كبالن شارك

[SeRVeR]

انا عندى العربية فيها رجه كدا لما احرق سألت عفشجى قاللى دية الكبالن الداخليه .
سألت عليهم فى التوكيل الناحية ب 4000 جنيه و استيراد الناحيتين ب 3000
حد عنده فكره ممكن اسأل عليهم فين ؟ او يعرف بكام ؟

[ahmed_eng2001]

ممكن تسأل فى الحرفيين .. او فى صقر قريش

[SeRVeR]

فين فى صقر قريش ؟

[ahmed_eng2001]

فيه محلات كتير بتبيع قطع غيار استيراد للميتسوبيشى

و ممكن تسأل عند همام ... و ده ميكانيكى بيشتغل فى الميتسوبيشى فقط و ساعات تلاقى عنده قطع غيار استيراد ... اسأل عنه مشهور اوى فى صقر قريش ..

[SeRVeR]

متعرفش تفاصيل العنوان؟

[ahmed_eng2001]

و انت ماشى على الاوتوستراد فى اتجاه حلوان ... و بعد ما تعدى من تحت الدائرى ... المنطقة الى على يمينك اسمها صقر قريش
ادخل فى اول او تانى دخلة يمين و اسأل على همام بتاع اللنسر ... و امامه مباشرة واحد بيبيع قطع غيار .. و قريب منه محل اسمه الهدى .. بيبيع قطع غيار اصلية

[SeRVeR]

شكرا يا كبير هشوف كدا واقولكم عملت ايه

[salam100100]

انا عندى العربية فيها رجه كدا لما احرق سألت عفشجى قاللى دية الكبالن الداخليه .
سألت عليهم فى التوكيل الناحية ب 4000 جنيه و استيراد الناحيتين ب 3000
حد عنده فكره ممكن اسأل عليهم فين ؟ او يعرف بكام ؟

تشخيص العفشجى مدى صحته؟
الكوبلن الداخلى عمره اطول بكتير من الخارجى
هى حاله العربيه ايه (كام كم)

العربيه مانيوال ولا اوتوماتيك؟

الرجه عند الحرق ممكن تكون سببها الاسطوانه الدبرياج فى حاله المانيوال
او علبه الدركسيون
او جزء اخر فى تكوين العفشه
وممكن تكون قعده موتور

انا انصح التاكد من سبب المشكله قبل متغير حاجه
انا بستبعد تلف الكوبلن الداخلى

[ahmed_eng2001]

كلام حضرتك مظبوط تماما ....

الاستاذ SeRVeR ..... ممكن تخلى همام يبص على العربية و هو الى حيقولك على موضوع الكبالن ده او من اى حاجة تانية

[SeRVeR]

العربيه عامله 80000 كم اوتوماتيك .
انا برضه هشوف هيقللي ايه .

[ahmed_eng2001]

بالتوفيق ان شاء الله و متابعين معاك

[Eslam Helal]

في واحد اسمه اشرف الشرقاوي دا عنده محل مختص بالكبان بس وصيانتها وتركيبها جديد اصلي او صيني كدا يعني انا جايب رقمه من عالنت الرقم اهو 01282009930 اسف يا ادمن ع اني حطيت الرقم بس دا للمساعده بس
ممكن حضرتك تكلمه تسأله عالكوبلن الخاص بعربيتك
هو مكانه ف الجيزه تقريبا

[SeRVeR]

تم تغيير الكبلنين الداخليين فقط .
انا رحت لهمام فى صقر قريش المعادى ولقيت الكبالن الداخلية ب 2000 جنيه يابانى بس نصحنى اروح لواحد فى صقر قريش برضه اسمه محمد كبالن .. لو حد عاوز رقم موبايله او تفاصيل يقوللي.
المهم غير الكبلنين الداخليين بس ب 700 جنيه استيراد واداني عليهم ضمان 6 شهور .
انا قلت لو بعد كدا باظو تانى هاجيبهم ياباني بقى.
المهم العربية بقى 100% و ب 700 جنيه :) .
(عشان الكبالن الداخلية اتفكت زيت الفتيس نقص جبت علبتين 1 كيلو ب 120 ).

[فتح الباب]

الحمد لله انه تم التصليح لكن انا كنت سالت على الاسكاترا كامله بالموتورالكهربائى بتاعها لقيتها ب٣ الاف جنيه هى الكبالن بتبقى فيها ولا بيفكوها لو فيها تبقى كده سعرها حلو ونسيت فعلا اسال بس افتكر فى حد قالى ان الكبالن بتيجى مع الاسكاترا هل ده صحيح ولا لا حتى كان فى نص عربيه كامل بالموتور ١٥٠٠ هاى لاين موديل ٢٠٠٨ على ما اتذكر كل ده كان ب١٢ الف جنيه الكلام ده كان السنه اللى فاتت فى بورسعيد عموما حمدالله على السلامه ومبروك الكبالن ٠ تحياتى