طلب تسعير سيارة ؟؟

[ramadanshehatt]

ياشباب فى عربية واحد صاحبى لانسر 2006 اتوماتيك 1300 مش راشة لابرة ولا جوة ماشية 100.000 واستعمال كويس بطارية فى الضمان ورخصة 3 سنين من اسبوع بس محتاجة تظبيط عفشة وسيرفيس وفيها خرابيش برة ... ممكن اعرف تعمل كام لو هشتريها ؟؟

- هل موضوع انها 1300 مع التكيف بيكون الاداء سيء ؟؟
- تكاليف السيرفيس بتاعها اعملى حسابى فى كام ؟
- مقارنة اسعار قطع غيارها بالنسبالى لانى معايا لانوس ؟؟
وشكرا

[ramadanshehatt]

up+++++++

[ramadanshehatt]

ايه يارجالة هو الصيام مأثر على الناس ومفيش حد بيرد عليا ولا ايه !!! ... وبعدين انا ضيف من قسم لانوس ومش متعود على الصحراء اللى فى القسم هنا ... هناك كنت بكتب السؤال وقبل ما ادوس اضافة بالاقى الناس ردت هههههه

[PoP Sameh]

اكيد 1300 هتبقي الكفاءة قليلة للتكييف و السحب
مش هتبقي زي ال 1600 خالص
لكن لو زي حدود امكانيتك يبقي زي الفل
انا بردوه بدور علي لانسر 1300 مانويل عشان تبقي حنينة
و بالنسبة لقطع الغيار اكيد اعلي من لانوس دي لانسر يعني
يا ريت لو تعرفني مطلوب فيها كام اللانسر 1300 لان بدور علي لانسر او اوبترا وعايز اعرف الاسعار يا باشا

[Ahmedo0o]

65 و طبعاً السيرفيس ممكن يخش من 5 لو فيه مساعدين و كبالن و تيل وفلاتر ممكن تزيد
السعر برا التوكيل
والتكيف هايضعف العربيه فى السحب

[ramadanshehatt]

اكيد 1300 هتبقي الكفاءة قليلة للتكييف و السحب
مش هتبقي زي ال 1600 خالص
لكن لو زي حدود امكانيتك يبقي زي الفل
انا بردوه بدور علي لانسر 1300 مانويل عشان تبقي حنينة
و بالنسبة لقطع الغيار اكيد اعلي من لانوس دي لانسر يعني
يا ريت لو تعرفني مطلوب فيها كام اللانسر 1300 لان بدور علي لانسر او اوبترا وعايز اعرف الاسعار يا باشا

انت رايك بالنسبة لموضوع انها 1300 والتكيف والسحب هل دة عن تجربة ولا لاء ؟
بالنسبة للسعر هو طالب 70000 وبيقولى انها جابتله اكتر من كدة وانا مش عارف لانى مش عارف اسعار اللانسر كام علشانكدة قولت اسألكم هل السعر دة كويس ولا ؟

[ramadanshehatt]

65 و طبعاً السيرفيس ممكن يخش من 5 لو فيه مساعدين و كبالن و تيل وفلاتر ممكن تزيد
السعر برا التوكيل
والتكيف هايضعف العربيه فى السحب

هو بيقولى ان سعرها 70.000 وبيقول انه كدة عامل معايا واجب كبير وانا مش عارف اقولوه ايه لانه صاحبى .. وهو فعلا هيبيع لانه بيقولى انه ال1300 مع التكيف مش كويسة وهيشترى 1600 بس بردو بيقول ان سحب العربية مش بيتأثر لدرجة كبيرة بيقل بنسبة يقدر الواحد يتحملها . علشان كدة انا عايز اعرف من تجارب الاعضاء هنا اللى معاهم الموديل دة وخاصة انها اوتوماتيك .

[Ahmedo0o]

معروفه يا أخى فى الانسر بتقل مع تشغيل التكيف فى الـ 1300
كل مواتير الانسر كدا بس مش بتقل أو بتعدم العربيه يعنى كفائتها بتقل من 100% إلى 70% أو 80% مش بتكون معدومه يعنى
أفضل سياره 2007 1300 ركبتها مع التكيف تويوتا 2007 ولا كأن فيه حاجه بتسحب من المكنه