الشارك الخليجى

[amir872]

يا جماعة انا معجب جدا بالشارك اوى و بفكر اشتريها بس بصراحة الفلوس معايا مش كتير
يعنى يدوب اقدر اجيب الفئة الاولى بالعافية بالقرض..بس اعمل اية نفسى فيها
السؤال هنا اجيب بضمان الوكيل ؟
ولا بيقولى الخليجى برضو حلو و فى اوبشنز اعلى و سعر ارخص
لو قررت اجيب الخليجى اشتريه منين ؟

[marwanragab]

بص احسن خليجي واقل سعر بعد لف كتييير جبتها لواحد صاحبي امبارح من سمير ريان جابلنا اقل سعر بالمواصفات اللي محتاجنها عاملة 138000 فيها كاسيت اصلي فوج لايت اصلي في دراع النور مش زرار زي كل اللي برة بيركبوة و فرش حرير و جنوط و مخادع خلفية
الخلاصة هات خليجي هتاخد دهان احسنط وعزل اقوي وسعر اقل والعربية دي اي حد فاهم فيها فا متقلقش منها خالص

[marwanragab]

اه نسيت اقولك ان كمان الاستلام عندهم بسرعة لأن كل العربيات موجودة فا انت لو ورقك جاهز هتروح تاخد عربيتك وتمشي بصراحة انا اتبسطت منهم اوي

[amir872]

اشكرك.بس يا ريت تقولى سعر ١٣٨٠٠٠ دا فيها abs
وهل abs مهم يكون فى العربية لان ميكانيكى قالى مالوش لازم غير لو فى مية او رمل غير كدة زيو زى الفرامل العادية

[marwanragab]

لأ مفيش abs لو محتاج حاجة فيها abs هتتكلم في رينج فوق 144000 متهيألي ال abs دة اسمه فرامل مانعة للانزلاق ودي فكرتها ان العربية متسحبش منك لما تضرب فرامل فجأة وبيديك مساحة من الوقت انك تقدر تناور بالدركسيون يمين او شمال عشان تتفادي اي حاجة دة في المعلومات اللي عرفتها لما قريت عنه واللع اعلم بس صدقني بقة عن تجربة انا اللي استلمت العربية امبارح ومشيت بيها فراملها جامدة لأن الياباني كمان معرف بفرملته القوية فا مش هتحتاج abs اوي طبعا عرفت تزود وتجيب حاجة فيها abs ووسائل امان زي ايرباج وكدة هيكون افضل مقدرتش خليك في اللي بقولك عليها دي ركوبة وروح شوفها بس علي كلامهم امبارح ان الفئة دي خلصت من عندهم لسه عربية واحدة اللي عندهم دلوقت طارة مالتي مكان الفوج لايت الاصلي و زيادة 2000 جنية يعني ب 141000 باين ودي ممتازة برضة

[Rady Abu Hashi]

بصراحة انا رأيي انت لو مش هتجيب الفئى التانية (abs) يبقي بلاش كلام في السعر العالي انا لسا شاري عربيتي من 4 ايام من عند سمير الريان و كان بيقولي عنده من غير abs ب اسعار تتراوح ما بين ال131 لحد 138 و انا بفضل ال131 او 132 في حالتك لان الكماليات عمتاً مقدور عليها بعد كدا زي الفوج(400 جنية) و السبويلر (350) و مسند لليد (150) الحجات دي مقدور عليها و تتجاب حاجة ورا حاجة مع فرج الله.
و مبتفرقش كتير في السعر ساعة البيع.
و نقلاً عن لسانه "اقدر اوريك 4 عربيات ب131 و 132 و 133 و 134 و متفدرش تفرق بينهم لان الفروق بسيطة واحدة مفهاش مخدع يد او مخدع خلفي فرق اوبشنز" مع احترامي مهما عملت في عربيتك بعد ما تجيبها هيبقي فرق 6-7 الاف جنية ؟؟؟ ممكن تجبهم بنص السعر مثلا.

[marwanragab]

اللى انا فهمته وانا بشترى مع صاحبى دة ان الفئة اللى ب 132 مفيهاش كاسيت الاوريجنال ومفيهاش السبويلر الاورجنال ومفيهاش الفوج لايت الاورجنال وأعتقد الحاجة در ليها قيمة الاورجنال غير المتركبة هنا

[M.Elwan]

المخدع في الوكيل بيتباع بالكونسول كامل برقم خرافي يعني انسي أنك تركبه والفوجات بتركب في التوكيل بزرار خارجي مش من دراع النور فركز اي كانت الفئة اللي حتيجبها يكون فيها مخدع اصلي وفوجات أصلية

[salahudin solt]

طيب الاتراح الخليجي ارخص بردة ونظامها اية

[sherifwahab]

السلام عليكم انا لسه شاري الشارك خليجى ٢٠١٥ من القرش من ٤ ايام بصراحه الخليجى ركوبه تانيه خالص

[abolo2]

السلام عليكم انا لسه شاري الشارك خليجى ٢٠١٥ من القرش من ٤ ايام بصراحه الخليجى ركوبه تانيه خالص

الفئة كام و عاملة كام و كمالياتها اية مستني الرد

[hossam_elwani]

نصيحه حتى لو فيه فروقات ومش حتبيع قريب جيب الى فيها سبويلر وفوج ومخدع الاصلى مايتعوضش

[خالد دياب]

في راي السبويلر شكل مش اكتر ولفوج مش الحاجه ملحه نور العربيه ما شاء الله مش محتاج شوف الحجات الاساسيه اللي تهمك في العربيه وبالتوفيق

[abolo2]

الفئة كام و عاملة كام و كمالياتها اية مستني الرد

متابع

[salahudin solt]

والاتراج في منها خليجي وبكم