انطباعي عن اول 1000 كيلو للشارك

[simon659]

لسه شاري يا جماعه شارك من 3 ايام فئه تانيه بدون جنط وفيها 2 ايرباج وفرامل abs وفوج وحساس لون ابيض ......وانا والدي معاه كيا سيراتو موديل 2010 ......
انطباعي عنها واختصارن انها عربيه ملبن عفشه بتاخد وبتدي عكس السيراتو اعده مريحه جدا
وبعدين فولت العربيه من البنزينه الي علي الاوتو ستراد موبيل مع تقاطع صلاح سالم واحنا راجعين علي العباسيه لغايه الشرقيه مسافه حوالي 80 كيلو المؤشو بتاع البنزي لم يهتز خالص .....
العربيه اضائه ممتاز
سحب ممتاز وده من احساس وده انا حسه مع اني ماعدتش 2ونص اربي ام
التابلوه مع انه بسيط بس فخم جدا وعاجبني جدا الونين وان مش كله اسود
العربيه اجماله ممتازه وفيها طعم الياباني وتعتبر العربيه الوحيده الي بتتجمع مي اليباني يعني الهوندا والتيوتا تركيا واليارس والبوما والاتراج تايلند ........مافيش غيرها والسوبارو
ونهايه فخامه العربيه احساس لا ينتهي يعني بالنظر وبالعقل هي احسن من الصني ومن البروتون ومن rbومن الالنترا ومن 301 وعن تجربه ولاتقارير ......
عيوب السياره ......
العربيه و انا ماشي علي حته لسه بيرصفوها الزلط الابيض صوته فوق الداير سئ جدا
دوست الفرامل حسيت انها هبطانه اوي عكس الكيا حجر في الفرامل ولكان قلولي علشان لسه جديده وبس
ملاحظات ........الماتور صوته ممتاز ومش رخم زي ما كتير بيؤل
الشنطه مش صغير مش هاتش باك يعني لا مقبوله جدا جدا جدا
الي زعلني بقي ...كنت في الحرفيين امبارح واعدت اسأل عن اكسسوارات لياها اسعارم اغلي من التوكيل بمراحل شغل نصب ودخلت عن عند واحد قلي ماعنديش ليها حاجه هو حد بيشترها دي عربيه وحشه بقله ليه قلي مش عارف بس ممكن بتاكل عفش واسكترا قلتله مش صعبه علي عربيه ياباني سيبته ومشيت ......وشكرا

[ENG.MaRk]

واحد صاحبي لسة مشتريها لابنه بس تالت فئة و فعلاً كلامك كله صح بس عندي بعض الملاحظات :) !!!
-إزاي تاني فئة من غير جنط ؟! (أعتقد كدة خليجي)
-العربية مش فخمة ولا حاجة و التابلوه عادي جداً
-العربية فعلاً أحسن عربية في فئتها بدون ما تحتاج تقارنها أو تثبت دة للمنافسين
-العربية صوت موتورها عالي و مزعج و عزلها مش حلو خالص
-العربية شنطتها مش كبيرة أو علي الأقل مش زي باقي فئتها
مبروك عليك العربية و ربنا يديك خيرها و يكفيك شرها ... أنا بأعتذر لو حكمي صعب شوية علي العربية بس أنا بقالي شهر في ألمانيا و ديه نتيجة حكمي بعد العربيات اللي ركبتها هناك :)

[samihanwar]

ألف مبروك والله المستعان

[kandil1971]

أولا مبروك عليك العربية، وربنا يكفيك شر ها، وان شاء الله تستمتع بيها، ومش هتبقى عاوز تنزل منها
ثانيا موضوع قطع الغيار ده سهل جداً وأرخص برة التوكيل وهتلاقي منه التيواني الهاي كزبي وبسعر ممتاز، وكذلك الكماليات هتلاقيها كتيرة وسعرها حلو جداً.
ثالثاً فيه كذا جروب على الفيسبوك مخصوص للشارك بس أكبرهم وأنشطهم *************************************************
اشترك فيه وان شاء الله هتستفاد منه جدا
على فكرة انا معايا شارك 2014 فئة أولى والحمد لله مبسوط منها جدا مع اني مركبتهاش إلا ثلاثة أسابيع وبعدين رفعتها لظروف السفر وعملت بها 2600كم في الثلاث أسابيع
والعربية فعلا ممتازة في فئتها ومتقارنهاش بالفئات الأعلى لأنها هتبقى مقارنة غير عادلة، يعني هي قيمة ممتازة مقابل سعرها

ممنوع وضع لينكات لجروبات او صفحات علي الفيس بوك
في حاله التكرار سيتم تطبيق قواعد المنتدي
م ع 8

[simon659]

الف الف شكر يا جماعه

[محمد سمير حسين]

واحد صاحبي لسة مشتريها لابنه بس تالت فئة و فعلاً كلامك كله صح بس عندي بعض الملاحظات :) !!!
-إزاي تاني فئة من غير جنط ؟! (أعتقد كدة خليجي)
-العربية مش فخمة ولا حاجة و التابلوه عادي جداً
-العربية فعلاً أحسن عربية في فئتها بدون ما تحتاج تقارنها أو تثبت دة للمنافسين
-العربية صوت موتورها عالي و مزعج و عزلها مش حلو خالص
-العربية شنطتها مش كبيرة أو علي الأقل مش زي باقي فئتها
مبروك عليك العربية و ربنا يديك خيرها و يكفيك شرها ... أنا بأعتذر لو حكمي صعب شوية علي العربية بس أنا بقالي شهر في ألمانيا و ديه نتيجة حكمي بعد العربيات اللي ركبتها هناك :)

صباح الفل يا هندسة الراجل بيتكلم علي العربية ومميزاتها اللي هو محتاجها ومش محتاج غيرها وبالنسبة ليه هي مقضية غرضها من حيث وسع شنطة او حتي فخامة طابلوه بالمقارنة بسعرها اللي هو ارخص من الكوري وبدون مبالغة لكن معلومة لحضرتك الفئة التانية فيها جنوط و2 ايرباج وabs وسعرها الحالي 139 الف جنيه ازاي حضرتك عاوز تقارنها بعربية الماني تحياتي لحضرتك وبعتذر عن اي سوء فهم للكلام

[ENG.MaRk]

صباح الفل يا هندسة الراجل بيتكلم علي العربية ومميزاتها اللي هو محتاجها ومش محتاج غيرها وبالنسبة ليه هي مقضية غرضها من حيث وسع شنطة او حتي فخامة طابلوه بالمقارنة بسعرها اللي هو ارخص من الكوري وبدون مبالغة لكن معلومة لحضرتك الفئة التانية فيها جنوط و2 ايرباج وabs وسعرها الحالي 139 الف جنيه ازاي حضرتك عاوز تقارنها بعربية الماني تحياتي لحضرتك وبعتذر عن اي سوء فهم للكلام

كان في موضوع قبل كدة واحد كاتب إن الناس لما بتحكم علي عربياتها بتأفور و كأنها راكبة Porsche مثلاً و ده ماحصلش من صاحب الموضوع ... أنا آسف لو مشاركتي offensive شوية و لكن أنا حبيت أوصّل الصورة كاملة لأي حد ممكن يدخل يشوف الموضوع و يبقي بيفكّر يشتري العربية :) ... أنا عارف إن الفئة التانية فيها جنط علشان كدة بأسأله إزاي مفيهاش جنط ... موضوع المميزات و العيوب ده نسبي إلي حد كبير و كل واحد و دماغه لأنك انت في الآخر اللي بتحكم علي عربيتك و بناءاً علي حكمك بتشتريها و أنا رأيي إن مفيش عربية كاملة في مصر (الكمال لله وحده) بس انت بتختار أحسن صفقة بالنسبالك في حدود الميزانية يعني انت بتختار أقل واحدة فيها عيوب بالنسبالك يعني مثلاً كمقارنة بين الكوري و الياباني لو حضرتك عايز كماليات كتير و مش فارق معاك ثبات و اعتمادية بتروح للكوري علي طول أما بقي لو عايز اعتمادية عالية و ثبات لا بأس به علي الطريق بتروح للياباني :) ... أتمني تكون فكرتي وصلت لحضرتك و علي فكرة أنا مش بأقارن الشارك بالألماني لأن النتيجة محسومة من قبل ماتبدأ المقارنة أنا بس حبيت أرد علي كذا حد سألني inbox عن أنا ليه مش بأقول رأيي في عربيات أو بأكتب تقارير عنها بالرغم من إني عضو نشيط في المنتدي ... انت بتعتذر ليه يا باشا إحنا إخوات و أنا مش بأزعل من أي رأي مختلف معايا طول ما طريقة الاختلاف متحضرة زي حضرتك :) ... تحياتي و أتمني لصاحب العربية إن ربنا يديله خيرها و يكفيه شرها و ألف مبروك ليه و يعيش و يتهني بيها إن شاء الله :)

[محمد سمير حسين]

كان في موضوع قبل كدة واحد كاتب إن الناس لما بتحكم علي عربياتها بتأفور و كأنها راكبة porsche مثلاً و ده ماحصلش من صاحب الموضوع ... أنا آسف لو مشاركتي offensive شوية و لكن أنا حبيت أوصّل الصورة كاملة لأي حد ممكن يدخل يشوف الموضوع و يبقي بيفكّر يشتري العربية :) ... أنا عارف إن الفئة التانية فيها جنط علشان كدة بأسأله إزاي مفيهاش جنط ... موضوع المميزات و العيوب ده نسبي إلي حد كبير و كل واحد و دماغه لأنك انت في الآخر اللي بتحكم علي عربيتك و بناءاً علي حكمك بتشتريها و أنا رأيي إن مفيش عربية كاملة في مصر (الكمال لله وحده) بس انت بتختار أحسن صفقة بالنسبالك في حدود الميزانية يعني انت بتختار أقل واحدة فيها عيوب بالنسبالك يعني مثلاً كمقارنة بين الكوري و الياباني لو حضرتك عايز كماليات كتير و مش فارق معاك ثبات و اعتمادية بتروح للكوري علي طول أما بقي لو عايز اعتمادية عالية و ثبات لا بأس به علي الطريق بتروح للياباني :) ... أتمني تكون فكرتي وصلت لحضرتك و علي فكرة أنا مش بأقارن الشارك بالألماني لأن النتيجة محسومة من قبل ماتبدأ المقارنة أنا بس حبيت أرد علي كذا حد سألني inbox عن أنا ليه مش بأقول رأيي في عربيات أو بأكتب تقارير عنها بالرغم من إني عضو نشيط في المنتدي ... انت بتعتذر ليه يا باشا إحنا إخوات و أنا مش بأزعل من أي رأي مختلف معايا طول ما طريقة الاختلاف متحضرة زي حضرتك :) ... تحياتي و أتمني لصاحب العربية إن ربنا يديله خيرها و يكفيه شرها و ألف مبروك ليه و يعيش و يتهني بيها إن شاء الله :)

اولا شرف ليا اننا نكون اخوات ثانيا كده حضرتك فهمت انا عاوز اقولك ايه ان موضوع العربيات هو عبارة عن معادلة (هكلمك باسلوب المهندسين علشان انا بلدياتك في المهنة) المعادلة دي فيها كذا متغير وماينفعش نثبت كل المتغيرات بتقييم واحد لان كل عربية بتزيد وتقل عن التانية في حاجات وكل واحد واولوياته ويشوف كافة انهي عربية اللي هترجح ويشتريها لكن عمرك ما هتلاقي عربية فيها كل المميزات حتي الالماني والبورش فيها عيب خطير جدا وهو ان الالماني غالي جدا في السعر بالنسبة لمعظم المصريين النقطة الاخيرة الفئة التانية فعلا زي ما حضرتك عارف هي فيها جنوط بس ده للعربيات بتاعة الوكيل لكن ممكن يكون الاستاذ صاحب الموضوع جايبها خليجي ودي فيها فئات كتيييييييييير جدا ممكن تكون الفئة التانية فيها مافيهاش جنوط

[جيتزاوي55]

أولا ألف مليون مبروك وربنا يأتيك خيرها ويكفيك شرها وشر الطريق وشر |أخطاء الغير .
ثاينا أنا بحب أحيي كل الأعضاء علي كومنتاتهم الراقية جدا اللي الحمد لله بعدت كتير عن التعصب لعربية كانت مشهورة إلي حد ما بفئة المتعصبين .
ثالثا بقي أنت بتتكلم كلام عملي ومنطقي إلي أبعد حد ودة اللي يخلي صفقت عربيتك ربحانة 100 % أن شاء الله , من حيث عربية جديدة فيها أمكانيات ومميزات حلوة مش بطالة وأحسن من كتير في فئتها , وأحييك تحية خاصة جدا أنك قارنتها بالفئة الصح اللي هو النيسان الصني والبروتون وال rb ولو ان ليا تحفظ شوية علي الألنترا , بس ما علينا .
هيا ما شاء الله عربية أعتمادية وجميلة وربنا يباركلك فيها وأعتقد قطع غيارها هتلاقيها متوفرة مش مشكلة أوي يعني , أنا بس مش ميتسوبيشي ف مش خبير أوي في الموضوع دة .
أخيرا تحياتي ليك ولكل الأعضاء اللي زي الفل .

[Mecha]

المهم انها عربية اعتماديه ,لامشاكل حساسات ولا ديالو

[Karim_Monir]

مبروك العربيهليها قطع غيار جديده واستيراد من كل شكل وصنف
ليه الناس مبتحبهاش عشان احنا سوق مالوش معايير تحكمه
العربيه متميزه في سعرها وحاجتها من اول الصيني لتايواني الاصلي لكله
كنت غير سقف لواحده ٢٠١٤ عندي في السقف جبنا السقف ب ٣ الاف وده سعر ممتاز للي زيها


ربنا يباركلك فيها

[amirz]

الف مبروك