جدول الصيانة بالعربي محتاج تعليق الدكتور أحمد

[إسلام شاهين]

الأخ الفاضل ااجا ( أبو حمزة ) تكرم مكورا بإرسال جدول الصيانة مترجما باللغة العربية بس فيه وية حاجات محتاجه منه تعليق هو أو الدكتور احمد زي سعر الصيانة مش قادر أفهمه لأن كان فيه 2400 جنيه بتوع إيه مش عارف وبعدين عايز أفهم الكيلو متر اللي بيتعمل عنده الصيانة وبعدين برضه ( زهقتوا هه ) صيانة الفرامل امتى وإيه ظروفها ؟؟؟
كل الشكر لأبو حمزة والدكتور أحمد وآدي الشيت أهه :-

http://www.archive.org/details/books_309

معلش يا دكتور أحمد الموقع شكله مش شغال أنا هابعته لحضرلتك على الإيميل

[أبو_حمزة]

يا اسلام يا أخويا انت تسأل زى ما تحب و ربنا يوفقنا لأجابات صحيحة
الكيلومتر بتاع الصيانة ده انا مظبطه على سواقتى و استهلاكى
يعنى مثلا أيام ما كنت ساكن فى الهرم و كل يوم با اخد الدائرى (عشان طريق طوالى) كانت الصيانات على 10 و20 و...
أما بعد ما عزلت وبقيت قريب من الشغل و السواقة معظمها فى الزحمة بقت الصيانات على 7.5 و 15 و ....
مثلا اللى رجله تقيلة على البنزين و الفرامل ها يغير تيل و كوتش اسرع من غيره
أما عن صيانة الفرامل تقصد كشف على الفرامل وللا تغيير التيل؟؟

بالنسبة لتكاليف الصيانة فمعظمها عن تجربة
معلش هى ممكن تكون مش واضحة حبتين
ال2400 دى تكلفة صيانة ال60,000
لو وقفت عليها هتلاقى مكتوب (=250+80+1200+70+800)
و دول بالترتيب تكاليف الصينات اللى محطوطة فوق (حسب تجربتى) وتفصيلهم كالتالى
250 كاتينة و سيور (خارج التوكيل)
70 تغيير زيت الفرامل
1200 تجديد العفشة (على فرض المساعدين محتاجين تغيير)
80 طقم اسلاك بوجيهات
800 اربع عجلات جداد

كده واضح وللا ايه النظام :)

[إسلام شاهين]

أبو حمزة كتب :-
كده واضح وللا ايه النظام

لأ طبعا واضح جدا وتشكر يابشا أنت كده وضحت حاجات كثيرة جدا وألف ألف مليون شكر ومستني باقي التوضيحات ( معلهش أنا رخم شوية ) يعني حضرتك لو شرحت بالتفصيل أكون شاكر جدا .

[إسلام شاهين]

الدكتور أحمد شكله كده في اوضة العمليات !!!!!!!!!!!!!