مشكلة بعد ما إشتريت الفوانيس الجديدة

[bonos32]

بداية أشكر كل من سيساهم فى حل هذة المشكلة
انا عربيتى لانسر بومة 2005 خليجى 1300 سى سى مانيوال
المهم كان راكب فيها فوانيس ذات الريجلاش اليدوى وطلعت فى دماغى و إشتريت
طقم فوانيس إستيراد ذات الريجلاش الكهربى بالزرار بتاعها وبعد ما ركبت الفوانيس وشغلتهم
فوجئت بمشكلة فى فيش التوصيل الموتور الخاص بضبط درجة الإضاءة وهى إن الفيش مختلفة
ولكن فى الصالون لما ركبت الزرار المسؤل عن الكلام دة لقيت له فيشة مجهزة جنب الزرار اللى بيعلى
ويوطى نور العدادات ركبت الفيشة فى الزرار وكله تمام
مشكلتى دلوقتى إنى مش عارف السلوك بعد ما دخلت على العلبة اللى تحت الدريكسيون مش عارف
طلعت منين تانى ومش عارف أوصل الموتور عشان يشتغل
فلو أى حد عنده التوصيلة دى أو كتالوج الإصلاح أو ممكن يصور لى التوصيله من عربيته أكون شاكر جداً
لإن الصنايعية بيتفذلكوا كتير ومحدش عارف يشغله

[bonos32]

محدش عارف يجاوب ولا إيه

[m6r1282]

فيه مشكلة فعلا في التجاوب في قسم ميتسوبيشي

[MITSUKERO]

صاحبي اشتري الفوانيس دي و ركبهم في المتخصصون الاميرية و شغلولوا الرجلاش الكهربائي
المشكلة ان تشغيلهم حوار كبير للاسف و المتخصصون اخدوا منه مصنعية و ثمن السلوك اللي ركبوها في الضفيرة و ثمن فك الضفيرة و تركيبها و فك الاكصدام و الريادياتير و الشغل حوالي 800 جنية !!! فطبعا كتير علي تشغيل رجلاش عنه ما اشتغل

سألت المتخصصون ليه 800 قالولي بتاخد حوالي 40 متر سلك او اكتر و بنشتغل في العربية يومين متواصل فعشان كده مصنعيتها عالية