لسة في لانسر بومة زيرو ؟؟

[omardinhooo]

هو لسة فس لانسر بومة زيرو ولا لأ :)


ولو في سعرها كام ...؟؟؟

[محمد مجدي 22]

مع الاسف لا
بس لو لقيت اشتريها حتي لو ب 200 الف جنية
لان بجد انا مشفتش عربية احسن من كدة

[graffittiii]

مع الاسف لا
بس لو لقيت اشتريها حتي لو ب 200 الف جنية
لان بجد انا مشفتش عربية احسن من كدة

انا فاهم فكرة الاعتماديه وكده
بس احنا داخلين علي 2016
ايه الابهار اللي فيها يعني عشان ندور عليها ف كل حته
اصلا عربية ممله جدا

[A7medelfe2y]

عربيه محترمه بمعني الكلمه بس ليه تبقي موديلات 2016 نزلت وتركب عربيه التكنولوجيا بتاعتها من 2004
ولو عايزها ممكن تلاقي معارض مركونه فيها
او الافضل تجيب حاجه كسرؤ زيرو ودي هتلاقيها كتير
وتمنها هيبقي في صالحك

[devil_storm]

باشا بومه ايه اللي بتفكر فيها! انا معاك ان البومه كانت حلوه و مبهره بس من ١٠ سنين لكن دلوقتي السوق مليان عربيات افضل ١٠٠ مره من البومه و تكنولوجيا افضل بكتير، و عموما لو حابب البومه اوي كده و حابب التكنولوجيا القديمه عندك اختها الاحدث الشارك اللي افضل من البومه و اوعي تصدق الكلام اللي بيتقال ان البومه افضل من الشارك

يا باشا دي كفايا صوت كمبرسور التكيف بتاع البومه لما يشتغل و يفصل كل شويه!

[Bassem Youssef]

مفيش بومه زيرو

ممكن تشتريها كسر زيرو

[Colin Chapman]

هو ممكن يكون لسه فى فيرنا زيرو واكيد لانوس زيرو لكن بومه زيرو علا معتقدتش فيه

مفيش بومه زيرو

ممكن تشتريها كسر زيرو

هو ممكن يكون لسه فى فيرنا زيرو واكيد لانوس زيرو لكن بومه زيرو فعلا معتقدتش فيه

[omardinhooo]

ياجماعة بالنسبة للفلوس اللي معايا هي اللي بتحجمني لما جيت افكر عربية محترمة سعرها باقصي تقدير 125 الف

قلت افكر في حاجة قطع غيارها موجودة و منتشرة عشان متكلفنيش لو حصل مشاكل و في نفس الوقت اصلا مشاكلها مش كتير

لو حج عندة بديل كفائته عالية يفيدني

[محمد مجدي 22]

بالعكس تماما البومة احسن من كل الحاجات الي موجودة دلوقتي
و مميزاتها:
1.الثبات علي السرعات حتي 180
2.النعومة الغير طبيعية
3.السحب الممتاز انا بتكلم علي 1600
4.خاماتها حلوة
5.قطع غيارها رخيصة جدا و معمرة و منتشرة في كل حتة
6.فراملها ممتازة انا كنت ماشي بعربية صاحبي علي 100 و فرملت بيها وقفت في ثانية
7. الاعتمادية
8.ياباني 100%
9.اعادة البيع ممتازة ممتازة ممتازة ممتازة ممتازة
10.العزل حلو لحد سرعة 110
اما العيوب :
1.مفيهاش اوبشنز

[هوندا]

بوما بوما
بوما

[hugan]

حاول توصل لشارك ولو اول فئه