نتشة في فتيس شارك !

[bassembbb]

مساء الخير يا جماعة ، انا عندي نتشة خفيفة اوي بين الاول و التاني لما تبقي واخدة راحتها و لما بقرص مش باحس بيها.. و ديه بين الاول و التاني بس.

انا لسه عامل صيانة الالف الحمد لله في aaa مصطفي النحاس.. و دلوقتي حوالي ١٤٠٠
عايز اعرف فيه مشكلة عندي ولا كله كده ؟ و لو فيه - لا قدر الله - يبقي اعمل ايه ؟؟
شكرا

[Anaslbda]

راجع التوكيل في أقرب فرصة.

[Shark-M66]

انا عندي نفس الموضوع.. اعتقد انه عادي لأنه مابيحصلش علي طول بيحصل لما العربيه تبقي واخده سرعتها و اهدي جامد و بعدين افتح تاني..

متهيألي قرصة رجلي علي البنزين هي اللي بتعمل كده..

[عبده غريب]

انا عندي نفس الموضوع.. اعتقد انه عادي لأنه مابيحصلش علي طول بيحصل لما العربيه تبقي واخده سرعتها و اهدي جامد و بعدين افتح تاني..

متهيألي قرصة رجلي علي البنزين هي اللي بتعمل كده..

هو ده السبب وانا كنت الاول بحسها لكن مع التعود علي العربية مش بتحصل دلوقتي

[4fun14]

ممكن توصفلى النتشة دى عامله ازاى؟يعنى الفتيس بيتأخر فى النقل ولا بتحس كأنها فرملت وسقطت نقلة؟

[bassembbb]

ممكن توصفلى النتشة دى عامله ازاى؟يعنى الفتيس بيتأخر فى النقل ولا بتحس كأنها فرملت وسقطت نقلة؟

كأنها فرملت و سقطت نقلة متهيألي

[4fun14]

كأنها فرملت و سقطت نقلة متهيألي

فعلا الموضوع ده سمعت عنه من كذا واحد ولسه من يومين حاصل معايا مره واحده ومبقتش فاهم..هيا دى النتشه اللى بيقولوا عليها ولا انا عملت حاجه غلط..حسيت كأن العربيه نطت لقدام نطه صغيره كده كأنى سقطت نقلة
بيقال انه لما تعمل ريستارت للسوفت وير بتظبط..المشكله ان اختبارها صعب جدا لانها مش بتحصل بصورة متكررة..يعنى كل الف كيلو تحصل مره مثلا بس اعتقد انها بسيطه يعنى مش بتعمل مشكله جامده..واحتمال يكون بسبب اننا مش بنمونها 95 والله اعلم

[engabdelazem]

هو الموضوع كله فى ضغط رجيلك على البنزين انا على طول العربية بتنط معايا بسب ان رجلى تقيله على البنزين بس انا ركزت وخففت رجلى لقيت الموضوع عادى
فا مش حاطط الموضوع فى دماغى

[yusuf1980]

دلوقتى بيتم عمل تحديث للسوفت وير بالعربيه و بيظبط النتشه دى وده الكلام اللى بيتقال عند الوكيل (دايموند) وبيتعمل مجانا للعربيات اللى ف الضمان و قالوا العربيات الخليجى هاتتعمل برضو بتكلفة بسيطة لان الموضوع بسيط ومش هاياخد خمس دقايق لانه تحديث للسوفت وير بالعربية زى التكويد كده وبالتالى تكلفته هاتكون بسيطة ..ان شاء الله هاكلمهم واحدد ميعاد واروح اعمله واقولكم ع النتيجة ولو فيه حد عمل السوفت الجديد ده ياريت يقولنا وشكرا جزيلا