استفسار || لانسر بومة 2007 - 2008

[mahmostus]

السلام عليكم

لو سمحت كنت عايز أسأل..بفكر اجيب لانسر بومة مستعملة 2007 - 2008 بس حتبقي عاملة أكتر من 100000 كم ...سؤالي هل كده غلط فعلا؟ يعني اي عربية بعد ال 100000 كم بتبدأ تفتح بوقها و اعطالها تزيد عشان في ناس حزروني من اني اجيب حاجة ماشية 100000 كم

ياريت الناس اللى معاها بومة و مشيت بيها أكتر من 100000 كم تقولى رأيها فى الأداء بتاع العربية و الاعطال ايه نظامها؟ معلش ياجماعة محتاج نصيحتكو ضرورى ياريت اللى ينصح يبقى عن تجربة

و شكرا مقدما

[monamize4]

العداد مش مقياس ياباشا المهم الحالة
100 الف كيلو مش عداد كبير بس اكيد مش زى عربية عاملة 20 الف كيلو
و ماتنساش انك بتتكلم عن عربية بقالها 7 سنين ف مصر

واحد صاحبى معاه بومة 2007 ,, عامل عداد 250 الف كيلو
و العربية معاهم من الزيرو و حالتها ممتازة بس طبعا بيهتموا بصيانتها جدااااااااا

[kbarema]

معايا بومه 2008 اتو 1600 من الزيرو عامله 130 الف ومبتمشيش كتير وحالتها احسن من موديل 2013 مع صديق ليا
حسيت ان الموديلات القديمه افضل في الفنش وكمان الفتيس القديم افضل
المهم الاهتمام بالصيانه والتوكيل
اخر فاتوره في شهر 9 اللي فات ب 7000 جم غيرت مقصات وقواعد وشدادات وكل شىء متهالك في العفشه
اللي اقصده مش مهم الموديل ولا الكيلومتر المهم الحاله
الحاله وبس
ونصيحه هات موديلات 2007 الي 2009 ويكون ايرباج واي بي اس وخليك في الفرش البيج بلاش الرصاصي

[kbarema]

معايا بومه 2008 اتو 1600 من الزيرو عامله 130 الف ومبتمشيش كتير وحالتها احسن من موديل 2013 مع صديق ليا
حسيت ان الموديلات القديمه افضل في الفنش وكمان الفتيس القديم افضل
المهم الاهتمام بالصيانه والتوكيل
اخر فاتوره في شهر 9 اللي فات ب 7000 جم غيرت مقصات وقواعد وشدادات وكل شىء متهالك في العفشه
اللي اقصده مش مهم الموديل ولا الكيلومتر المهم الحاله
الحاله وبس
ونصيحه هات موديلات 2007 الي 2009 ويكون ايرباج واي بي اس وخليك في الفرش البيج بلاش الرصاصي

[mahmostus]

معايا بومه 2008 اتو 1600 من الزيرو عامله 130 الف ومبتمشيش كتير وحالتها احسن من موديل 2013 مع صديق ليا
حسيت ان الموديلات القديمه افضل في الفنش وكمان الفتيس القديم افضل
المهم الاهتمام بالصيانه والتوكيل
اخر فاتوره في شهر 9 اللي فات ب 7000 جم غيرت مقصات وقواعد وشدادات وكل شىء متهالك في العفشه
اللي اقصده مش مهم الموديل ولا الكيلومتر المهم الحاله
الحاله وبس
ونصيحه هات موديلات 2007 الي 2009 ويكون ايرباج واي بي اس وخليك في الفرش البيج بلاش الرصاصي

بس انت صارف 7000 جم عشان العفشة كانت متهالكة ...انت مكنتش بتعملها صيانة قبل كده؟
اقصد 7000 جم كتير كده انا لو جبت حاجة فى ماشية نفس المسافة حصرف عليها كمان كتير؟

[kbarema]

لا مش شرط 7000 جم دول في 7 سنين مصرفتش جنيه واحد قبل كده علي العفشه واللي كان راكبها اخويا ضابط جيش وكان بيسافر بيها مناطق جبليه وكمان دى اسعار وكيل يعنى احسب التلت بس

[mahmostus]

استفسار

يعنى انت شايف لو جبت لانسر مثلا عاملة 100000 كم احسن من لو جبت فيرنا زيرو مثلا بشرط انها تكون حالتها كويسة و عاملة صيانتها كلها؟
معلش تعبتك بكتر اسئلتى

[kbarema]

لو بشترى لنفسي هاشترى لانسر
علي فكره انا كان معايا النترا الشكل الجديد سنتين وبعتها عامله 20 الف كم واشتريت عربيه اخويا وهى اصلا كانت بتاعه والدى يعنى مخرجتش برا البيت وعارف كل صيانتها ولحد دلوقتى لما اروح لميكانيكى مثلا اغسل الموتور يقولي المكنه دى جميله ولسه بحالتها وكل ما حد يشوفها يبقي عاوز يشتريها
حتى العفشجى روحت اعليها قالي العفشه دى متغيرتش قبل كده خالص (ورا يقصد)
المهندس في المرور حتى وهو بيفحص كان عاوز يشتريها
المهم وانت بتشتري
هات عربيه فبريكه فبريكه واتاكد انها فبريكه من غير حوادث حتى لو اغلي شويه
وخلي بالك ولاد الحرام كتير بينزل يشترى حاجات استيراد ويركبها ويبيع العربيه علي انها فبريكه
هات عربيه اتو 1600 الطابلوه البيج وباكد عليك البيج هتفرق كتير والعربيه بتبقي منوره والعاج البنى دى بتبقي خليجي
ربنا يوقعك في واحد تكون من بيت محافظ هتدعي للي باعها
ومتستعجلش انت مبتدعش شويه والعربيات مبتخلصش
هتلاقي هتلاقي
الصبر

[mahmostus]

جزاك الله خيرا ...معلش سؤال أخير بالنسبة لموضوع فبريكة هل لو كشفت جوه التوكيل كفاية عشان يقدر يتأكد من انها فبريكة ؟ ولا ممكن ميعرفوش ومتشكر على تعبك معايا

[kbarema]

طبعا كفايه والصنايعيه عارفين الخفايا كلها
انت عارف الخليجى منها في رقم شاسيه في كل باب وعلي الكبوت من جوه وفي الشنطه وعلي الطابلوه وعلي القوايم وتحت الكرسي يعنى هتعرف هتعرف وهما عارفين كل حاجه وربنا يكرمك بعربيه كويسه وطبعا ان شاء الله اول ما تشتري لازم تغير وتعمل كل الصيانات علشان تتمتع بيها

[David Micheal]

انا عربيتي اشترتها 132 الف كيلوووووو و كان الشكمان لسه بيجيب ميه و غير كده انا دلوقتي عامل بيها 160 الف و العربيه بحالتها بجيب ال 170 و ال 180 و 190 عادي جدا علي الطريق و تكيفها تلاجة و كل حاجة شغاله الحمدلله

المهم تكون محافظ علي العربيه و ايدك فيها علي طول صيانه و زيت و كاوتش و كله

وربنا معاك وتلاقيلك واحده حلوه