كهربائى بيفهم

[Ibrahim Nabil]

السلام عليكم

ياريت لو حد يرلنى على كهربائى بيفهم فى تركيب مرايات الضم للبومه وبيعرف يشغل الزرار الجديد اللى فيه خاصيه الضم لانى روحت لواحد قعد يشتغل ومعرفش يشغل الزرار ... لو فى المنصوره او القاهره ... وشكرا مقدما

[aymanshebl]

متابع

[medo9400]

روح عند المتخصصون فى الاميريه بس شوف المريات الأول دريكسيون يمين ولا شمال لو يمين بتحتاج تعديل عشان الرؤيه

[Ibrahim Nabil]

عندى المرايات يمين وتركب على القواعد الاصليه مفيش مشكله بس اللى عاوز اعرفه الزرار هيشتغل عادى بدون تعديل ولا ايه والتكلفه تبقى ايه ... شكرا

[medo9400]

الزار بيركب ليه جزء تانى اكنها وحده تحكم ودى ممكن تلاقيها عنده وخليه يربط المريات مع الريموت

[salahudin solt]

بص ياباشا المرايات هتركب علي القواعد الاصلية بس مش هتديك نفس الرؤية بتاع الاصلي لان زاوية الرؤية في الدريكسيون الشمال غير اليمين
انا اشترتها ومش مرتاح

[Ibrahim Nabil]

الحمد لله تم الضبط والتركيب على القواعد بتاعتى الاصليه والرؤية تمام نفس القديمه واشتغلت مع الزرار والريموت كمان زي ما بتنزل اصلى بالضبط ...

[medo9400]

الف مبروك يا باشا بس ركبت عند مين ومصاريف كام

[Ibrahim Nabil]

الله يبارك فيك ... فى المنصوره واتكلفت حوالى 1200 ج لكن تستاهل لانها اشتغلت تمام ومش لازم كل ما افتح العربيه بالريموت المرايات تفتح او تقفل لكن براحتك تكه واحده تقفل 3 تكات تقفل المرايات والعكس صحيح زائد الزار

[salahudin solt]

فين في المنصورة والمصنعية كام انا عندي الزرار والمرايات

[pepo2011]

مبروك ياباشا بس ياريت تقولنا المعلومات كاملة عشان الافادة

[carrier]

في كهربائى ممتاز جدا بالحى العاشر م.نصر عملى الموضوع دا فى الاكورد