الطفاية في الترخيص

[mosman]

السلام عليكم

أنا رايح أرخص العربية و عندي فحص ...العربية موديل 2009 لانسر بومة خليجي و في المرات اللي فاتت ماكانش في مشكلة في الطفاية.

هل المرة دي هيكون في مشكلة لأن سمعت إنه أخرها 3 سنين و قالولي إنك ممكن تظبط الراجل بتاع الفحص بأي حاجة و يعديها لي ؟

و هل لازم أمسح الكلام الفلوماستر اللي عليها عشان تكون شكلها جديد ؟

شكرا مقدما

[adhamnor]

اه فعلا .. انا حصل معايا كده . . لكن خمسه جنيه والموضوع عدي

[David Micheal]

لو عديت 5 سنين مش هايرضي يعديها ولازم تغيرها الا بقي لو ليك واسطة ولا المهندس كلمه

[adel1212]

و ما الضرر ان يكون معاك طفاية حديثة و سليمة لامنك انت و ما تملك
تحياتي

[رامي مصطفى]

و ما الضرر ان يكون معاك طفاية حديثة و سليمة لامنك انت و ما تملك
تحياتي

طبعا لا ضرر حاجه كويسه
بس ما تقنعنيش ان الطفايه بعد 5 سنوات تبأى باظت ولازم تتغير هو ده ايللي بيحرق الدم ويخلي الناس تلتف على قانون الحراميه المستفيدين

[mosman]

شكرا ياشباب علي الإجابات

طب انا عندي عربية تانية فيها طفاية أحدث ...ينفع أخدها في الترخيص و لا دا يبقي غباء ؟؟

[A.Saad]

هي ما بتبظش كبودر
لكن الضغط جواها كبير وبيعرض الجسم المعدن الشروح
الحل الارخص والاسلم
تروح فرع بلغاريا يكتشفوا عليها
لو سليمة بيديك شهادة أو استيكر توريه المندوب الدفاع المدني في المرور ويختم لك ورقم
فيها حاجة
بيغير الجسم المعدن ب٦٠ جنيه أو يبدلها ب ٨٠ جنيه

[adel1212]

طبعا لا ضرر حاجه كويسه
بس ما تقنعنيش ان الطفايه بعد 5 سنوات تبأى باظت ولازم تتغير هو ده ايللي بيحرق الدم ويخلي الناس تلتف على قانون الحراميه المستفيدين

اعتقد ان ا/ A.Saad
كفى و اوفى
تحياتي

[mosman]

هي ما بتبظش كبودر
لكن الضغط جواها كبير وبيعرض الجسم المعدن الشروح
الحل الارخص والاسلم
تروح فرع بلغاريا يكتشفوا عليها
لو سليمة بيديك شهادة أو استيكر توريه المندوب الدفاع المدني في المرور ويختم لك ورقم
فيها حاجة
بيغير الجسم المعدن ب٦٠ جنيه أو يبدلها ب ٨٠ جنيه

ايه فرع بلغاريا دا ؟؟؟؟ ....ممكن توضيح اكثر ؟؟

[adel1212]

ايه فرع بلغاريا دا ؟؟؟؟ ....ممكن توضيح اكثر ؟؟

المقصود بافاريا
شركة بافاريا لنظم مكافحة الحريق

[رامي مصطفى]

شكرا ياشباب علي الإجابات

طب انا عندي عربية تانية فيها طفاية أحدث ...ينفع أخدها في الترخيص و لا دا يبقي غباء ؟؟

ماينفعش لان بيكون مدقوق عليها رقم الشاسيه

[mosman]

هي ما بتبظش كبودر
لكن الضغط جواها كبير وبيعرض الجسم المعدن الشروح
الحل الارخص والاسلم
تروح فرع بلغاريا يكتشفوا عليها
لو سليمة بيديك شهادة أو استيكر توريه المندوب الدفاع المدني في المرور ويختم لك ورقم
فيها حاجة
بيغير الجسم المعدن ب٦٠ جنيه أو يبدلها ب ٨٠ جنيه

طيب سؤال يافندم ....لو جبت من بافاريا طفاية جديدة بـ 80 جنيه ...ممكن يغلس في وحدة المرور ؟ و هي أصلا بكام لو اشتريتها من المرور مباشرة ؟؟؟

[David Micheal]

طيب سؤال يافندم ....لو جبت من بافاريا طفاية جديدة بـ 80 جنيه ...ممكن يغلس في وحدة المرور ؟ و هي أصلا بكام لو اشتريتها من المرور مباشرة ؟؟؟

150 من المرور
انا لو اعرف موضوع بافاريا ده كنت عملته من زمان

[mosman]

150 من المرور
انا لو اعرف موضوع بافاريا ده كنت عملته من زمان

يا جماعة أنا لسة كنت بأسأل في شركة بافاريا (فرع شارع الجمهورية) و قالولي إنه موضوع انه يكشف على الطفاية القديمة و يديك ورقة رسمية بصلاحيتها (لو كانت لسة شغالة) عشان تقدمها لوحدة المرور ده كلام مش صحيح .... الطفاية الجديدة بـ 147.5 جنيه و ممكن تستبدل القديمة و تدفع فرق 118 جنيه. ومواعيد العمل عندهم من 8:30 إلى 5:30 م و الجمعة 9:00 إلى 2 ظهرا

أنا شايف إنه الواحد يشتريها من المرور و خلاص لانك هاتصرف تاكسيات و ضياع وقت أكتر من فرق ال 30 جنيه بتاع الاستبدال

[A.Saad]

انا كاشف فى فرع اكتوبر وده موزع معتمد ومرخص بيها شخصياً
وقبلها رحت لفرع عماد الدين وده فرع للشركة نفسها وكان هيكشف عليها برده بس قاللى هتسيبها يومين بالظبط فسبتهم
اتصل بخدمة العملاء اشتكى اللى قالك كدة