سؤال غريب: هل يتم زيادة سائل التبريد بالماء أم بنفس نوع السائل؟

[OldVic]

الإخوة الأعزاء،

عندى سؤال، عند الكشف عللى مستوى سائل التبريد فى الصيانات الدورية هل يقوم الفنى فى التوكيل- أو أى مركز معتمد- بإضافة coolant أم ماء عادى؟؟ أنا فقط أسأل السؤال لأنى موسوس شوية

[ASKAFRAWY]

coolant لان الماء العادى مبيضافش للموتور لانه بيزيد معدلات التاكل!!
انا فى توكيل الاوبل بيزود mobil coolant

[OldVic]

أشكرك على الرد، أنا أعلم تماما أن الماء يزيد معدل التاكل و بالاضافة الى ذلك كفائته فى التبريد أقل و لكن سؤالى على ما يحدث على أرض الواقع فعلا :)

[ASKAFRAWY]

[quote=OldVic;483233]أشكرك على الرد، أنا أعلم تماما أن الماء يزيد معدل التاكل و بالاضافة الى ذلك كفائته فى التبريد أقل و لكن سؤالى على ما يحدث على أرض الواقع فعلا :)[/quote

لو على ارض الواقع المواتير القديمة كها بيتحطلها مياه عادية بس الجديد coolant لانه كفاءته عالية جدا وبيمنع السدد فى دايرة التبريد

[ehab]

معلش هو الcoolant غير المياه الخضرا و لا نفس الشئ؟

[pointer]

معلش هو الcoolant غير المياه الخضرا و لا نفس الشئ؟

مياه التبريد اسمها اصلا coolant يعني لا نوع ولا ماركه

[OldVic]

معلش هو الcoolant غير المياه الخضرا و لا نفس الشئ؟

الcoolant هى سائل التبريد و اللون (برتقالى- أخضر- أزرق) يرمز أعتقد لنوع المادة المستخدمة فى السائل.

[مصراوي جدا]

أنا سألت لك يا استاذ احمد عن الموضوع ده في التوكيل وقالوا ان الزيادة بتكون طبعا من سائل التبريد موبيل وفي العادي ان العربية بتكون مش محتاجة اساسا أو بتحتاج زيادة بسيطة أما عند تغيير مياه التبريد او العربية محتاجة لتر فأكثر (بسبب تسريب حدث او ما الى ذلك) فبرضه بيستخدم سائل تبريد موبيل ويضاف للفاتورة

[OldVic]

ألف شكر باشمهندس طارق :) الحقيقة كان سؤالى بسبب قرائتى لموضوع فى منتدى الدايهاتسو و كاتب الموضوع قال أن مركز الخدمة وضع ماء عادى فتذكرت اننى لا أعرف ما يتم فى مصرية فقلت أسأل :)