تعببااااان في اختيار شارك ولا النترا ارجوووكم المساعدة لوجه الله

[ALAA_EL_NAGAR]

ا جماااعة الخير ارجوووكم المساعدة

انا كان معايا اوبترا 2011 زيرو و بعتها علي 40000 كم .. و ندمت و الله

المهم انا بشتري عربية زيرو و قسط في حدود 150 - 160 الف

و علشان الريسيل يهمني اوي و برضو قطع الغيار و توافرها و اسعارها بتهمني

حددت الاختيار في الاتي :-

1- النترا - اول فئة فتحة سقف ب 156000 موديل 2016
2- شارك - الفئة فتحة بدون بصمة خليجي 2015 ب158000 مع العلم انها قربت تخلص و موديل 2016 اغلي 10000 جنية لنفس الفئة


ارجوووكم قولولي اجيب ايه و انا عامل حسابي في عربية كويسة علشان هزعل اوي لو دفت 60 الف فوق الاوبترا بتاعتي و محستش بفرق .. ارجوووو الرد و المساعدة في القرار ده

[crazy car]

اى واحدة من العربتين هتحس بفرق ضخم جدا عن الاوبترا بس انتا ندمان ليه على بيع الاوبترا

[ALAA_EL_NAGAR]

الاوبترا صيانتها سهلة و عملية جدا و غير مكلفة بالمرة خصوصا انها كانت معايا زيرو
و انا بصيت في الاستعمال و كسر الزيرو و كنت بلاقي مصايب في العربية و تتباع انها كسر زيرو

[l@ncer]

عايز اوبشنات يبقي النترا ..... عايزة عربية (سوري) حمارة شغل ... يبقي اللانسر ..... الشكل الخارجي للاتنين كويس ..... الشكل الداخلي الالنترا تكسب .... الاتزان في السرعه العالية اللانسر تكسب .... النعومة في صوت العربية يبقي النترا علشان موتور اللانسر رياضي ..... سعر اعادة بيع مافيش فرق تقريبا .... وربنا يرزقك خيرها ويكفيك شرها

[Fawzy.Abdelnour]

L@ncer ادالك اجابه وافيه.
اللانسر معمره جداً.
حضرتك تقرر عايز اوبشنز ولا اعتمادية.

[احمد فهمى]

الشارك لك وللزمن توكل علي الله

[mif]

اعادة بيع و قطع غيار يبقى النترا تقريبا

[ALAA_EL_NAGAR]

يا جماعة انا متشكر اوي علي ردكم عليا و فعلا انا اخترت الشارك

و تيجي الحيرة خليجي و لا وكيل
ولو خليجي اجيب شرق اوسط ولا سعودي و لا اجيب منين

انا اسف جدا للتطويل عليكم

[zego2000]

سعودى. بالنسبة للافادة من l@ncer فهى المختصر المفيد . و اكد السرعات العالية النترا لكن مع اعتبار الوديان و الجبال الموجودة فى شوارعنا الشارك عالية و تعدى بسلاسة لا تحتاج تعدى بالورب و لا غيره بخلاف الالنترا و هي بتعدى تعزف كمان من الحكة فى المطب او الهبده في الحفرة لكن ميزة الشارك فى المطبات بسبب علوها هو اساس عيبها فى السرعات العالية فوق التمانين و انتا طالع. حاجة تانية صوت الموتور عالي مش رياضى.

[acs]

اولا ربنا يوفقك فى اختيار الاصلح ان شاء الله
ثانيا عايز اقلك انك مش هتحس بفرق كبير بين الاوبترا والالنترا او الشارك
يبقى هاول تجيبى اعلى اوبشن علشان تحس بفرق انا ارشحلك الالنترا عربية شكلها عصر اكتر من الشارك والابترا

[4fun14]

فئه الالنترا اللى انت بتتكلم عليها دى مفهاش abs وده عيب ضخم
الالنترا هتتبهدل ف شوارعنا عشان واطيه ع الارض وهتحك ف كل المطبات وده برضه عيب ضخم "وده تحديدا اللى خلانى افضل الشارك عليها"
بس من ناحيه الدلع اكيد الالنترا هتدلعك اكتر
انا كنت مكانك من 4 ايام واخترت نفس فئه الشارك اللى عاجباك اللى ب 158 الف..مش تاعبنى فيها غير انها بدون بلوتوث وقله مساحه التخزين

[ماجد سليمان]

ياااااااااااااااا انا كنت فى نفس حيرتك بين الالنترا و الشارك و فى الاخر رسيت على الشارك الحمد لله
الفئة اللى حضرتك بتتكلم فيها 158000 ( فيها فتحة سقف - طارة مالتى - طارة و فتيس جلد - abs - جنوط سبور 16 - تكييف اتوماتيك - cd اصلى - اوكر نيكل داخلية - فرش جلد للابواب - ابانوس اسود لامع ) خليجى سعودى بضمان الرواس و لا قصدك حاجة تانية موديل 2015

[kemoelord]

يا جماعة انا متشكر اوي علي ردكم عليا و فعلا انا اخترت الشارك

و تيجي الحيرة خليجي و لا وكيل
ولو خليجي اجيب شرق اوسط ولا سعودي و لا اجيب منين

انا اسف جدا للتطويل عليكم

اولا ربنا يوفقك في العربيه الي الاصلحلك
ثانيا انا معايا لانسر شارك , واحب اقول لحضرتك ان اسعار قطع غيارها عالي اوي ( انا بعتبره عيب ) وانا قولت ع النقطة دي لان حضرتك ذكرتها , انما حضرتك لو عاوز تعرف كل عيوب ومميزات السيارة فهتلاقيها في القسم هنا ,

[ALAA_EL_NAGAR]

لو سمحتو ممكن سوال
انا لقيت عند الكموني خليجي كاملة كلحاجة
ماعادا الكاست التاتش ب كاست عادي بتاعها
و موديل ٢٠١٦ بسعر ١٦٥٠٠٠
البادج اللي في باب السواق مكتوب انها
صنعت طبقا للمواصفات الخليجي
و انا عاوز سعودي و قالولي في المعرض ان ده السعودي
عاوز اسال بس في رقم علي البادج تحت تاريخ الصنع
انا اخدته و قريت مرة ان في موقع علي النت
تتعرف منه الحاجات دي بس مش فاكرة
لو حد من الاعضاء الكرام فاكره

الف شكر لاحلي منتدي و احلي اعضاء في الدنيا

[ALAA_EL_NAGAR]

المواصفات حتي تعم الافاده

خليجي
abs جنط . ٢ ايرباج ، كاست اصلي ، فتحة سقف ،
فوجات ، اكر نيكل ، مساند امامي و خلفي
غطاء كبوت و شنطة و موتور ، اكر نيكل و اشارات مرايات
١٦٦٠٠٠ وتم التخفيض ل ١٦٥٠٠٠
اجيبها ولا اجيب ايه و منين
انا من طنطا