افيدوني بالله عليكم ،شارك او sx4

[vinosse]

السلام عليكم
ياجماعه انا استفدت منكم كتير ومحتاج مساعدتكم ضروري
واقع في حيره كبيره بين الاختيار
سوزوكي sx4 بيقولوا عربيه حلوه وفيها كل حاجه وياباني تقفيل مجري ومفيش بعد كده ،174000 سعرها
بس
توكيل تعبان ومفيش قطع غيار وتستني وسعر أعاده بيع تحت اوي
او شارك خليجي سعودي اعلي فئهGlsفتحه سقف 168 الف
صاحبي بيقنعني بيها بشده ورحنا عليها
بس انا معنديش اي فكره عنها
اعمل ايه وايه مواصفات السعودي وسعرها ايه
افيدوني من فضلكم

[moha sasa]

- شارك

[yassermahmmoud]

شارك لعدة أسباب:
1) سعر إعادة البيع أفضل.
2) قطع غيار متوفرة .
3) انتشار العربية بشكل كبير في الشارع المصري.
4) ياباني تقفيل ياباني.

[4fun14]

انا مقدرش افيدك عن السوزوكى بس انا جايب نفس العربيه الشارك اللى بتسأل عليها "بس 2015"
الحقيقة انا راييى الشارك متتركبش هاى لاين..ليه؟
الفوجات ضعيفه فملهاش لزمه..فتحة السقف تصميمها انها متجيبلكش هوا بشكل مباشر..فى الحر ملهاش لزمة
الكماليات اللى مهمه فعلا abs والابانوس "التابلوه من غيره فقير"والمساند والايرباجات

[vinosse]

شارك لعدة أسباب:
1) سعر إعادة البيع أفضل.
2) قطع غيار متوفرة .
3) انتشار العربية بشكل كبير في الشارع المصري.
4) ياباني تقفيل ياباني.

معاك حق وده اللي كل الناس قالوهولي
لو عندك فكره عن السعودي بيبقي فيها ايه من كماليات

[vinosse]

انا مقدرش افيدك عن السوزوكى بس انا جايب نفس العربيه الشارك اللى بتسأل عليها "بس 2015"
الحقيقة انا راييى الشارك متتركبش هاى لاين..ليه؟
الفوجات ضعيفه فملهاش لزمه..فتحة السقف تصميمها انها متجيبلكش هوا بشكل مباشر..فى الحر ملهاش لزمة
الكماليات اللى مهمه فعلا abs والابانوس "التابلوه من غيره فقير"والمساند والايرباجات

انا كماناللي شوفتها كانت ٢٠١٥
فرق السعر مش كبير بينها وبين الفئه اللي قبلها فول حجيب اجيب اعلي حاجه وخلاص
انت ايه رأيك في ألعربيه
وسعرها كده كويس ولا ايه
وهل السعودي فعلا أفضل حاجه في الخليجي

[د.هشام]

انا كماناللي شوفتها كانت ٢٠١٥
فرق السعر مش كبير بينها وبين الفئه اللي قبلها فول حجيب اجيب اعلي حاجه وخلاص
انت ايه رأيك في ألعربيه
وسعرها كده كويس ولا ايه
وهل السعودي فعلا أفضل حاجه في الخليجي

الخليجي اللي في السوق سعودي بس (سواء عربيات التوكيل أو اللي مش توكيل )
وفيه كمان عربيات شرق أوسط (اردني )

[hugan]

شارك

[4fun14]

انا كماناللي شوفتها كانت ٢٠١٥
فرق السعر مش كبير بينها وبين الفئه اللي قبلها فول حجيب اجيب اعلي حاجه وخلاص
انت ايه رأيك في ألعربيه
وسعرها كده كويس ولا ايه
وهل السعودي فعلا أفضل حاجه في الخليجي

العربيه عموما صفقة رابحة ف رايي رغم العيوب اللي فيها
بص عيبها الاساسي انها دوشه خصوصا لو مشغل التكيف.. صوت الور بتاع المراوح خانقني
انت طبعا عارف انت شنطتها صغيرة.. وان كمالياتها قليله.. خصوصا ان مفهاش بلوتوث خانقني وكمان محتاجه سنسور ركن
طلعتها تقيله برضه.. وقطع غيارها الاصليه بتشح احيانا من السوق خصوصا مع مشاكل الدولار الاخيره
مميزاتها باه ثبات اوي.. انا مسافرتش بيها خالص عشان اشوف اخرها بس هيا ثابته لحد 160 وصالونها واسع وشكلا حلوه وسوقها ممتاز وطبعا ياباني بسعر منافس جدا واعطالها قليله.. وتكييف قوي وفرامل قوية

[4fun14]

الخليجي كله سعودي والاساسيات واحده سواء خليجي او اردني او وكيل.. واسمحلي معلقش علي موضوع السعر لانه كل شويه بيتغير وبسمع كلام كتير
انا اشتريت عربيتي بنفس المواصفات 2015 من شهر ب 158 بس اسمع انها زادت وطبعا اا 2016 اغلي كمان فشكله السعر كويس

[vinosse]

والله كلمه امانه
انا اتفرجت علي العربيتين
السوزوكي sx4افضل بمراحل من حيث الإمكانيات والصاج والعزل ومتوقع سعرها يوصل ٢٠٠ الف
بس وكيل تعبان وقطع غيار الله اعلم وأعاده بيع في الضياع
اما الشارك ورق بمعني الكلمة وشها من قدام كله فبر بلاستيك والابواب ورق
بس قطع غيار موجوده وأعاده بيع ممتازة
يعني لو اشتري يبقي سوزوكي وربنا يستر مع الوكيل
او شارك ومش مشكله أعاده بيع او قطع غيار