لانسر سوبر اكشن 2012

[walidadel81]

السلام عليك ورحمة الله وبركاته
بعد اذن الزملاء الكرام انا كان عندي لانسر هاف اسبور من سنه عملت بيها حادثة وغيرت النص الخلفي بعدها وبعتها لواحد صاحبي كان عارف وضعها وقبل بيه المهم جبت عربيه امشي بيها شغلي وادور علي عربيه براحتي بعد بحث كتير ولف ومقارنه بين حاجات كتير زي a5 اكتشف ان الانسر هي اكتر عربيه اعتماديه فقولت اجيب لانسر تاني ماكنتش تعباني بشي ظهرتلي عربيه سوبر اكشن وانا بدور المهم العربيه فيها مميزات وعيوب فالمقارنه في السعر مهمه جدا جدا
اولا سعر العربيه 100 الف نهائي
مميزاتها كالتالي
1. فبريكه برا وجوه مع وجود خبطه في الكبود ومعموله عالبارد ومسمعه في الستاره حاجه بسيطه
2. فتحت سقف
3. فرامل abs
4. 5 جنوط اسبور
5. كاست CD. Usb. Aux نازل فيها
6. 2 اير باج
بس ما فيها اسبويلر وولا عتب ولاكساحات مع ان المفروض انها سوبر اكشن
العيوب كالآتي
عددها 100 الف كيلو بس عمل صيانه ال 100 في مركز معتمد مغير سير كتينه وبيل وسير مجموعة وتكيف وزيت فتيس وزيت ماتور وفلتر بنزين وقواعد الفتيس
هتحتاج تتعمل الخبطه اللي فيها وترش الكبود
وتغير اكسدام امامي وخلفي وهتحتاج ويترشو
هتحتاج يتعمل فيها كام خبطه صغيره وممكن ترش حزام
هتحتاج تغير الفانوسين اللي ادام واللي ورا للنضافه مع الشبكه الاماميه
هتحتاج تركب عتب واسبولير مع ان المفروض انها سوبر اكشن بس مافيهاش ولا اسبويلر ولا عتب ولاكساحات
هتحتاج غسيل كيماوية كويسه لان اسف صاحبها اخره كان يغسل وشه بالعافيه والعربيه اتوقع متغسلتش من الزيرو تقريبا فيها رخصه 3 سنين هو اول مالك مرور مدينة نصر ولسه مرخص من اسبوع
تقريبا هتحتاج مصاريف بحدود 5000 جنيه للكلام ده كله
مستني رايكم بالله عليكم واسف جدا على الاطاله

[monamize4]

سعرها كويس لو حالتها زى ما انت بتقول
و عادى جدا ان العداد عامل 100 الف كيلو ,, المهم انه بيعملها صيانة مظبوطة

بس مفيش ابدا سوبر اكشن مافهاش عتب و كساحات و سبويلر و جلد طبيعى ف الدريكسيون و الفتيس و التابلوه
و اصلا مفيش اى لانسر بومة يبقى فيها فتحة سقف و مايبقاش فيها سبويلر
و بالتالى فى حاجة غلط .. الموضوع كدا مش طبيعى ,, اكشف عليها كويس

[Mohamed.Ramah]

لا الكلم كتير وحتكلف نفسك واضح العربية مستهلكة نصيحة ليك شوف عربية ثانية عندك ريو واكسينت 2013 من 20.000 ل 35.000 كلم - شيفورلية كروز 2011 من 30 ل 40.000 كلم - او كيا سيراتو او هوندا سيتى 2011 بس حتلاقيههم ماشيين كلم اكثر 50 ل 60.000 كلم

[walidadel81]

سعرها كويس لو حالتها زى ما انت بتقول
و عادى جدا ان العداد عامل 100 الف كيلو ,, المهم انه بيعملها صيانة مظبوطة

بس مفيش ابدا سوبر اكشن مافهاش عتب و كساحات و سبويلر و جلد طبيعى ف الدريكسيون و الفتيس و التابلوه
و اصلا مفيش اى لانسر بومة يبقى فيها فتحة سقف و مايبقاش فيها سبويلر
و بالتالى فى حاجة غلط .. الموضوع كدا مش طبيعى ,, اكشف عليها كويس

اللانسر العربيه الوحيده اللي فيئتها مافيش فيها كمليات ثابته كل بلد وكل اصدار بكمليات مختلفة

[monamize4]

اللانسر العربيه الوحيده اللي فيئتها مافيش فيها كمليات ثابته كل بلد وكل اصدار بكمليات مختلفة

فعلا اللانسر بومة فئاتها كتيرة ,, و فئات ما بعد 2009 مختلفة شوية عن ماقبلها
لكن ف الاخر ,, كل فئة ليها مواصفات معينة و معروفة و اللى مساعد على كدا ان الخليجى
مواصفاته معروفة كويس برضه و الفروق بين الوكيل و الخليجى بسيطة جدااااا

المهم ان فتحة السقف ف البومة بتكون ف فئات اعلى من الفئات اللى فيها سبويلر و عتب و كساحات
و بالتالى البومة اللى فيها فتحة سقف لازم يكون فيها عتب و سبويلر سواء كان الموديل خليجى او
وكيل ,, موديل قبل 2010 او موديل 2010 فما بعدها ,, و الله اعلم

[aymanshebl]

شوف عربية تانية احسن بدل التصليح

[TeMoON]

طب ما لو انت معاك 100 الف جنية ما تكمل و تشترى شارك زيرو او تقسط الباقى على الاقل العربية هتكون زيرو زعربية ما شاء الله جميلة جدا وكويسة جدا وواحد قريبى معاه موديل 2011 ما شاء الله ممتازة وصاحبى معاه 2014 بيشكر فيها ولى صديق ان شاء الله هيشترى 2015 فا فكر فى الزيرو اريح وانضف

[sfahmy6]

اعتقد انه الزيرو افضل لحضرتك ................ من دى100 مره
وخصوصا انه الفرق بسيط

وممكن يتقسط كمان

[walidadel81]

الناس اللي عندها خبره في البومه ماقالتش رايها ليه