تغيير اكصدام بومة

[mosman]

السلام عليكم

النهارده بسبب الزحمة واحد خبطلي الاكصدام الخلفي و كسره. أنا عايز أشوف إذا لازم يتغير ولا لازم أجيب ووحد جديد ولو جديد أنا عايز حاجة استيراد تكون سعرها مش غالي. أنا قرأت مشاركة أحد الاعضاء على سؤال مشابه و كان كالآتي :
**********
١٨٠ جنيه تايوان زي الفل كله بيتكسر جديد او اصلي انا مركب تايوان بقاله ٤ سنين كان ١٤٠ جنيه

******************

هل الكلام ده صح ؟؟و فين ألاقي التايواني ده و برضه الاستيراد ؟؟

مرفق صور التلفيات و منتظر رد الخبراء

[lancer06]

الحمد لله اللى جت على قد كده
الاسعار اللى حضرتك بتتكلم عنها دى قديمه وكمان الاكصدام بتاعك فيه زوائد اللى بتبقى فى السوبر اكشن
الاسعار انهارده اضعاف الرقم المذكور
الكسر اللى عندك ممكن يتلحم ويترش مكانها مفيهاش مشكله والفرق اللى فى الجمب الشمال هيتظبط لما الاكصدام يتفك ويركب مظبوط

[Mecha]

ركب كلبسات الجنب اليمين وامشي بيها عادي

[ahmed_eng2001]

اؤيد رأى الاخوة الافاضل .... الاكصدام ممكن يتصلح و يركب تانى

[Fawzy.Abdelnour]

علي حسب القطع ممكن يتلحم و يركب تاني.
و موضوع ان كله بيتكسر اصلي او تايواني ده لأ، طبعا علي حسب الخبطه، يعني لو واحد ريح عليك و هو بيركن، و او خبطه متوسطه، الاصلي هيتفعص و التايواني هيتكسر.

[mosman]

ألف شكر على الردود القيمة يا شباب... بس كنت عايز اعرف اللحام بالتركيب يتكلف حوالي كام ؟؟ و فين ؟؟ ...... أنا ساكن في العجوزة

[svneleven]

لحام قول 100 جنيه و تركيب 100بردو.

[lancer06]

فك وتركيب بالحام لا يتعدى ١٠٠ جنيه ان شاء الله
كنت عامل الشغل دا قريب مع تركيب فوانيس بالسعر ده