداء بوجودك معنا يا باشمهندس أحمد ونتمنى منك رسائل هندسية فنية بسيطة مفيدة للجميع بالإضافة للخبرات الواقعية المنطقية من واقع تجاربك مع السيارات.. ولك الشكر.

وبخصوص تغيير الاسم أرجو من حضرتك ارسال رسالة لأدمن المنتدى بهذا الطلب وهو memo_hefnawy

[hamada2010]

السلام عليكم

شكرا جزيلا لك يا دكتور احمد وربنا يوفقنا جميعا للخير وبأذن الله سوف

نكون اكثر من اصدقاء وان شاء الله موضوعاتى فى المنتدى سوف تصبح اكثر ايضاحا

فى عمليات الصيانة والميكانيكا واى شئ لا ى عضو انا فى الخدمة


وشكرا لكم جزيلا والسلام عليكم ورحمه الله وبركاته

[ASD peugeot]

احنا اسفين يا باشا و نرجوا بقاء حضرتك في المنتدي

[M_Abdallah]

اختلاف الرأي ووجهات النظر مطلوبة عشان الكل يستفيد مع المحافظة علي اداب الحوار

[محمد المشد]

عموما يا باشمهندس احمد حسب ما فهمت من كلامك انك تمتلك سيارةاسبرانزا ! وصحيح انا وجدت ان هناك بعض الاخوة الذين يشنون هجوما كاسحاً على الاسبرانزا ويجرحون مالكيها كما يحدث الان فى موقع المنتدى العام بشأن الموقع الجديد للاسبرانزا ، ولكن هذا ايضا من قلة بالمنتدى والباقى اؤكد لك احترامهم لجميع مالكى السيارات سواء الصينى او اليابانى او غيرة
وعموما وبالرغم من هذا اكرر للجميع لاتوجد سيارة سواء صينى او يابانى او امريكى إلا ولها عيب وان كانت العيوب تختلف ولكن ارجوا مراعاة مشاعر الاخرين وربنا يبارك للجميع فى سيارتة ولا داعى للاهانة لاى فرد لانة يعشق شىء نوع معين من السيارات او لايستطيع شراء غيرها والدنيا دول ، واتمنى ان نعى هذه الكلمة
واخير شكرا للدكتور احمد وباقى الاخوة الافاضل الذين اصروا على بقائك بينهم كأخ عزيز واصم صوتى اليهم

[hamada2010]

شكرا لك جزيلا على اهتمام حضرتك وردك الكريم وان شاء الله سوف نكون مفيدين للمنتدى


وهذا هو الهدف الا ساسى من المندى وشكرا مرة اخرى

والسلام عليكم