بومة 2009 وﻻ شارك 2015

[start_wow]

مساء الخير يا رجالة اللانسر
محتار بين عربيتين شارك 2015 زيرو وبين ﻻنسر بومة كاملة سوبر اكشن 2009..سعر اللانسر البومة 120 الف جنيه وسعر الشارك 135 الف جنيه..البائع في المعرض عنده الشارك زيرو وبينصحني اسيب الشارك واخد البومة..بيقولي البومة افضل ومتجربة ومابتخسرش فلوس غير الشارك بتخسر فلوس في اعادة البيع وكمان البومة 2009 ياباني كاملة سوبر اكشن اما الشارك هتكون فئة تانية يعني مش كاملة كل حاجة لكن زيرو..محتار بين اﻻتنين..رائيكم اشتري الشارك زيرو وﻻ اﻻفضل اوفر فلوس واشتري السوبر اكشن بومة 2009 المتجربة قليلة اﻻعطال واﻻعتمادية الكبيرة..البائع كمان بيقولي دي الشارك موتورها مش مايفك وﻻ حاجة وموتورها عادي وصوته عالي..قولولي رائيكم ايه؟
وشكرا مقدما لنصيحتكم..

[abokoko]

شارك
يكفي انها زيرو
وكمان الشارك بدات تنتشر بكثره
اعتقد الثبات برضه شارك

[nO wAy]

اول حاجه تعملها ان شاء الله انك متروحش للراجل ده تانى :d

الشارك لو اول فئه لو مكانك مش هجيبها عشان وسائل الامان اللى ناقصاها .. فلو عاوز شارك يبقي تشوف الفئه التانيه و لو مش هتقدر تزود الفلوس يبقي بنفس الفلوس تدور على شارك فئه تانيه كسر زيرو

طبعا اننا نقارنها بالبومه 2009 بحجه انها سوبر اكشن فده اللى خلانى اقولك متروحش للراجل ده تانى

[fares_311]

زي الراجل اللي قبلي ما قال....وكمان الشارك اعتمادية عالية زي البوما غير انها زيرو وتكنولوجي احدث وكل حاجة...فكك من حوار السوبر أكشن ده والراجل اللي نصحك بكدة في المعرض هو غير أمين أو ليه مصلحه في الموضوع

[ahmed20051978]

البائع ده مرشحلك البومه علشان مكسبه منك هيكون اكتر لو اخدتها بخلاف لو اخدت الشارك
نصيحة اشترى الشارك تانى فئه خليجى بس من واحد غيره

[Hosam_Optrawy]

اكيد الشارك

والله يسامح البياع دا هو واللى زيو

[samihanwar]

الشارك طبعا
هى الناس بتتقدم ولا بتتأخر؟؟؟؟
الى الامام .....................................

[خالد دياب]

مش هضيف حاجه فعلا احسن كلمه اتقالت متروحش للراجل ده تاني هو غير امين مع الاسف وخليك في الشارك وجبها من حد غيره مع الاسف الضمير مات ربنا يسامحه ويغفر للجميع

[mhmhmh75]

زي ما قالولك فوق الراجل معندوش ضمير ولا يستحي الزيرو زيرو والشارك افضل عفشه مالتي لينك خزان بنزين سعته كبيره فيها مميزات اكثر وسعرها مع الي بيرشحها ليك مافيش فروق كتير بلنسبه لعربيه محترمه انتا اول واحد داس ارضيتها

[start_wow]

متشكر جدا ليكم وربنا يسهل واجيب شارك

[Anti_virus_abdo]

اكيد الشارك

والله يسامح البياع دا هو واللى زيو

البائع ده مرشحلك البومه علشان مكسبه منك هيكون اكتر لو اخدتها بخلاف لو اخدت الشارك
نصيحة اشترى الشارك تانى فئه خليجى بس من واحد غيره

مش هضيف حاجه فعلا احسن كلمه اتقالت متروحش للراجل ده تاني هو غير امين مع الاسف وخليك في الشارك وجبها من حد غيره مع الاسف الضمير مات ربنا يسامحه ويغفر للجميع

+111111111

زي ما قالولك فوق الراجل معندوش ضمير ولا يستحي الزيرو زيرو والشارك افضل عفشه مالتي لينك خزان بنزين سعته كبيره فيها مميزات اكثر وسعرها مع الي بيرشحها ليك مافيش فروق كتير بلنسبه لعربيه محترمه انتا اول واحد داس ارضيتها

[Ahmed emad has]

بس معلش بس سيبك من كل ده دلوقتي لانسر بومة 2009 ب120 !!! حقيقي انا مش عارف اققول ايه لاني لو قلت هقول الفاظ غير لائقة . العربية متسواش بالكتير 95 ده لو كانت ماشية 50 الف وفابريكة والموتور 95% ده اخرها اصلا

[yassermahmmoud]

طبعاً الشارك، وهذا الرجل كذاب وغير آمين