جين 2 ولا لنسر شارك فاضية

[Hussein Galal]

شباب

انا نويت اشتري عربية ات شاء الله
مشواري يوميا من 100 ل 120 كيلو
يادوب معايا مقدم جين 2 و اقدر علي قسطها
بس بفكر هل تستاهل اني اأخر الشراء شوية لحد ما اجيب لانسر شارك فاضية (اول فئة)
نصايحكوا

[د.هشام]

انت اخترت عربيتين أدائهم ممتاز على طرق السفر كتحكم وثبات
الشارك تكسب في استهلاك البنزين، موتور أقوى، فتيس أدائه أفضل، وأكثر اعتمادية
الجين تكسب كصاج أقوى.
الشارك أحسن مع تحفظي انك تجيبها من غير abs

[A7medelfe2y]

الشارك تكسب
موتور اقوي
فتيس احسن
شكل هجومي اكتر ودي اذواق
تكنولوجيا احدث
هتحافظ علي قيمتها
منتشره ومش هتتعب معاها
استهلاك البنزين افضل كتير
اتساع الصالون لصالح الشارك
مع العلم طبعا ان ثبات الجين 2 والتحكم فيها يفوق الشارك

[khaled edrise]

بالنسبه للثبات الي اعرفه ان ألأثنين واحد في الميزه دي

[4fun14]

مشوارك كبير وكراسي الجين تو متعبه.. واعاده بيعها ضعيفه
الجين تو تتفوق في السحب تحت ال 80 بس مظنش هيفرق معاك اوي لانك بتمشي حوالي 100 كيلو ف اليوم فواضح ان طريقك مفتوح.. برضه الجين تو فيها مثبت سرعه ودي ميزه حلوه بصراحه بس انا ميال للشارك

[madooomad]

اشتري شارك ب abs واير باجز امانك و سلامة اسرتك بفلوس