بوجيهات البومة

[ahmedfra]

السﻻم عليكم
دايما بغير بوجيهات البومة 1300 باﻻصلى . لكن لما عرفت ان هى هى ngk . اشتريت طقم منها و ركبته لكن لﻻسف و انها براجع المعامل الحرارى بتاعها لقيته مطابق فى كل الحروف ما عدا الرقم بدل ماهو 5 لقيته 6 . فهل يعمل مشكلة اغيرهم تانى و ﻻ عادى .

[بوراحيل]

بانسبه للرقم 5 احسن من 6 ورقم 6 يستخدم للبنزين العالى الاداء 95 اوكتين او اعلى . وشكرا

[ehabahmedie]

السلام عليكم
المفروض اللي يركب للعربية 1300 هو bkr-5se وللـموتور 1600 يكون bkr-6se
الرقم ده بيكون عن المعامل الحراري أو معدل تبريد البوجيه يعني رقم 6 مصمم انه يتم تبريده اسرع عشان يقدر يشتت حرارة الاحتراق لموتور 1600
وشركة ngk بتقول ان طرف البوجيه لازم حرارته تكون بين 800 و 850 درجة مئوية عشان يدي احسن اداء بدون مشاكل، يعني لو زادت هيتآكل أسرع (وشوية مشاكل تانية) ولو ابرد هيكون كربون
..........
بعد كل الكلام ده....الخلاصة
لو موتور 1300 يبقى ركب رقم 5 ولو 1600 يبقى هات رقم 6 وسيبك من فتي الصنايعية عشان مرة واحد قاللي ان رقم 6 هيخلي الموتور 1300 يبقى اقوى عشان حط بوجيهات ال 1600......ولا تعليق

وكمان ظبط فتحة البوجيه على 1 ملم واقصاها 1.1 ملم