تغيير كرنك

[MAAAG]

يا جماعة بعد اذنكو عاوز حد يشور عليا. انا معايا لانسر بومة 2010 1600 و من فترة حسيت ان مفيش عزم خالص و السحب ضعيف جدا. المهم بعد حوارات كتير عرفت ان المشكلة ان ترس سير الكاتينة اللي راكب على عامود الكرنك فيه بوش نتيجة تآكل في العامود نفسه فالحل ان العامود يتغير او يتعمل تخشينة بس حوار التخشينة ده انا عملته مرتين لحد دلوقتي و كل مرة الحوار يرجع تاني فانا بفكر اغير عامود الكرنك فانا عاوز اعرف ده ممكن يقلل من اداء المكنة ولا ممكن يسبب ايه بالظبط

[Abo_Mazen]

يا جماعة بعد اذنكو عاوز حد يشور عليا. انا معايا لانسر بومة 2010 1600 و من فترة حسيت ان مفيش عزم خالص و السحب ضعيف جدا. المهم بعد حوارات كتير عرفت ان المشكلة ان ترس سير الكاتينة اللي راكب على عامود الكرنك فيه بوش نتيجة تآكل في العامود نفسه فالحل ان العامود يتغير او يتعمل تخشينة بس حوار التخشينة ده انا عملته مرتين لحد دلوقتي و كل مرة الحوار يرجع تاني فانا بفكر اغير عامود الكرنك فانا عاوز اعرف ده ممكن يقلل من اداء المكنة ولا ممكن يسبب ايه بالظبط

طيب ما تتعمل جلبة تركب على طرف عمود الكرنك وبعدين يتلبس الترس عليها ..؟؟؟

أنا مش فاهم إيه التخشينه دي ؟؟..دي المفروض بتتعمل من ورق كرتون مثلا؟؟؟ ..أنا شايف حل الجلبة دي أحسن وأفضل ..حتى لو إضطريت تفك عمود الكرنك يروح المخرطه ياكل من طرف العمود اللي بيركب عليه الترس شويه ويعمل جلبه كويسه ويلبس عليها الترس ..يبقى الشغل كله في الطرف ما دام بقيت العمود سليم

[MAAAG]

التخشينة دي يا باشا حتة صفيحة بتتحط بين العامود و الترس عشان تزنقه و تخليه مايتحركش و مايبقاش فيه البوش دة، و تشكر يا باشا على الرد بس موضوع الجلبة دة ماعتقدش انه هاينفع الا لو فكيت الكرن و وديته المخرطة و ممكن كمان ماينفعش و لو كدة كدة هفك الكرنك يبقى اغيره بواحد استيراد و خلاص بس هو الموضوع بقى هل فك المكنة و تغيير الكرنك دة ممكن يأثر على حاجة ؟ او يعني ممكن يعيب العربية ؟

[ahmed_eng2001]

الكلام ده مش كويس .... حضرتك تغير عمود الكرنك .. انما تركيب تخشينة !!!!! مش حتعيش
و تغيير العمود ان شاء الله حيحل المشكلة


فى انتظار اراء بقية الاخوة الافاضل

[ادهم محمد]

انا راى انك تجيب واحد استيراد علشان الموضوع تنساة . وياريت حضرتك تقول لنا اية سبب الموضوع دى اية .وشكر ا على الاطالة

[MAAAG]

الموضوع ده كان سببه اني غيرت سير الكاتينة عند ميكانيكي محرقش على صامولة طنبورة الكرنك كويس فبعد فترة سابت و الطنبورة ماباقتش مثبتة الترس اللي تحتيها كويس فواحدة واحدة الترس كل في العامود و بوش

[Abo_Mazen]

هو مادام المشكلة مع حضرتك في مبدأ فك الكرنك ..وما دام فك الكرنك هيتعمل في كلا الحالتين ..الي هي حالة تزويد طرف عمود الكرنك أو تغييره ..يبقى تغييره أولى وأحسن