خصم كبير على لانسر شارك !!

[Hunting_Eagle]

السلام عليكم

توكيل ميتسوبيشي مصر .. دايموند .. عامل خصم كويس أوي على لانسر شارك 2015

الأسعار الجديدة

الفئة الأولى 129000

الفئة التانية 141000 أو 139000 (مش متأكد لأتي سمعت الرقمين)

الفئة التالتة 150000

الهاي لاين 161000

الخبر و الأسعار من الفيس بوك و ناس بتقول انها اتصلت واتاكدت من الأسعار

تقريبا العربية رخصت من 5 ل 7 ألاف جنيه

أنا مش فاهم ايه سبب التخفيض المفاجئ ده .. بس مصلحة

اللي حابب يشتري يلحق .. أكيد الناس هتهجم عليها .. هي أساسا الطلب زايد عليها

تحياتي

[J A G U A R]

كويس والله

[marwanragab]

والله مش مصدق ان احنا فى مصر حاجة بترخص الحمدلله

[Sameh samy]

في شكل جديد نازل وعاوزين يخلصو المخزون

[MaZaGAngeE]

في شكل جديد نازل وعاوزين يخلصو المخزون

متاكد من الكلام ده ؟

[m_m_k_z]

انا اتصلت بالتوكيل انهاردة واتأكدت من الكلام دة ...... دي حاجة كويسة طبعا بس انا شاكك ان فية حاجة هتحصل ....لاما الشكل هيتغير لاما في حاجة احنا مش عرفنها ولازم نعرفها ..... ياريت يا جماعة كلوا يسال بطريقتوا كدة اية اللي ممكن يحصل وياكدلنا ... شكرا

[خالد دياب]

90 % في الميه الشكل هيتغير علشان كده بيخلصو الشكل ده المفروض العرض الترويجي بيكون في شهر 8 او 9 زي السنه اللي فاتت بس ده في شهر 1 يعني لسه في اولها والعرض قايم حاجه غريبه يا 10 %في الميه في حجات ممكن تتشال من الكماليات علشان يروجوا شويه ليه لان السوق واقف مش بس في العربيات في كل حاجه فدي حركه تنشيط وكده ومحدش يقدر يجزم هو في ايه ومش عايزن نفتي او نظلم بس كل حاجه هتبان انشاء الله وياريت حد ينزل المعارض او ليه حد هناك يكون امين يقول فيه ايه والله تعالى اعلى واعلم

[amr_8800]

اول مره دايموند يعمل حاجه مفيده
ربنا يبارك لكل الي بيفكر يشتري

[Mohamed.Ramah]

مستبعد التوكيل عمل تخفيض علشان فية شكل جديد لان اصلاً السيارة فى بلدها ملهاش شكل جديد والتطوير اغلبة على مواتير evo واخر طراز كان Evolution MR عام 2011 بجانب بعض لتعديلات الطفيفة على الشكل الخارجى فقط

من فترة قريبة كان فى بعض الاخبار" غير مؤكدة " بتقول ان شركة ميتسوبيشى هتستبدل طراز لانسر بطراز اخر بديل واترسم لية صورة تصويرية وعلى العموم معرض ديترويت بدأ وفى انتظار الاخبار

[dramir1]

abs موجود في انهي فئه؟؟؟

[Mohamed.Ramah]

abs موجود في انهي فئه؟؟؟

2Airbags + Abs ، Ebd ، BAS متوفرين من اول الفئة الثانية GLX ------- الفئة الاولى ايرباج واحدة فقط للسائق ودة من موقع السيارة الرسمى .

[Hunting_Eagle]

لحد اللحظة دي مفيش اي أخبار عن أي شكل جديد .. لو كانوا بيعملوا حاجة كان المصوريين ها يجبوها .. و في مواقع متخصصة انها تصور العربيات اللي لسه ما نزلتش السوق قبل ما تطلع من مصانعها

معنى كده ان كمان (على الأقل) سنتين لما الشكل الجديد ينزل و سنة كمان على ما يجي مصر .. يبقى مش أقل من 3 سنين لو نزلت لانسر بشكل مختلف .. ده ان كان في شكل مختلف من أساسه

و زي ما ا \ محمد رماح قال فيه مواقع بتقول ان الانسر فعلا هيتوقف انتاجها و هتستبدل بطراز تاني جديد .. لأنها أقل طراز بيبيع في ميتسوبيشي (مش عارف مدى صحة المعلومة بتاعة المبيعات دي)

عموما .. انها شايفها صفقة رابحة للي عايز يشتري اليومين دول

لأن حتى لو نزل شكل جديد هيبقى بيلعب في رينج ال 200 الف .. و ده هيرفع سوق الشارك المستعمل بغباء

[احمد عامر محمد]

هي استلام فوري ؟
و العرض هيخلص امتي؟

[Hunting_Eagle]

هي استلام فوري ؟
و العرض هيخلص امتي؟

اه استلام فوري

بالنسبة للعرض مش عارف .. ممكن تتصل بيهم و تسألهم

[yyy]

اسعارهم بقت زي اسعار الخليجي