لانسر شارك و لا نيسان سنترا

[khaled edrise]

لانسر شارك و لا سنترا من حيث الثبات و الشد و توافر قطع الغيار و اسعارهه و الوكيل و التحمل ياريت نعمل المقارنه دي لان العربيتين في نفس الفئه و في ناس كتير بتقارن بين التنين و ان منهم

[khaled edrise]

معلومه اضافيه السنترا نازله من 1-10 تجميع مصرييييييييييي

[lancer06]

السلام عليكم ورحمة الله
المقارنة موجودة هــــــــنا

مقدرتش أنقلها لأنها فى جدول

لكن فى القسم هنا النيسان هتتظلم لأنك جيت بمعنى أصح فى شارع الشارك

لو هنحكم من ناحية الثبات وتوافر قطع الغيار وإعادة البيع هيكون شارك طبعا
تحياتى

[mohamed3232]

بص انا في نفس حيرتك بس استقريت علي الشارك
بس لسا ما اشتريتهاش
مشكلة السينترا
عدم توافر قطع الغيار و اعادة البيع
لكن غير كدة هي ممتازة
الشارك عيوبها
العزل و العفشة ناشفة و صوت الموتور عالي و الصاج ضعيف

[د.هشام]

العربيتين فعلا نفس الفئة، بس في اختلاف جذري بينهم
مش حينفع نقارن الoptions علشان الشارك فيها فئات كتير خصوصا في الخليجي
لو حنقارن الاساسيات
1- الإتنين نفس الارتفاع 16.5 سم ودا يعتبر أكثر من ممتاز.
2- السنترا دريكسيون كهرباء والشارك زيت واتقل نسبيا.
3- السنترا فتيس cvt والشارك فتيس عادي 4 سرعات والاتنين موفرين في البنزين ومش حفتي في إحساس السواقة علشان مسقتش السنترا.
4- شنطة السنترا أوسع
5- عزل السنترا احسن
6- العربيتين عفشتهم ناعمة، بس الشارك احسن علشان multilink اللي بتدي ثبات احسن وراحة اكتر للراكب.
7- الشارك متجربة بقالها سنين والحمد لله مافيهاش مشاكل.
8- قطع الغيار الشارك متوفرة اكتر، والسنترا اكيد حتتوفر في المستقبل لما تتجمع في مصر.
9- إعادة البيع لصالح الشارك.
10- الصالون والخامات الداخلية في أعلي فئة في العربيتين يعتبروا في نفس المستوى بالنسبة ليا، مع العلم أن السنترا لا يوجد فيها تكييف اوتوماتيك أو فتحة سقف، والشارك لا يوجد بها فتحات تهوية خلفية.
11- مش حقول أن الشارك ياباني 100% والسنترا مجمعة في ماليزيا علشان الكلام ده ناس كتير بتعترض عليه.
لو ناسي حاجة يا ريت حد يزودها

[4fun14]

السنترا تجميع تايلاندى..
هو ممكن بالورقه والقلم السنترا تكسب بس انا عن نفسي اخترت الشارك عشان يفرق معايا ان العربيه يابانى

[khaled edrise]

السنترا الي نازله من 1-10 التجميع المصري و الصني حاليا تجميع مصري هترخص في السعر اعتقد بس قطع الغيار هتبقي موجودخ و هتنتشر