مساعده من خبراء البومه

[can_be]

السلام عليكم ورحمه الله وبركاته

انا معايا لانسر بومه 2008 وعمله 105 الف وانا جبتها زيرو بس فى حاجه مضيقانى اوىىى دلوقتى

اولا بتاكل بنزين اوىىىىى مش عارف ليه

ثانيا بقيت بطه بعد 140 مش عارف ليه مفيش اداء خالص يعنى لغايه ال 120 تمام ومن 120 الى 140 بتجمع ببطئ بعد ال 140 بطه صوت عالى علفاضى تماما بجيب 160 بالعافيه مش عارف ليه مع العلم ان كل صيانتها فى التوكيل بس انا خايف اقولوهم كده يشتغلونى فقلت اخد اراء الخبره :)

ثالثا اخر ربع فى التنك مبيقراهوش العداد بتاع البنزين مش عارف ليه افول العداد يطلع ويقف عند الربع الاخير وقطعت مره منى من غير ما اللمبه تنور لان العداد كان واقف على اخر ربع.

فمش عارف اعمل ايه

فجزاكم الله خير

[eng_amg]

إطمن .. كل دا كلام فاضي.
أولا السحب والصوت العالي وأستهلاك الوقود دا راجع لحاجتين:
1) تأثر بنوع البنزين والأتربة بالجو ..
- محتاجة تنظيف بوابة وأيديال وتغيير أو تنظيف فلتر هواء

2) تغيير زيت الفيتيس
- راجع علي ميعاد تغيير زيت الفيتيس ولو قرب علي 60000 غيره ويفضل تغيره في التوكيل حيفرق كتير جدا في السحب وإستهلاك الوقود

ثانيا: مؤشر البنزين :
دا عيب في اللانسر عموما إن عوامة البنزين بتبوظ بسرعة عن أي عربية تانيا
ممكن تغير العوامة للأصلية بس حتكون غالية وحتبوظ برضو.
وممكن تغير بالعوامة التايواني بحوالي 120 جنيه طالما في الحالتين حتبوظ بعد فترة

وطبعا المشاكل دي كلها بسبب جودة الوقود الفائق في مصرنا الحبيب. :) :) هاهاااا

المفروض العربيات دي تمشي ببنزين 95 أو أكثر وإحنا بنحط 92.. إلي هو أصلا يعادل 80
فإحمد ربنا إنها بتمشي بكفائة كدا
:)

[can_be]

إطمن .. كل دا كلام فاضي.
أولا السحب والصوت العالي وأستهلاك الوقود دا راجع لحاجتين:
1) تأثر بنوع البنزين والأتربة بالجو ..
- محتاجة تنظيف بوابة وأيديال وتغيير أو تنظيف فلتر هواء
انا ماشى على صيانه الكاتالوج بالظبط وفلتر الهوا بيتغير بانتظام مش فاهم تنزيف البوابه والايديال ده يعنى ايه
2) تغيير زيت الفيتيس
- راجع علي ميعاد تغيير زيت الفيتيس ولو قرب علي 60000 غيره ويفضل تغيره في التوكيل حيفرق كتير جدا في السحب وإستهلاك الوقود
انا اصلا كل الصيانات فى التوكيل وانا 105 الف فمغيره بس الصراحه فى مرهالمهندس قالى انت علشان مبتحرقش ولا كيك دون وكده فممكن تقعد معاك تعملها على الصيانه الى جايه الكلام ده كان فى صيانه 80 الف
ثانيا: مؤشر البنزين :
دا عيب في اللانسر عموما إن عوامة البنزين بتبوظ بسرعة عن أي عربية تانيا
ممكن تغير العوامة للأصلية بس حتكون غالية وحتبوظ برضو.
وممكن تغير بالعوامة التايواني بحوالي 120 جنيه طالما في الحالتين حتبوظ بعد فترة
طيب متعرفش لو عملتها فى التوكيل هتبقى فى حدود كام
وطبعا المشاكل دي كلها بسبب جودة الوقود الفائق في مصرنا الحبيب. :) :) هاهاااا

المفروض العربيات دي تمشي ببنزين 95 أو أكثر وإحنا بنحط 92.. إلي هو أصلا يعادل 80
فإحمد ربنا إنها بتمشي بكفائة كدا
:)
هههههههههههههههههههههههههههه

[can_be]

هل من مجيب يا رجاله

[kbarema]

ايوه يا فندم
السحب
نضف فلتر الهوا مش لازم تغير (هو احنا هنلاحق)
غير البوجيهات (لو ده معادها)
حط منظف دوره وقود (او ممكن تحط صفيحه 95 لو تقدر)
اظبط ضغط الكاوتش
نيجي بقي للزيت
اللي اتعلمته ان الزيت في اول 100 الف كم غيير الزيت في تانى 100 الف جم لازم تعرف كده
او 100 الف بنحط تخليقي
تانى 100 الف بنحط نصف تخليقي
تالت 100 الف بنحط معدنى
كمان متغيرش زيت في التوكيل خليك برا وبلاش موبيل ولا شيل لان اللي في السوق مضروب
وزيت الفتيس مهم جدا جدا جدا
عوامه البنزين بتعمل معايا كده وبترجع تانى يظبط لوحدها من ملاحظاتى متحطش بنزين والعربيه شغاله بطل وحط ويا سلام لو دايما تحط بنزين وهى عند النص كده

[can_be]

هوا الاوتوماتك بيتغيرله بوجيهات والمفروض تتغير على كام

[jimmy.awad]

ياريت حضترتك قبل اى حاجة نضف بوابة المنفول الى فى اخر فلتر الهوا وحساس الكربون هتلاقية فوق فى غرفة الانجكش انا عربيتى كانت عملت كدا نضفت المنفول والحساس حسيت انها اتسلكت زى ما بيقولو انا معايا صور للمنظف الى استخدمتوا بس مش عارف ارفعهه اسمو carb clean made in usa بيرجعلك العربية سلكه كانهه جديدة والعربية بتكتم كدا من تراكم الكربون عل المنفول وفى العربيات الى مشية كلوات قليلة هتلقية عامل زى الكربون لاكن فى الكلوات العلية هتلاقية عامل زى الشحم وان شاء الله مشكلتك تتحل بعد كدة

[jimmy.awad]

هوا الاوتوماتك بيتغيرله بوجيهات والمفروض تتغير على كام

كل 20 الف وياريت تكون اصلية

[can_be]

يعنى اروح للمكانيكى اقوله نضفلى بوابه المنفول اسمها كده صح واجيب المنضف ده منيين واجيب بوجيهات ايه ومنين وهل علشان مسدوده بتاكل بنزين كتير

[jimmy.awad]

يعنى اروح للمكانيكى اقوله نضفلى بوابه المنفول اسمها كده صح واجيب المنضف ده منيين واجيب بوجيهات ايه ومنين وهل علشان مسدوده بتاكل بنزين كتير

اة اسمهه كدة وهتلاقى المنظف عند اى محل قطع غيار كبير وينضفلك حساس الانجكشن وبوجيهات الانسر الاصلية بيبقة مكتوب عليهه وبتكون شمعة واحدة وان شاء الله بعد كدة تنتهى مشكلتك

[can_be]

ربنا يخاليكوا ليا يا شباب انا عملت الى قولتو عليه بس هوا قالى محتاج اغير فلتر بنزين الى هوا تحت الكنبه وفلتر هوا فكنت عايز اعرف ايه لازمه فلتر البنزين ده

[can_be]

يا جماعه فى خبر محزن بعد التظبيط العربيه فى السرعات الى الواطيه لغايه 120 تمام وصوت المتور هدى وكله تمام بس برده مبتسحبش بعد 140 مش عارف ليه يمكن علشان فلتر البنزين والهوا ولا الكوتش ويمكن اكون محتاج تنضيف الانجكشن ولا ايه المشكله انا محتار جدا

[kbarema]

طب انت ظبطت ايه وسيبت ايه

[can_be]

انا غيرت البوجيهات وى نضفت البوابه ومش عارف اعمل ايه تانى

[jimmy.awad]

يا جماعه فى خبر محزن بعد التظبيط العربيه فى السرعات الى الواطيه لغايه 120 تمام وصوت المتور هدى وكله تمام بس برده مبتسحبش بعد 140 مش عارف ليه يمكن علشان فلتر البنزين والهوا ولا الكوتش ويمكن اكون محتاج تنضيف الانجكشن ولا ايه المشكله انا محتار جدا

ممكن تكون طرمبة البنزين ضعيفة واكيد متغيرتش من يوم محضرتك جبت العربية وهى بتبقى مع الفلتر تحت الكنبة الى ورا ياريت تغير المجموعة كلها بتيجى مع بعض الطرمبة والفلتر بتعمل فى حوالى 500 جنية الاصلية وان شاء الله هتلاقى العربية اتحسنت كتير