محتار جدا شارك خليجى ولا وكيل

[ahmedsamy2014]

عايز اجيب شارك محتار بين الخليجي او الوكيل
الخليجي اويشن الى بسعر اقل و كنت خلاص اخدت القرار كنت في احد المعارض المشهوره هو بيبيع وكيل بس قالي ان الخليجي مشكلته انهم ممكن يغيرو الحاجات الاصليه بحاجات اقل زي الكاسيت و الجنوط و قاللي علي واحد من اكتر المعارض اللى بتبيع و مشهوره باقل الاسعار
و الحاجه التانيه و دي اللى قلقتني اكتر قالللى ان الضمانات الللى ممكن تشتريها بدل ضمان الوكيل ملهاش لازمه و مش معترف بيها من جهاز حمايه المستهلك و زى تربل أي و هاي تريند و الكلام ده هل الكلام ده حقيقى و لا ايه حد يفيدنا لان الموضوع محير جدا

[Fawzy.Abdelnour]

هات من هاي تريد اللي في مصر الجديده شارع الحجاز، محترمين جدا و مش بيغير حاجه، و عنده مركز صيانه بتاعه و ضمان.
انا لسه جايب واحده بضمانه، بس من معرض تاني عشان هو كان واقف بيع ايام هوجة سعر الدولار.

[د.هشام]

عايز اجيب شارك محتار بين الخليجي او الوكيل
الخليجي اويشن الى بسعر اقل و كنت خلاص اخدت القرار كنت في احد المعارض المشهوره هو بيبيع وكيل بس قالي ان الخليجي مشكلته انهم ممكن يغيرو الحاجات الاصليه بحاجات اقل زي الكاسيت و الجنوط و قاللي علي واحد من اكتر المعارض اللى بتبيع و مشهوره باقل الاسعار
و الحاجه التانيه و دي اللى قلقتني اكتر قالللى ان الضمانات الللى ممكن تشتريها بدل ضمان الوكيل ملهاش لازمه و مش معترف بيها من جهاز حمايه المستهلك و زى تربل أي و هاي تريند و الكلام ده هل الكلام ده حقيقى و لا ايه حد يفيدنا لان الموضوع محير جدا

أي كلام بيتقال وخلاص علشان يبيع
مفيش حد بيشيل الاصلي ويحطلك مضروب.
اللي بيحصل أن بعض المعارض علشان يعلوا سعر العربية بيضيفوا حاجات على الفئات الأولى زي الفوجات والكاسيت التاتش والكاميرا الخلفية والجنوت، وممكن كمان السبويلر.
حتقوللي أعرف ازاي. أول حاجة بالنسبة للفوج الأصلي بيفتح عن طريق ذراع النور مش زرار لو متركب، وبالنسبة للجنت الأصلي شكله مختلف عن المتركب.
تاني حاجة الفئات الاعلى حتلاقي فيها حاجات مينفعش يتلعب فيها زي 2 ايرباج ، abs, فتحة سقف، ابنوس وجلد في الابواب والدريكسيون والفتيس، ومالتي فنكشن.

[arateb]

انا معايا وكيل و بقولك الخليجي احسن في ضمان تريبل ايه جامد جدا