شوية استفسارات انا قلقان منها؟

[mazen86]

معايا لانسة 2008 اتوماتيك رياضية

الصراحة ساعات كتير او تقريبا اغلب الوقت بنقل من N ل D او العكس من غير ما ادوس علي زرار الفتيس الصراحة انا ابتديت اقلق

قلت يمكن كتير استخدامها تقصر عمر الفتيس قلت اتاكد هل هيا كترها غلط ولا عادي ؟

تاني حاجة استهلاك العربية في البنزين عندي جبار جدا

يعني مثلا لو حطيت 33 لتر بيعملوا معايا 250 كيلو بالعافية انا شايف ان دا قليل جدا

يعني دكا تبقا العربية بتعمل 7.5كيلو لكل لتر بنزين

يعني بتعمل تقريبا في الصفيحة 150 كيلو هل دا كتير او قليل انا مش عارف

الصراحة باين ان مشكلتي كلها ان كان معايا كورولا قبل اللانسر وكانت 1300مانيوال

والمشكلة اني بقارن بينهم في استهلاك البنزين وشايف ان اللانسر غول بنزين ومع كدا الناس كلها بتشتريها مش عارف لية مع انها بتاكل

بنزين كتير هل الاستهلاك دا عند الجميه ولا انا بس

شكرا ليكم

[S H @ F T]

موضوع الn &d ده عادي وميعملش مشكلة
أما استهلاك البنزين فهو عالي فعلا ومش مظبوط

[alhamza]

انا كمان كان معايا رياضيه 2006كانت نفس استهلاكك كانت هتجنني ومتنقلش كتير في الغيارات علشان ممكن تغلط وتدي مرشدير والعربيه ماشيه لقدام هيبوظ الجير علي طول انسي المانيوال

[waled369]

انا كمان كان معايا رياضيه 2006كانت نفس استهلاكك كانت هتجنني ومتنقلش كتير في الغيارات علشان ممكن تغلط وتدي مرشدير والعربيه ماشيه لقدام هيبوظ الجير علي طول انسي المانيوال

بالنسبة لموضوع النقل من D : N عادي مفيش مشكلة .
أما انك تغلط و تدي R مش هينفع لأن الجير فيه Safety و العربية مش هتقبل إلا إذا ضغطت الزرار .

[nobody]

ما فيهاش حاجة تنقل من D الى N بس تكون العربية واقفة مش ماشية يعني لو في اشارة او حاجة زي كده
العربية بتعمل معايا من 150 - 180 كيلو في الصفيحة داخل البلد
و 200 -220 كيلو في الصفيحة على الطرق السريعة

[iunknown]

متوسط الاستهلاك 110 كم لكل 10 لتر على الطرق السريعة

[limo]

على كده انا احسن استهلاك فيكم
انا العربيه بتعمل معايا جوه كل مره تقربيا 180 كم فى الصفيحه ممكت تقل او تزيد 5 كم
احسن مره وصلت ليها للاستهلاك كانت 200 كم فى الصفيحه الكلام ده فى فتره التلين
واوحش مره وصلت ليها كانت 160 كم فى الصفيحه
كل ده جوه البلد
بره بقى كنت راجع من بورسعيد ومحمل 6 افراد +شنطه مليانه على الاخر ومشغل التكيف طول الطريق وماشى على 100 - 120 265 فى الصفيحه
بس برضو الاستهلاك كده خانقنى جدا

بالنسبه الموضوع الفتيس
مفيش مشكله الزرار ده شفت لوك وظيفته انه لا يسمح للفتيس الى التنقل الى حاره تانيه اثناء السير ممكن تكون الحاره ده خطر على الفتيس
بما ان الفتيس اتحرك بدون الزرار يبقى مفيش مشكله

[basom]

طيب الحمد لله انا كنت فاكر ان انا بس الى عربيتى بتاكل بنزين انا نفس المعدل بلظبط انا كل مشاويرى طوالى يعنى جوة البلد دائرى و سفر مرة فى الاسبوع و بتعمل معايا 160 فى الصفيحة بالعافية فعلا عربية فاشلة فى استهلاك البنزين فعلا غول بنزين

[mazen86]

شكرا ليكم جميعا علي المشاركات والمساعدة

انا كنت بتمني ان حد يقولي اي حل لتقليل استهلاك البنزين

وشكرا ليكم

[ahmedel_rayies]

متوسط الإستهلاك 11 كليوا لكل لتر يعنى 220 كليوا للصفيحة وأعتقد كدا كتير بردوا هشوف فى التوكيل هيعملوا إيه صيانة ال 40 ألف قربت خلاص