استفسار من خبراء المنتدي بخصوص الشارك 2015

[shevechinco]

السلام عليكم ورحمة الله وبركاتة بفضل الله تعالي اشتريت شارك اول فئة خليحي سعودي من سمير ريان
كنت محتاج من حضراتكم نصحية بخصوص صيانة الالف اعملها فين وكيفية تعامل التوكيل معايا عند الصيانة لان العربية من غير ضمان وكان عندي بعض الملاحظات حاسس ان الباور تقيل والار بي ام عالي شوية وشكرا

[shevechinco]

للدرجة دي الموضوع صعب 141 مشاهدة مفيش اي رد

[د.هشام]

الموضوع صعب فعلا علشان محدش بيجيب عربية من غير ضمان، ويفكر في الصيانة في التوكيل.
بالنسبة للباور وال rpm اللي عندك طبيعي، ماتقلقش

[shevechinco]

اولا انا متشكر لحضرتك جدا علي اهتمامك بالرد تنصحني اعمل الصيانة الدورية فين علشان انا مش عارف دياموند ولا الرواس ولا المصرية انا احترت ايها افضل وشكرا

[د.هشام]

يا باشا روح أي حتة، مش حتفرق، صيانة الألف مش محتاجة غير تغيير فلتر وزيت.
انا لو منك أغيرهم في محطة موبيل، بس خد بالك العربية بتاخد زيت 4.2 لتر

[shevechinco]

شكرا نوع الزيت ايو واجيب الفلتر الاصلي منين وشمرا لحضرتك جدا

[د.هشام]

التوكيل بيحط mobil 1 50/5
الفلتر اكيد الزملاء ممكن يفيدونا بيتجاب منين وازاي نفرق الأصلي من التقليد وسعره كام