استفسار عن المساعدين الأصلي في التوكيل ..بومه

[د.محمد عيسى]

السلام عليكم ورحمه الله وبركاته ..لو سمحتوا لأصحاب الخبره ..عاوز اعرف هل المساعدين الأصلي الخلفي موجودين في توكيل لانسر
ومكانه فين وسعرهم كام
باسأل عن الاتنين الأصلي في التوكيل بكام بتركيبهم ...ونوعهم بيكون ايه ؟...وهل ممكن يكونوا مضروبين ولا حاجات التوكيل مضمونه ؟...وبيكون معاه ضمان ولا لأ؟
وهل ال kyp كويسين بره التوكيل وممكن أجيبهم منين من بره..... مثلا من التوفيقيه .....وأتأكد إزاي انهم مش مضروبين ....
وشكرا ليكم

[د.محمد عيسى]

يا ريت حد يرد عليا

[lancer06]

السلام عليكم ورحمة الله وبركاتة
مرحبا أخى الكريم
بالنسبة للمساعدين الخلفى
فى منها التيوانى سعرهم 500 جنية
وبالنسبة للإستيراد هيعملو 600 جنية
وفى المونرو لكن بينزل صينى سعرهم 450 إلى 500

لكن الأفضل تجيبهم إستيراد وانت بتجيبة قول للبائع انهم على التجربة يعنى لو فيهم مشكلة هيرجعو
واتأكد ان المساعد مش ضارب زيت وبتعرفة لمايكون المساعد علية رزاز زيت

[ahmed_eng2001]

الاصلى سعرهم غالى حبتين ... و على ما اتذكر .. انا ركبت ال kyp يابانى و كان سعرهم تقريبا 400 جنيه للجوز و زى ما قال الاخ لانسر ... خلى بالك من تعريق الزيت ... و ان كنت لا انصحك بتركيب مساعدين استيراد

[د.محمد عيسى]

الاصلى سعرهم غالى حبتين ... و على ما اتذكر .. انا ركبت ال kyp يابانى و كان سعرهم تقريبا 400 جنيه للجوز و زى ما قال الاخ لانسر ... خلى بالك من تعريق الزيت ... و ان كنت لا انصحك بتركيب مساعدين استيراد

أخيرااااا حد رد عليا
شكرا لذوقك ولردك
معلش ال kyp عاملين معاك ايه ؟؟؟؟؟؟؟
وكنت جايبهم من امتي ؟
ويعني ايه تعريق زيت ...أنا ضد فكره الاستيراد ؟؟؟

[د.محمد عيسى]

السلام عليكم ورحمة الله وبركاتة
مرحبا أخى الكريم
بالنسبة للمساعدين الخلفى
فى منها التيوانى سعرهم 500 جنية
وبالنسبة للإستيراد هيعملو 600 جنية
وفى المونرو لكن بينزل صينى سعرهم 450 إلى 500

لكن الأفضل تجيبهم إستيراد وانت بتجيبة قول للبائع انهم على التجربة يعنى لو فيهم مشكلة هيرجعو
واتأكد ان المساعد مش ضارب زيت وبتعرفة لمايكون المساعد علية رزاز زيت

شكرا لذوقك ولردك يا استاذنا
بس ما تعرفش حاجه عن الاوريجينال ؟؟
وال kyp الياباني ؟؟؟؟

[tameem2010]

التوكيل غالي قوي
المساعدين kyb كويسين جدا وكله بيشكر فيهم وهيبقوا ارخص يعني المساعد هيعمل في حدود 750 جنيه

[lancer06]

السلام عليكم ورحمة الله

.k.y.b أو (كايابا) هي أكبر شركة يابانية لصنع المساعدين والسست واكسسوارها في العالم ، والمورد الأساسي للمساعدين في معظم السيارات اليابانية

الأوريجينال بتاع العربية أصلا kyb

لكن اللى موجودة فى السوق مشكلتا انها ناشفة شوية بإختلاف الأصلى وعمرهم تقريبا سنتين

لأن منتشر منهم الغير أصلى

ولو تخيرت المساعدين الأستيراد هيكون أفضل من الحيرة
شرط الحالة بس

ولو حابب تجيب حاجة جديدة خليك فى المونرو لكن علشان اكون صريح معاك بينزلو صينى مش أتحاد أوروبى

[ahmed_eng2001]

أخيرااااا حد رد عليا
شكرا لذوقك ولردك
معلش ال kyp عاملين معاك ايه ؟؟؟؟؟؟؟
وكنت جايبهم من امتي ؟
ويعني ايه تعريق زيت ...أنا ضد فكره الاستيراد ؟؟؟

العفو يا فندم .. احنا كلنا اخوات و بنتعلم من بعض ...

ال kyp كويسن ... بس نشفين شوية عن الاصلى .. و اعذرنى انا مش فى البيت فى الفترة الحالية ... انا كاتب كل حاجة فى كراسة صغيرة و محتفظ بيها

تعريق الزيت .. يعنى المساعد يجيب زيت خفيف من اعلى المساعد ... و دى علامة ان المساعد بدأ يبوظ و محتاج يتغير قريب

و انا ضد فكرة الاستيراد فى الحاجات الى بتستهلك... زى المساعدين و تيل الفرامل و رولمان البلى