Tweet
بشيء من التفصيل..
اشتريت لانسر شارك 2014 ضمان دايموند مواصفات خليجي من سمير ريان
لغاية ما خلصت اجراءات الترخيص (بعدها بأسبوعين) كنت عملت بيها 1400 كم
عملت صيانة اﻷلف في السعودي جروب حسب توصية الكول سنتر بتاع دايموند
بعدها بأسبوع كنت على كوبري اكتوبر والطريق بيقف.. ماشي على سرعة هادية بطبيعة الحال.. شايف العربية اللي أدامي وقفت من على بعد 20 متر مثلا.. لما قربت بحوالي 5 متر بهدي بالفرامل البدال خد رجلي ونزل والعجل موقفش.. ولبست
كلمت الكول سنتر قالولي روح اقرب فرع
رجعت سعودي سألني مهندس الصيانة قبل ما يشوف العربية انت عملت صيانة الألف فين؟ قلتله عندك
بص على العربية من بره وبحكيله اللي حصل قال لي كده ال ABS اشتغل
قلتله اشتغل ازاي والعربية موقفتش! قال لي سيب لي العربية
يومين وكلموني قالولي عربيتك سليمة وتعالى استلمها
رحت عملتلهم شوشرة.. قلتلهم ادوني تقرير انكو فحصتو الفرامل لقيتوها سليمة.. عشان لو حصلتلي حادثة تاني بنفس اﻹحداثيات هقفل لكو الفرع ده
قالولي مفيش تقرير وخد عربيتك وامشي.. مدير الورشة قال لي لو عايز تعمل مشكلة اعملها دلوقتي!
بصيت على العربية وصورتها وخدت المفتاح ومشيت
طلبو المفتاح رفضت.. هددوني يرمو العربية بره او يشيلوها بالكلارك فتتكسر!
بعت ميل لميتسوبيشي اليابان والسفارة اليابانية في مصر وكلمت دايموند وحماية المستهلك.. وتنفيض تام
بعد اسبوع كلمني واحد من دايموند بيقول لي احكيلي.. حكيتله قال لي تعالى نجرب.. قلتله افحص مش تجرب.. قال لي السعودي جربو وبصو على وحدة الكمبيوتر ملقوش مشكلة ولو عايز تقرير فني يبقى عليك وعلى حماية المستهلك!
بعتت ميل تاني لميتسوبيشي اليابان قالولي كلم دايموند ومش هنقدر نساعدك
مشيت في سكة النيابة وعملت محضر اثبات حالة ان العربية عند سعودي (ﻹنهم مدونيش اثبات بده)
راح معايا امين شرطة يشوف ويسجل لقيت العربية متهانة وجزء قشر وصدى وبوظو الرفرف اليمين كمان (كان سليم وقت الحادثة)
اتجننت ورجعت للظابط اقول له قال لي هات لي العربية
رجعت اخدها قالولي امضي انك استلمت العربية بنفس حالتها وقت ما خدناها منك! قلتلهم انسو
بعدها بفترة كلمني مسؤول السلامة من السعودي جروب.. بعد درس في الأخلاق وزعيق في وشي عن ازاي انا مش سايب المفتاح (رغم انهم حركو العربية من مكانها) قال لي اتفضل يا فندم استلم عربيتك من القسم! وقفل السكة في وشي!!
كلمت دايموند مرتين اطلب ان مدير خدمة العملا يكلمني.. بس نفضولي
رحتلهم ابو رواش 3 مرات اقابل كل الناس اللي هناك يمكن حد يفهم.. بس من غير فايدة
لما حماية المستهلك افتكرو ان في واحد عربيته مش معاه بقالها شهر ونص حددو معاد فحص فني
استنينا ومندوب التوكيل مجاش ولا بعت العربية!!
انا بقالي شهرين عربيتي مش معايا والتوكيل ولا في باله!
مش محتاج منكم تأنيب وافتراضات وإلحاح ان شارك فراملها جامدة.. ﻹن اللي حصل معايا لو كان على طريق سريع كان زماني المرحوم بأمر الله
--------------
على فكرة محتاج اعرفكم حاجة كمان
انا دخلت على جروب Mitsubishi lancer EX owners in Egypt احكيلهم على الموضوع يمكن حد يتدخل لحل المشكلة من التوكيل أو معارفه في الجروب
عدد قليل من الناس المحترمين جدا تبنى قصتي بحيادية وطالبو بضغط على التوكيل لحل مشكلتي
بناءا عليه فرد (بدون داعي لذكر أسماء) ذات الصلة بالتوكيل بعتلي رقمه عشان اكلمه اشرحله ووعد على الملأ انه يتدخل لحل المشكلة لو ليا حق
كلمته أكتر من مرة وبعت له رسالة على الموبايل بس مردش ولا مرة!
الجدير بالذكر ان إدارة الجروب عملولي بلوك لما شافو التعاطف المتزايد مع حالتي!!
اشتريت لانسر شارك 2014 ضمان دايموند مواصفات خليجي من سمير ريان
لغاية ما خلصت اجراءات الترخيص (بعدها بأسبوعين) كنت عملت بيها 1400 كم
عملت صيانة اﻷلف في السعودي جروب حسب توصية الكول سنتر بتاع دايموند
بعدها بأسبوع كنت على كوبري اكتوبر والطريق بيقف.. ماشي على سرعة هادية بطبيعة الحال.. شايف العربية اللي أدامي وقفت من على بعد 20 متر مثلا.. لما قربت بحوالي 5 متر بهدي بالفرامل البدال خد رجلي ونزل والعجل موقفش.. ولبست
كلمت الكول سنتر قالولي روح اقرب فرع
رجعت سعودي سألني مهندس الصيانة قبل ما يشوف العربية انت عملت صيانة الألف فين؟ قلتله عندك
بص على العربية من بره وبحكيله اللي حصل قال لي كده ال ABS اشتغل
قلتله اشتغل ازاي والعربية موقفتش! قال لي سيب لي العربية
يومين وكلموني قالولي عربيتك سليمة وتعالى استلمها
رحت عملتلهم شوشرة.. قلتلهم ادوني تقرير انكو فحصتو الفرامل لقيتوها سليمة.. عشان لو حصلتلي حادثة تاني بنفس اﻹحداثيات هقفل لكو الفرع ده
قالولي مفيش تقرير وخد عربيتك وامشي.. مدير الورشة قال لي لو عايز تعمل مشكلة اعملها دلوقتي!
بصيت على العربية وصورتها وخدت المفتاح ومشيت
طلبو المفتاح رفضت.. هددوني يرمو العربية بره او يشيلوها بالكلارك فتتكسر!
بعت ميل لميتسوبيشي اليابان والسفارة اليابانية في مصر وكلمت دايموند وحماية المستهلك.. وتنفيض تام
بعد اسبوع كلمني واحد من دايموند بيقول لي احكيلي.. حكيتله قال لي تعالى نجرب.. قلتله افحص مش تجرب.. قال لي السعودي جربو وبصو على وحدة الكمبيوتر ملقوش مشكلة ولو عايز تقرير فني يبقى عليك وعلى حماية المستهلك!
بعتت ميل تاني لميتسوبيشي اليابان قالولي كلم دايموند ومش هنقدر نساعدك
مشيت في سكة النيابة وعملت محضر اثبات حالة ان العربية عند سعودي (ﻹنهم مدونيش اثبات بده)
راح معايا امين شرطة يشوف ويسجل لقيت العربية متهانة وجزء قشر وصدى وبوظو الرفرف اليمين كمان (كان سليم وقت الحادثة)
اتجننت ورجعت للظابط اقول له قال لي هات لي العربية
رجعت اخدها قالولي امضي انك استلمت العربية بنفس حالتها وقت ما خدناها منك! قلتلهم انسو
بعدها بفترة كلمني مسؤول السلامة من السعودي جروب.. بعد درس في الأخلاق وزعيق في وشي عن ازاي انا مش سايب المفتاح (رغم انهم حركو العربية من مكانها) قال لي اتفضل يا فندم استلم عربيتك من القسم! وقفل السكة في وشي!!
كلمت دايموند مرتين اطلب ان مدير خدمة العملا يكلمني.. بس نفضولي
رحتلهم ابو رواش 3 مرات اقابل كل الناس اللي هناك يمكن حد يفهم.. بس من غير فايدة
لما حماية المستهلك افتكرو ان في واحد عربيته مش معاه بقالها شهر ونص حددو معاد فحص فني
استنينا ومندوب التوكيل مجاش ولا بعت العربية!!
انا بقالي شهرين عربيتي مش معايا والتوكيل ولا في باله!
مش محتاج منكم تأنيب وافتراضات وإلحاح ان شارك فراملها جامدة.. ﻹن اللي حصل معايا لو كان على طريق سريع كان زماني المرحوم بأمر الله
--------------
على فكرة محتاج اعرفكم حاجة كمان
انا دخلت على جروب Mitsubishi lancer EX owners in Egypt احكيلهم على الموضوع يمكن حد يتدخل لحل المشكلة من التوكيل أو معارفه في الجروب
عدد قليل من الناس المحترمين جدا تبنى قصتي بحيادية وطالبو بضغط على التوكيل لحل مشكلتي
بناءا عليه فرد (بدون داعي لذكر أسماء) ذات الصلة بالتوكيل بعتلي رقمه عشان اكلمه اشرحله ووعد على الملأ انه يتدخل لحل المشكلة لو ليا حق
كلمته أكتر من مرة وبعت له رسالة على الموبايل بس مردش ولا مرة!
الجدير بالذكر ان إدارة الجروب عملولي بلوك لما شافو التعاطف المتزايد مع حالتي!!
Comment