اللي يعرف اوبشن اكتشفه يقوله هنا

[seri0us]

كنت عاوز اعرف ايه الاوبشانات الموجودة في ريموت الشارك او في دراع النور او في دراع الاشارات اللي ممكن الواحد يكتشفهم بالممارسة زي ما بنكتشف حاجات في الموبايلات ؟؟

يعني مثلا اعرف في الشارك 2008 ان في دراع النور ممكن ما تجبش الاشارة او الدراع لاخره بمعنى انك تخبطه خبطة صغيرة فهيدي 3 مرات اشارة بس و يطفي بعدها .. يعني استخدامه في الغرز مش في اليوتيرنات ..

و اعرف مثلا انه في الموديل اللي بعد الشارك 2008 فيه امكانية تغيير صوت الاشارات ما بين 3 اختيارات ..

و قرأت عن حركة في دراع المساحات يخلي المساحة بضغطة واحدة تشتغل و شوية و تجيب ماية لوحدها و تكمل تنظيف من غير ماية و توقف لوحدها بعد ما تخلص ..

فكنا يا رجالة عاوزين نجمع الحاجات دي بخصوص الشارك بجميع موديلاتها بالاضافة لو ريموتها له استخدام ذكي مثلا من ناحية عدد الضغطات و كده يعني :))

[seri0us]

ايه يا جماعة الخير ؟؟ ما حدش لفت انتباهه اوبشن في عربيته مش مذكور في الكتالوج ؟؟ ده الخليجيين ما شاء الله مفصصين عربياتهم و مطلعين البدع منها !!!

[samihanwar]

وانا متابع معاك يا كبير
ممكن تقولى اجيب السيتينج ازاى من لوحه الامبيرات عشان مش عارف اوصلو
ولك جزيل الشكر

[خالد دياب]

متابع معاكم يا رجال

[seri0us]

وانا متابع معاك يا كبير
ممكن تقولى اجيب السيتينج ازاى من لوحه الامبيرات عشان مش عارف اوصلو
ولك جزيل الشكر

تجيب ال P و ترفع الهاند بريك " فرامل اليد " و قلب من زرار INFO لحد ما تلاقي كلمة setting

[samihanwar]

تجيب ال p و ترفع الهاند بريك " فرامل اليد " و قلب من زرار info لحد ما تلاقي كلمة setting

الله يباركلك يا كبير

[engabdelazem]

طيب انا هابدا
follow me
دا عبارة عن انك لو ركنت فى مكان مظلم وعايز السياره تنور لغاية ما توصل المكان اللى انت عايزه
بعد ما تبطل العربيه ترفع ذراع النور كانك بتقلب عالى هيفضل منور لمدة 30 ثانيه ولو عايز اكتر قلب مرتين تبقى دقيقه واكثر حاجة اعتقد ثلاث دقائق

[engabdelazem]

طب حاجة كمان
صوت الاشاره يمن وشمال ممكن تغير صوته
من setting
بس لازم السياره تكون على p +hand break
نقلب من INFO button
لغايه ما توصل setting
وبعد كدا دوسه طويله3 ثوانى عشان يدخل على الاعدادات وهتلاقى جوه Alarm ,sound
اعتقد فى واحده من دول

[engabdelazem]

طيب حاجه كمان لو انت فى الاشارات لو انت سايق وعايز تروح يمن او شمال مش لالزم تجيب الذراع للاخر كفايه ان تحركه لتحت او لفوق حركه خفيفه هيشتغل ويفصل لوحده

[kemoelord]

يا جماعه انا معايا لانسر شارك 2009واول مره اسمع ع الي انتوا بتقولوه ده !!!!!! هتبندي واحده واحده انا شكلي انا الي هستفاد مش داخل افيد ههههههههه

و اعرف مثلا انه في الموديل اللي بعد الشارك 2008 فيه امكانية تغيير صوت الاشارات ما بين 3 اختيارات ..

وده من فضلك تتعمل ازاي الحركة دي ؟؟ :D

و قرأت عن حركة في دراع المساحات يخلي المساحة بضغطة واحدة تشتغل و شوية و تجيب ماية لوحدها و تكمل تنظيف من غير ماية و توقف لوحدها بعد ما تخلص ..

ودي كمان ازاي ؟؟


follow me
دا عبارة عن انك لو ركنت فى مكان مظلم وعايز السياره تنور لغاية ما توصل المكان اللى انت عايزه
بعد ما تبطل العربيه ترفع ذراع النور كانك بتقلب عالى هيفضل منور لمدة 30 ثانيه ولو عايز اكتر قلب مرتين تبقى دقيقه واكثر حاجة اعتقد ثلاث دقائق


هي الخاصيه دي في كل الموديلات ؟؟ ولو كده اعملها ازاي ؟ يعنني ابطل العربيه واشيل المفتاح وبعدين اعمل كاني بقلب نور عالي وخلاص والنور هيشتغل لمدة 30 ثانية ؟؟

[seri0us]

طب انا عندي سؤال ؟؟ هل فيه امكانية او اوبشن في الشارك ال 2008 انك لما تفتح السنتر بالريموت و تيجي تفتح باب العربية يقوم النور الزينون منور ؟؟؟ ده طبعا باعتبار انك ما قفلتش نور العربية بالليل و بتعتمد على فتح الباب و انت نازل من العربية فيطفي اي نور شغال ..

لاني بصراحة حصل حركة كده مش عارف ده اوبشن ولا انا اللي موهوم ؟؟
اللي حصل اني كنت نازل من اسبوع و معايا اولادي و سبقوني ع العربية و فتحت لهم العربية بالريموت .. و اول ما ابني فتح الباب الوراني لقيت الزينون قام منور !!! استغربت جداااا و ندهت البواب و سألته لو كنت انا نسيت النور مفتوح ؟؟ قالي لاء ثم انا كنت نايم بره العمارة قدام المحلات و الحته كانت ضلمة !!! مع اني عارف انه استحالة هنسى النور مفتوح خاصة مع وجود خاصية قفل النور مع فتح باب العربية ..

فهل حد عنده خلفية هل انا ضغطت بطريقة معينة على الريموت و انا بقفل العربية او بفتحها خلت الاوبشن ده يشتغل بافتراض انه اوبشن في العربيات الشارك اللي نازلة مثلا بزينون ؟؟؟