حطيت بنزين 95 فى لانسر مصرى؟!!!!

[mohamedway]

سمعت كتير فى الفتره الأخيره ان البنزين ال95 بيخلى العربيه حاجه تانيه خالص و قويه جدا و فوق كل ده استهلاكه قليل قوى و بيقعد كتير و سمعت التجربه من كذا شخص قام بالتجربه على عربيات غير الانسر أصلا و انا أعرف ان الانسر الخليجى لما بيتحطلها 95 بيفرق معاها جامد.......
المهم انا عربيتى 1600 مواصفات مصرى و يكفيها بنزين 90 لأنها مصممه عليه و دايما كنت باحط 92 و لما حطيت 95 كنت متوقع ألاقى فرق و لو بسيط عشان عربيتى مش خليجى و لكن اللى حصل ان الأداء متغيرش خالص و لا بنسبه صغيره حتى و اللى زاد عليه ان اشتهلاك العربيه زاد جدا و البنزين بيخلص بسرعه رهيبه...........المهم قولت اللى خلانى حطيت 95 للتجربه و انا أصلا باحط 92 طيب ما أجرب ال90 و فعلا جربته وإذا بالمفاجأه ان أداء العربيه اتحسن قليلا و استهلاك البنزين اتحسن كثيرا وده طبعا مش فى كل العربيات لأن ليا واحد صاحبى معاه يارس و لما جرب ال90 حس ان العربيه بقت خشنه جدا و رجع لل92 تانى .......اللى عاوز أقوله ان العربيه لو مصممه على ال90 فال90 هيكون احسن حاجه ليها و احسن كمان من ال92 بس مربط الفرس هى العربيه مصممه على ايه و كبس المتور بتاعها عالى و لا قليل (نسبه انضغاط الخليجى 10 و المصرى 9.5 )

[salem]

mesh yemken yekon fe feshit octane tozbot beeha el 3rbya feeha banzen eh?!

[mohamedway]

mesh yemken yekon fe feshit octane tozbot beeha el 3rbya feeha banzen eh?!

ياريت لو حد عنده معلومه عن حاجه زى كده فى الانسر يقولنا (انا أعرف ان فيشه الأوكتان ده موجوده فى الانوس).

[salem]

mana 3andy nafs el fkra de mel lanos bardo
ma3rafsh eh el nezam fel hagat el tnya

[MoDyBeNz2008]

تلاقي البنزين كان مغشوش جرب تحط من عند امارات مصر و شوف كدة

[limo]

هيه فعلا بتفرق من عربيه لعربيه
يعنى انا مثلا لما بحط فى الكليو 92 صوت المتور هوه هوه والاداء هوه هوه واستهلاك البنزين اعلى من ال90
بعكس الانوس لما كنت بحط ليها 92 كانت العربيه بتفوق تماما والاداءها بتحسن وصوت المتور بيوطى وبتعمل كم اكتر من 90

اما الانسر انا معايا الخليجى ومكتوب على التانك توصيه باستخدام ال95 وفى الكتالوج كاتبين انه فى حاله عدم وجود البنزين ال95 يمكن استخدام بنزين 91 وولكن سيلاخظ ان اداء المحرك سينخفض قليلا

انا بستخدم ال92 وماشى كويس جدا ونفسى اجرب ال95 بس خايف علشان فى ناس قالولى لو هحط 95 اثبت عليه لانى لو حطيت 95 ورجعت لل92 العربيه هتسقف مش هتكون مضبوطه (انت ايه رايك فى الكلام ده ؟)

صحيح انت عربيتك 1600 مانوال استهلاكها فى الببنزين اد ايه اليومين دول ؟

[mohamedway]

هيه فعلا بتفرق من عربيه لعربيه
يعنى انا مثلا لما بحط فى الكليو 92 صوت المتور هوه هوه والاداء هوه هوه واستهلاك البنزين اعلى من ال90
بعكس الانوس لما كنت بحط ليها 92 كانت العربيه بتفوق تماما والاداءها بتحسن وصوت المتور بيوطى وبتعمل كم اكتر من 90

اما الانسر انا معايا الخليجى ومكتوب على التانك توصيه باستخدام ال95 وفى الكتالوج كاتبين انه فى حاله عدم وجود البنزين ال95 يمكن استخدام بنزين 91 وولكن سيلاخظ ان اداء المحرك سينخفض قليلا

انا بستخدم ال92 وماشى كويس جدا ونفسى اجرب ال95 بس خايف علشان فى ناس قالولى لو هحط 95 اثبت عليه لانى لو حطيت 95 ورجعت لل92 العربيه هتسقف مش هتكون مضبوطه (انت ايه رايك فى الكلام ده ؟)

صحيح انت عربيتك 1600 مانوال استهلاكها فى الببنزين اد ايه اليومين دول ؟

عربيتى بتعمل 200 كم فى الصفيحه جوه البلد تزيد أو تنقص حسب قرصى على العربيه لأنى بصراحه سواقتى كلها قرص ولما ما بقرصش عليها ممكن تعمل 230 كم /الصفيحه بس كل ده مع البنزين 90 و مع انواع البنزين الأعلى الاستهلاك بيزيد عن كده و ما بتفرقش فى حاجه بالنسبه لنعوميه الموتور و السحب. أما فى السفر على سرعه 100 كم /س بتعمل 300كم /الصفيحه أو من 260-270 كم /الصفيحه لو قارص على سرعات عاليه زى 160 و 180 و كده.

[mohamedway]

تلاقي البنزين كان مغشوش جرب تحط من عند امارات مصر و شوف كدة

كنت حاطه من الامارات مصر اللى على الدائرى!!!!!!!!!!!!!!

[NFS]

انا بحط 95 و العربيه خليجى بيفرق معيا طبعا فى كل حاجه صوت المتور بيوطى والسحب بيبقى حاجه تانيه و علشان انا مانيوال بحسها اكتر ان ال95 مش سهل خالص ان العربيه تكركر منك او تسقف و بتطلع طلعه الدبرياج وانت مستريح خالص, بس ده مش معناه ان 92 مش بيمشيها ياعنى.

[NFS]

انا بستخدم ال92 وماشى كويس جدا ونفسى اجرب ال95 بس خايف علشان فى ناس قالولى لو هحط 95 اثبت عليه لانى لو حطيت 95 ورجعت لل92 العربيه هتسقف مش هتكون مضبوطه (انت ايه رايك فى الكلام ده ؟)

انا بحط 95 من امارات مصر و توتال بس مش ديما بلاقىه فى كل حته و بحط 92 العربيه بتمشى عادى بس بيكون فى فرق, مش عارف علشان انا متعود على ال 95 ولا ايه.

[kobeisy]

أنا عندى لانسر 1600 خليجى 2009وضعت فيها بنزين 90 حوالى 40 لتر وكنت مضطر لذلك لأن البنزين خلص منى فجأة ولم يكن متوفر غير البنزين 90 وكان صوت الموتور عالى والسحب مش تمام والسيارة ثقيلة والوضع انعكس تماما بعد ما بدأت استعمل بنزين 92 ومن المؤكد طبعا أن مع البنزين 95 سيكون وضع السيارة أفضل بكثير

[sarhan_game]

هو اللتر بكام أصلاً انا عايز أجربه فى octavia a5 مانول عشان سعات بحس أنها عايزه تكركر أنا 55 لتر التنك يعنى كده حتدفع كام؟؟؟ّّ!!!

[mohamedway]

اللتر ب275 قرش

[hatem007]

الأخوه الأفاضل، أنا معايا هيونداى اكسيل موديل 1996 ومن ساعة ما ظهر ال 95 وأنا كنت باستخدمه لغاية ما غلى وبعد كده نزلت ل 92. ال 95 كان فارق معايا أوى من حيث السحب وخصوصا مع التكييف و صوت الموتور كان أهدا. لما غيرت لل92 روحت التوكيل علشان أعيد ظبط الكابراتير. حسيت أن اداء العربيه هبط شويه. وفى مره كان التانك فيه الربع روحت مفوول 95 لقيت الموتور بقى اسوا. عرفت أنه مع تغيير درجة الأوكتين لازم الواحد يظبط هواء الكاربراتير وكهربا الموتور. و دى كانت تجربتى مع أنواع البنزين.

[abonabil]

والله ياشباب انا ركبت غاز لعربينى اللانسر اسبورت 1600 كامله وبسم الله ماشاء الله تمام