اتراج أفضل من اللوجان

[kokololososo]

في اسئلة عن الأتراج واللوجان كمقارنة
انا رأيي محدش هيقتنع بيه كتير
الأتراج طبعا وهتنتشر ان شاء الله جدا قريبا لإنها إقتصادية
ماتور ١٢٠٠ ٣ سلندر يفي بالغرض وتصميمه ياباني أفضل من الفرنساوي
وتسارع السيارة أفضل من اللوجان
وسيارة عملية
شكرا

[Abo_Mazen]

أقولك أنا بقى اللي هتسمعه ..

-اللوجان أحسن ..دي 1600 والأتراج 1200..إزاي ال 1200 أحسن من 1600..

*مع إن العربيات ذات السعة اللتريه القليلة الناس هتدور عليها بشمعه ..وخصوصا بعد الرخاء الإقتصادي العظيم والبنزين اللي هيغلى

-اللوجان 4 سلندر ..يعني أحسن ..والأتراج تلاتة سلندر

*مع إني معرفش إيه جوده الأربعه سلندر عن التلاتة ..ده الإتجاه العام دلوقتي في العالم كله للمحركات ال 3 سلندر عشان خفة وزن المحرك وتوفير الوقود



-الأتراج البودي بتاعها كبير قوي على محرك 1200 سي سي ..إنما اللوجان متناسبه مع حجمها من حيث السعة اللتريه

*وكأن اللي صمم الأتراج دي يا عيني مكانش عارف إن البودي كبير على العربية ومكانش عامل حسابه في على الأقل الخامات المستخدمه في تصنيع السيارة عشان تديله وزن خفيف يناسب السعة الليتريه بتاعة المحرك


وفي النهاية دي ثقافة شعب مش أكتر ...إحنا شعب بنحب كل حاجه كبيره ..

مش كده يا كبير ولا إيه ؟؟؟

[eng_amg]

أقولك أنا بقى اللي هتسمعه ..

-اللوجان أحسن ..دي 1600 والأتراج 1200..إزاي ال 1200 أحسن من 1600..

*مع إن العربيات ذات السعة اللتريه القليلة الناس هتدور عليها بشمعه ..وخصوصا بعد الرخاء الإقتصادي العظيم والبنزين اللي هيغلى

-اللوجان 4 سلندر ..يعني أحسن ..والأتراج تلاتة سلندر

*مع إني معرفش إيه جوده الأربعه سلندر عن التلاتة ..ده الإتجاه العام دلوقتي في العالم كله للمحركات ال 3 سلندر عشان خفة وزن المحرك وتوفير الوقود



-الأتراج البودي بتاعها كبير قوي على محرك 1200 سي سي ..إنما اللوجان متناسبه مع حجمها من حيث السعة اللتريه

*وكأن اللي صمم الأتراج دي يا عيني مكانش عارف إن البودي كبير على العربية ومكانش عامل حسابه في على الأقل الخامات المستخدمه في تصنيع السيارة عشان تديله وزن خفيف يناسب السعة الليتريه بتاعة المحرك


وفي النهاية دي ثقافة شعب مش أكتر ...إحنا شعب بنحب كل حاجه كبيره ..

مش كده يا كبير ولا إيه ؟؟؟

لما شوفت عنوان الموضوع كنت داخل أقول الكلمتين دول بالظبط..
لا فض فوك :)

[eng_amg]

في اسئلة عن الأتراج واللوجان كمقارنة
انا رأيي محدش هيقتنع بيه كتير
الأتراج طبعا وهتنتشر ان شاء الله جدا قريبا لإنها إقتصادية
ماتور ١٢٠٠ ٣ سلندر يفي بالغرض وتصميمه ياباني أفضل من الفرنساوي
وتسارع السيارة أفضل من اللوجان
وسيارة عملية
شكرا

ملاحظة ..
- المواتير الياباني ليست أقضل من الفرنساوي بصفة عامة. ولكن موتور اللوجان فعلا غريب. العربية سحبها قليل سواء مانوال (كامة واحدة) أو أوتوماتيك (2 كامة) أنا سوقت اللتنين وأداء المحرك ليس حيد على كونة 1600

- الأتراج كحال متسوبيشي فقيرة من الداخل. وليست شيك في الكونسول أو التارة والعدادات بعكس اللوجان إلا إن خامات التابلوه في الوجان رديئة خصوصا في الأوتوكاتيك الجديدة (المانوال القديم كان أفضل)

[MaZaGAngeE]

لو عربية تانية في البيت… . افضل اتراج عن لوجان

[خالد دياب]

اختلف مع حضرتك eng_amg طول عمر المواتير الياباني افضل من الفرنساوي بصفه عامه وبصفه خاصه ومننساش ابدا مواتير الهوندا سيفك i_vetic اعلى مواتير في التصنيف العالمي ومبينافسهاش غير مواتير v8 وده مش معناته ان الفرنساوي سيء ابدا بس الالمان بيحسدو الياباني على العمر الافتراضي والاستخدام الشاق بس انا لو مكان صاحب الموضوع كنت هجيب الوجان وبالتوفيق للجميع

[eng.m7md.ali]

معلش انا ليا وجهة نظر وياريت الناس تتقبلها

دلوقتي الناس بتدور علي المواتير سعة لترية صغيرة زي الاتراج واغلب الشركات بقت تعمل مواتير 3 سلندر زي بي ام دابليو واودي وشركات كتير .. بس تعالو نشوف فرق السعر بين اتراج وبين اي عربية تانية 3 سلندر بس من ماركة محترمة هتلاقي فرق سعر مهول ده يأكد لينا كلنا ان تكنولوجيا ال 3 سلندر في الاتراج اقل واقدم بكتير من التكنولوجيا في موتور 3 سلندر لاي شركة تانية ونستنتج من ده ان الموتور مش بكفائة عالية زي مالناس فاكرة والايام بردو هتبين الكلام ده

اما عن الخامات والصاج الصفيح في الاتراج فا طبعاً بلاش اتكلم عشان محدش يزعل هو ده اللي مديها خفة الوزن المتناسبة مع الموتور ال 1200 سي سي فا بالتالي السحب مش هيبقي وحش زي مالناس فاكرة ولا حلو زي ما ناس تانية فاكرة

[kokololososo]

مع اختلافي لكن العضو المحترم اللي رد قال كلام صحيح عن انها ثقافة شعب وميول ليه