اجيب الاتراج ولا الافيو - أرجو النصيحة!!

[DrWaEl]

السلام عليكم

مقبل علي الشراء ومحتار بين الاتنين دول ارجو الافادة

الاتراج اكتر مناسبة جدا لي خصوصا اني مش بسافر اصلا وشغلي كلة جو البلد وفي الغالب ببقي لوحدي في العربية
الافيو علشان عالية من الارض والارض هنا كلها مكسرة ومطبات ونيلة وكمان علشان موضوع التكيف والسحب والقصة دي وموضوع الموتور 1.2 للي في الاتراج


وكمان عدم انتشار الاتراج وتوافر قطع الغيار لسة

ومش عايز اشتري النيسان صني علشان شكلها وحش

والسعر تقريبا متقارب --- فأرجو النصيحة وبارك الله فيكم

[Ahmed emad has]

هات byd l3 احسن منهم بمراحل . نصيحة اوعي تجيب الافيو . الاتراج ممكن لو مواصفتها عجباك

[DrWaEl]

موضوع الصيني ده بصراحة بقلق منة علشان كده مستبعده وكمان صعب اني أغير من العربية في أقل من 7 او 10 سنين اذا احياني الله فعلشان كده عايز عربية اعتمادية أكتر

[دكتور خالد]

هوه صحيح النيسان صنى شكلها مش حلو بس نفس الكلام الافيو و الاتراج - عموما هية ازواق - بس الافيو اكثر انتشارا و ده طبعا ميزة كبيرة جدا عن الاتراج - استخير ربنا دى اهم حاجة

[hugan]

موضوع الصيني ده بصراحة بقلق منة علشان كده مستبعده وكمان صعب اني أغير من العربية في أقل من 7 او 10 سنين اذا احياني الله فعلشان كده عايز عربية اعتمادية أكتر

ال بي واي دي افضل من ا ﻻفيو واﻻتراج
ياما تشوف لوجان لو متعقد من كلمه صيني

[Yehya Badr]

علي حسب وصفك الأتراج مش حتنفعك لآنها مش عالية عن الأرض و حتتبهدل معك بسرعة لآن صاجها حفيف و عفشتها مش قوية قوي الأتراج عربية للشوارع الناعمة من غير مطبات

نفس الكلام بالنسبة للأفيو مش حتنفعك !!! الأفيو أنا مستغرب لية ناس بتجيبها مع أنها عربية فشله بمعني الكلمة !!!

لو مش فارف معالك هات byd f3 عربية أثببت نفسها كعربية تاكسي يعنى جودة و متانة و أسعار قطع غيار معقولة و بعد 7 سنينن يحلها الخلال بمعدل الغلاء و التضخم ما حداش حيخسر في بيع عربية صيني !!!

[astro5051]

انا شايف انك تستسلم لشكل الصنى وتجيبها ده احسن اختيار بالنسبه للسعر ده ومنتشره جدا وفيها كل حاجه
والفروقات بين فئاتها المختلفه مش كبير اول فئه ب 119 فيها كل حاجه وزى الفل
الافيو عربيه فاضيه وغاليه على الفاضى ملهاش اى لزمه
الاتراج غير منتشره و 1200 سى سى موتور ضعيف جدا بلاش خنقه

[Karim_Monir]

الاتنين اسوء من بعض بصراحه

[احمد فهمى]

طيب شوفت السوزوكي سويفت او السياز؟ ولو الاختيار بين افيو واتراج تبقى اتراج

[mestca]

https://www.facebook.com/groups/AttrageEgyptClub/?ref=bookmarks

جروب رابطة مالكى اتراج و سيبك من فتى الناس اللى مش عارفة حاجة عن الاتراج و بتقولك موتور خنيق
العربية ممتازة جدا وسريعة و عملية و اقتصادية

[ABOELLEEL]

اللى معاه او جرب الافيو او الاتراج هما اللى يردو
معايا الاتراج وبقول عربية رائعة وعالية عن الارض وفى جروب ليها على الفيس تقدر تدخل وتسال الناس والحمد لله مظهرش ليها عيوب لحد دلوقتى دا غير انها لسة تكنولوجيا جديدة لسة الناس مستوعبتهاش الجروب اسمه " رابطة مالكى ميتسوبيشى اتراج"

[هانى شوقى]

متسمعش اى كلام علشان متحترش
ادخل جروب كل عربية واعرف راى ملاكها
نصايح لانى كنت يوم زيك فى الاختيار محتار
واشتريت الاتراج موضوع 1200 سى سى مش مشكلة خالص السحب مع التكييف ممتاز وكمان حتى لو العربية مليانة بقالها سنة تمام ومحدش فى الجروب قدم شكوى من عيوب الصناعة
بالنسبة للصاج متركزش لان العربيات كلها متقاربة وعايز اقولك السقف فى الاتراج خفيف لكن مثلا الكبوت فيها صاجه تقيل شوية كل عربية فيها مناطق افضل من التعربيات التانية على حسب الوزن والمواصفات
الصينى كرايى بلاش الافيو مش هقول غير ملحوظة واحدة التكييف فيها مش عاجبنى والتقفيل مصرى
الاخزة الافاضل اللى بيتريقوا على ضعف العربية الاتراج نصيحة علشان بس اللى يشوف ارائكم يثق فيها بعدين
لازم كلامك يكون عن تجربة لان صاحب الموضوع ملوش زنب
صاحب الموضوع دور على معلواتك فى جروب كل عربية وانت مش حتحتار