خبرة جديدة = خبطة جديدة

[Dr Ahmed]

بالأمس حاولت دخول شارع ضيق لأركن فيه قريبا من عيادتى الموجودة فى شارع مزدحم... كان على مدخل الشارع متوسيكل ب 3 عجلات وبجانبه رجل وامرأة فسألتهم لاستعجالى اذا كانت المسافة ستسمح بمرور السيارة أم لا.. وقالو لى انها وااااااااااسعة... بدات أدخل وتركيزى على عدم خبط الحائط الذى على يسارى وهم بيرشدونى من على يمينى.. وعمالين يقولو لى ماشى ماشى ماشى .. وأتارينى ماشى حاكك فى حديدة من المتوسيكل المنيل بتاعهم لحد ماتحشرت فيه!!!!!###########
نزلت وبيقولو لى مافيش حاجة خالص وأبص ألاقى خربوش عميق بطول 50 سم وتجريح بالهبل...... آآآآآآآآآآآآآآآآآآه .....
إنا لله وإنا اليه راجعون
منهم لله


من هذا الموقف عرفت قاعدة جديدة ذهبية: اضبط المرايات علشان تشوف جوانب العربية بالكامل وانت بتلف فى مداخل ضيقة ولا تعتمد على من يرشدك بالذات لو واحدة ست وصدق نفسك فقط..

[معاذ الشرباصى]

قدر الله و ما شاء فعل

فعلا المرايات مفيدة جدا فى مثل هذه المواقف

و لازم الواحد ميصدقش غير اللى هو شايفه فقط, لأن الناس فى الشارع فهلوية

ربنا يحفظلك عربيتك يا دوك من كل سوء

[boody2]

Re: خبرة جديدة = خبطة جديدة

لدكتور احمد

اولا صباح الفل

ثانيا فداك و الحمد لله
حقول لحضرتك ان برضه مراتي كانت سايقة السيارة من حوالي 4 اشهر و هي نازلة من منزل كوبري سيارة نيسان خلف سيارة زوجتي خبطت موتوسيكل و الموتسيكل وقع علي المنزل و جادون الموتسيكل جاب الاكصدام الخلفي لسيارتنا علي الارض و يوميها غيرنا الاكصدام بحوالي 2100 جنيه مع الرش و الحمد لله كان السيارة متامن عليها و لهذا وجب الحزر من الميكروباص و الموتسيكل و في الاخر ربنا يستر
أخوك مهاب ابو بودي

[Karim_Monir]

معلش يا دكتور قدر الله وما شاء فعل
ويا ريت تركب المرايات الصغيرة علي المراية بتاعت الجنب بتديل تفاصيل كتير بالذات وقت الركنات

[nabilaly]

قدر الله و ما شاء فعل يا دكتور احمد نفس الموضوع دة حصل معايا و انا بركن عربتى بس مع طوبة على الرصيف و العتب عندى اتجرح و اتطبق و رحت الأمير جوزيف قالى هتكلفك 400 جنية !!!!!

[memoo_1st]

قدر الله وما شاء فعل الحمد لله انها جت في حاجه بسيطه
بس هوا فعلا الواحد ميصدقش غير الي شايفه في المرايه حتى لو سايس ساعات يقعد يقولك اطلع من الركنه وفيه غربيه جاييه :shock: :shock:
هوا فعلا دي ناس فهلوانيه

[ابوحميد]

فعلا يا جماعة الواحد مش يصدق غير اللى شايفه بعنيه
الناس دلوقتى بتفتى وخلاص

[fahd_628]

يا ساتر يارب

ربنا يحفظلك عربيتك

[اسلام المصرى]

معلش يا دكتور أحمد ماتزعلش نفسك الحمد لله بسيطة , أنا عارف و فاهم أنها حاجة تضايق طبعا و ترفع الضغط معلش قدر الله وما شاء فعل و الحمد لله فى الاول و فى الأخر.

[M_Abdallah]

خلي بالك بعد كده يا بطل

[احمدعبدالعزيز]

معلش يا دكتور قدر الله وما شاء فعل

[eng/muhamad]

انا اعرف واحد قريبى عمرى ما شفته فاتح المرايات و طول عمره بيعتمد على مرايه الصالون
ازاى مش عارف :!: :!: :!: :!: :!: :!: :!:

[khaledamer]

خبير في التامين علي السيارة

أريد مساعدة من أحد الخبراء في التامين ماذا نفعل في حالة حدوث حادث لاقدر الله وماهي الخطوات التي يجب أن نعملها ====

[Powert]

لما باجي اركن والمنادي بيعقد يقولي ارجع ارجع مش بهتم بيه وبركن انا بمزاجي وبقوله ابعد عني بعرف اركن

لان واحد قبل كده قالي ارجع ارجع واسعة يابيه وهوب الاقيني لبست في العربية اللي ورايا

يادكتور احمد ماتسمعش كلام حد منهم واركن انت بمزاجك انت حافظ عربيتك احسن منهم

وقدر الله ومشاء فعل