رائيكم فى لانسر شارك

[astronaut]

شباب انشاء الله ناوى اشترى لانسر شارك و كنت عايز اعرف رائيكم فيها من حيث الفرامل و الفتيس و المتور هل كل دة كويس فيها و هل فيها عيوب كبيرة؟؟ ياريت تفدونى بخبراتكم

[محمد مجدي 22]

عيوب الشارك:
1.العفشة ناشفة
2.العزل وحش
3.صوت الموتور عالي
4.الصاج خفيف
5.جودة الدهانات مش حلوة
غير كدة هي ممتازة و انا انصحك بيها

[Adnfalcon]

عيوب الشارك:
1.العفشة ناشفة
2.العزل وحش
3.صوت الموتور عالي
4.الصاج خفيف
5.جودة الدهانات مش حلوة
غير كدة هي ممتازة و انا انصحك بيها

ازود عيبين
الشنطه صغيره والاكصدام الأمامي مش عملي
بس عربيه اعتماديه جدا و ثبات عالي

[astronaut]

تمام يعنى مفيش عيب يخوف من العربية اكيد مفيش عربية كاملة و طلما العيوب بعيدة عن اهم مكونات العربية فدا يطمن بس بخصوص الصاج و الدهان دة انا انهاردة شوفت كورولا 2015 الاكصدام بتعها متقشر فاعتقد ان دة مش عيب عربية و الشنطة حجمها هيكفينى اما حوار صوت الماتور دة عادى انا مش هنام فى العربية يعنى بلعكس دى لازم تبقى مشغل كاسيت عشان تفضل مركز فمعتقدش صوت المتور اعلى من الكاسيت :d:d

[د.هشام]

بالنسبالي العيب الوحيد أن مافيهاش بلوتوث، gps, وكروز كونترول

[astronaut]

بالنسبالي العيب الوحيد أن مافيهاش بلوتوث، gps, وكروز كونترول

يعنى الفرامل و الفتيس و صوت المتور كلة تمام معاك؟؟ و اخبار العفشة معاك اية؟؟ اكيد انتا حد بيركب العربية كل يوم و اكتر حد يحكم عليها فاتمنى توضحلى النقط دية, اما بخصوص البلوتوث فى اجهزة بتتباع و اصلية بتتركب كا بلوتوث فى الولاعة او غير الكاسيت بواحد اصلى تاتش فية كل حاجة و جى بى اس كمان و دة احسن حل

[د.هشام]

الفرامل ممتازة
الفتيس متحسش بنقلاته وموفر للبنزين
الموتور : التسارع ممتاز وصوته عالي ورياضي في طلعة العربية، يعني عند أول وتاني نقلة، وبعدين الصوت بيهدى
العفشة أكثر من ممتازة ومريحة علشان Multilink انا بستغرب من اللي بيقولوا ناشفة
الدهان مشكلته بس في الاكصدام الخلفي، بيقشر ويسيب لون اسود.
العربية بتعرف قيمتها على السرعة العالية، ستابيليتي وتحكم بطعم العربيات الأوروبي.

[4fun14]

انا مشيت بالعربيه 200 كيلو فقط
بس مش مضايقنى فيها غير موضوع البلوتوث ده "زى د هشام" وقله مساحات التخزين بالصالون
الموتور لسه بيلين بس جبت بيه 120 ومحستش بموضوع الدوشه والعزل ده مش عارف جايز عشان كنت راكب صنى ولانوس..او جايز يكون غطا الموتوى وفرش الكبوت فارقين رغم ان اللى جربوا قالوا ملهمش لزمة

[astronaut]

طب يا شباب مهو البلوتوث لية حل لية مجرتوش الجهاز ال فىة usb and Bluetooth بيتباع فى راديوشاك

[Ironmannn]

يا شباب عند سوال بس انا لسه جديد في المنتدي حالا وكونت عايز اسئل لو بشتري متسوبيشي مكوة 2003 اتوماتك 190 الف كيلو رشه بره كامله ومطلوب 70000 دا كدا كتير ولو المفروض تكون بكام

[4fun14]

طب يا شباب مهو البلوتوث لية حل لية مجرتوش الجهاز ال فىة usb and bluetooth بيتباع فى راديوشاك

سألت امبارح ف راديو شاك ملقتش للاسف بس لازم حل حتى لو رسيت انى ارمي الكاسيت ف الزباله واشترى واحد ببلوتوث!
ده انا فى اللانوس كان عندى بلوتوث ومدلع نفسى
بس دايما الحاجه اللى بتركبها بره بتباه غير اللى نازله من المصنع..يعنى المايك بتاع البلوتوث هيباه التليفون مش مايك منفصل فى العربيه ومش هتعرف تتحكم من الطارة بتاعتك وممكن ميكونش الصوت نقى فتفضل تشتغل بالاسطوانات زى بداية الالفية الجديدة!
فعلا متكدر من حوار البلوتوث ده

[astronaut]

سألت امبارح ف راديو شاك ملقتش للاسف بس لازم حل حتى لو رسيت انى ارمي الكاسيت ف الزباله واشترى واحد ببلوتوث!
ده انا فى اللانوس كان عندى بلوتوث ومدلع نفسى
بس دايما الحاجه اللى بتركبها بره بتباه غير اللى نازله من المصنع..يعنى المايك بتاع البلوتوث هيباه التليفون مش مايك منفصل فى العربيه ومش هتعرف تتحكم من الطارة بتاعتك وممكن ميكونش الصوت نقى فتفضل تشتغل بالاسطوانات زى بداية الالفية الجديدة!
فعلا متكدر من حوار البلوتوث ده

لا كدا ياباشا تجيب كاسيت و اصلى بردة و تركبة بلفريم شوفت كذا واحد على جروب ملاك الشارك بس سوال انا كمان عارف اد اية البلوتوث مهم بس الاوكس ممكن يعوضة اعملة كونكت على موبايل و اسمع صوت نقى و مش مهم حوار المكالمات