إعـــــــلان

Collapse

.

,
See more
See less

Immobilizer وسرقه اللانسر...اكيد بتتسرق كده

Collapse
X
Collapse
 
  • Page of 1
  • Filter
  • الوقت
  • Show
Clear All
new posts
السابق template التالي
  • #1

    Immobilizer وسرقه اللانسر...اكيد بتتسرق كده

    كلنا طبعا عرفين موضوع سرقه اللانسر والموجود ف كذا موضوع ... المهم يجي السؤال كيف تتم السرقه ؟


    انا كمهندس اتصالات ممكن اقترح الطريقه التاليه

    بما ان المفتاح بتاع العربيه بيبعت اشاره لاسلكيه لل امبوليزر ب الكود بتاعه واكيد الكود بيتبعت متشفر بس شفرته ضعيفه ....

    يبقي لو في جهاز استقبال مصمم كان مع واحد واقف جمب العربيه هيستقبل نفس الكود المتشفر ,, ممكن بستخدام طرق معينه وبرامج كمبيوتر متخصصه تتفك الشفره وتتنسخ بجهاز نشخ على مفتاح تاني وتتسرق العربيه بكل سهولة
    -------
    الحل المؤقت متفتحش العربيه او تقفلها ب الريموت حاول تقفلها يدويا وتفتحها ب المفتاح ....


    وعلى فكره تصميم الفكره دي او الجهاز ده مش صعبه خالص وممكن كمان اصلا يكون بيتباع او صاحبه اشتراه من اي حته وشغال نصب ....


    وانا هفكر لو في طرق تانيه وهرد واتمني المشاركه من الاعضاء للوصول للسبب قبل المباحث هههه


    الي اللقاء
    الكلمات الدلالية (Tags): 20, 2007, 40, code, immobilizer, اتصالات, التوكيل, الجديدة, اللانسر, اللانسراكيد, الي, بتتسرق, توكيل, شار, شارك, طريقة, عدة, عربيه, عرض, غيار, في, كده, كل, لانسر, مصمم, مع, معلومات, من, نور, هاك, هي, وسرقه, يوتيوب
  • #2
    أنا مش مهندس اتصالات بس أعتقد ان الريموت مش هو اللى بيتصل مباشرةً بدائرة الايموبيلايزر ... هو بيتصل بدائرة الريموت اللى بتفتح السنترلوك فقط ... لكن الايموبيلايزر اللى بيتصل بيه شريحة فى المفتاح و ليس الريموت و الشريحة دى هى اللى بتنشط activate دايرة الايموبيلايزر ... يعنى لو واحد قدر يستقبل الكود بتاع الريموت و يفك شفرته حيعرف يفتح العربية فقط دون تشغيل المحرك (و حتى دة موضوع أعتقد انه صعب و محتاج وقت طويل جداً عشان الاشارة بيبقى معمولها 256-bit encryption و ليها challenge code بيتغير كل مرة)

    الفكرة الأسهل و كنت قريتها فى موقع من فترة مش فاكر عنوانه ان الحرامى بيبقى معاه وحدة ECU من عربية لانسر تانية و بيفك وحدة الـ ECU للعربية اللى بيسرقها (و دى الوحدة اللى فيها دائرة الايموبيلايزر و الوصول ليها سهل لمن لديه الخبرة بذلك) و يحط الوحدة اللى معاه و طبعاً بكدة بيقدر يتخطى الايموبيلايزر أما مفتاح العربية نفسه فسهل جداً انه يعمله lock-picking ... (أى بحث بسيط على جوجل حتلاقى فيه مئات المواقع اللى بتشرح فك الأقفال بالتفصيل الممل)
    الَّذِينَ آمَنُوا وَتَطْمَئِنُّ قُلُوبُهُمْ بِذِكْرِ اللَّهِ أَلا بِذِكْرِ اللَّهِ تَطْمَئِنُّ الْقُلُوبُ

    Comment

    • #3
      ربنا يستر يا جماعة معانا كلنا , حاسستونى أن الموضوع سهل و بسيط :D ماعدش فيه أمان خالص , و لكن فى الأخر طبعا فالله خير حافظ و هو أرحم الراحمين , الواحد يحاول يعمل اللى عليه و يحافظ على عربيته سواء جديدة و لا قديمة و ربنا يسترها و شكرا لصاحب الموضوع على الأقتراح.
      [CENTER][SIZE=4][COLOR=blue]قال الله تعالى: [COLOR=blue][IMG]http://www.kalemat.org/gfx/braket_r.gif[/IMG][/COLOR] وَلَنَبلُوَنّكُم بِشَىءٍ مِنَ الخَوفِ وَالجُوعِ وَنَقصٍ مِنَ الأموَالِ وَالأَنفُسِ وَالثّمَراتِ وَبَشِرِ الصّابِرينَ [IMG]http://www.kalemat.org/gfx/braket_l.gif[/IMG][/COLOR][/SIZE][/CENTER]
      [CENTER][SIZE=4][COLOR=blue][البقرة:155] ويكون هذا الصبر بحبس اللسان عن الشكوى إلى غير الله تعالى، والقلب عن التسخط والجزع. [/COLOR][/SIZE][/CENTER]
      [CENTER][SIGPIC][/SIGPIC][/CENTER]
      [CENTER]
      [/CENTER]

      Comment

      • #4
        جاري البحث وزياده المعرفه عن موضوع الامبوليزر

        بس خلال البحث على النت طلعلي جهاز ومعاه سوفتوير بيقدر يحسب البين كود بتاع اي امبوليزر للعربيات الحديثه بكذا طريقه ... ومنها انك تحطله المفتاح ويفك شفرته او تديه الموديل او سيريال نمبر بتاع الامبوليزر و نوع العربيه ويحسب الكود او انك تديه الكود المشفر ويفك شفرته ..

        يعني الموضوع ف اعتقادي مش معقد لو واحد قدر يستقبل الكود لاسلكيا ..

        اما حكايه ان الكود متشفر ب 256 انكريبشن و تشالنج كود ؟ مش عارف انا بدور عى معلومات وياريت الي كتب كده يدينا مصدر يفيدنا ...

        وكمان الشريحه الموجودخ ف المفتاح بتبعت الكود لاسلكيا .. وجاري التاكد م المعلومه
        علعموم الجهازوالبرنامج موقعه على النت اهه
        http://immo-code.com


        افيدونا يا اهل الخبره ...

        Comment

        • #5
          Re: جاري البحث وزياده المعرفه عن موضوع الامبوليزر

          المشاركة الأصلية كتبت بواسطة actronx
          اما حكايه ان الكود متشفر ب 256 انكريبشن و تشالنج كود ؟ مش عارف انا بدور عى معلومات وياريت الي كتب كده يدينا مصدر يفيدنا ...
          أولاً ليه سيادتك بتتكلم بصيغة ضمير الغائب أو المجهول؟ أنا بناقش معاك فكرة علمية مش معناها انى بأقلل من شأنك لا سمح الله انما معناها انى بتناقش معاك عشان نوصل لفكرة دقيقة عن حل المشكلة دى ... فلا داعى اذن لاستخدام هذه الصيغة فى الحديث

          بالنسبة لتشفير كود الريموت و طريقة عمله فمشروحة فى الموقع دة: http://auto.howstuffworks.com/remote-entry2.htm ... و الكلام مختلف قليلاً عن اللى أنا كاتبه بالفعل و أشكرك لأنك اتحتلى فرصة التوثق من المعلومة بصورة أدق ... حيث انه مشروح على 40 bit code و مش بيستخدم challenge code لكن بيستخدم rolling code و هو صورة من صور الـ random challenge بمعنى انه لو حد حاول يحصل على الكود المرسل من الريموت مش حيستفيد منه حاجة لأن السيارة فى المرة التالية حتكون منتظرة كود مختلف و لا توجد طريقة لحسابه من الكود السابق .... و طبعاً لو الكود طوله 40 bit فمعنى كدة ان فى أكثر من ألف مليار احتمال للكود لا بد من تجربتهم، و فى أنظمة بتبعت كود طوله 256 bit فبيزيد عدد الاحتمالات الى 1 و جنبه 77 صفر

          أما بالنسبة لكود الايموبيلايزر فدة بيبقى متخزن فى دايرة passive داخل مفتاح السيارة و ليس الريموت و مصدر المعلومة دى: http://en.wikipedia.org/wiki/Immobiliser و الفقرة دى من الصفحة بتشرح طريقة تنشيط الدائرة:
          The microcircuit inside the key is activated by a small electromagnetic field which induces current to flow inside the key body, which in turn broadcasts a unique binary code which is read by the automobile's ECU. When the ECU determines that the coded key is both current and valid, the ECU activates the fuel-injection sequence.

          و بالنسبة للبرنامج اللى بيتباع فى immo-code.com و عدة مواقع أخرى فاللى فهمته من التفاصيل المكتوبة انه بيعالج مشكلة لو واحد احتاج يعمل reset للايموبيلايزر عشان مش راضى يقبل الكود اللى فى المفتاح بتاع السيارة فلازم يدخل pin code يعمل بيه Reset للايموبيلايزر و بعدين يستخدم المفتاح الأصلى بتاع العربية عشان يدورها و بالتالى فدى مش طريقة لسرقة السيارة لأنه لا بد من وجود المفتاح و مكتوب فى الموقع ان لو المفتاح مش موجود يبقى لازم يكون كود المفتاح موجود عشان يقدروا يعملوا مفتاح تانى للسيارة.
          الَّذِينَ آمَنُوا وَتَطْمَئِنُّ قُلُوبُهُمْ بِذِكْرِ اللَّهِ أَلا بِذِكْرِ اللَّهِ تَطْمَئِنُّ الْقُلُوبُ

          Comment

          • #6
            جندى مجند سوري انا مكنش قصدي حاجه .. الفكره اني قرات رادك علىالموضوع و خرجت ولما رجعت فضلت ادور شويه لحد م لقيت معلومات مخالفه ف حبيت اتاكد من مصدر معلوماتك ومكنش قصدي تجريح او اي حاجه احنا هنا بنتعلم من بعض .. وف الاول والاخر انا اول مره اعرف عن موضوع الامبيوليزر ف العربيات ده ....

            المهم هشوف الموقع الي انت بعته و هرد عليك .. بس في حاجه ان الامبوليزر ده بيتغير في مواصفاته من عربيه للتانيه على حسب معلوماتي بيكون استحالة اختراقه في العربيات الغاليه اصلا

            ولكن ف السيارات الرخيصه ف لازم عشان يتوافق عليه ف كندا او استراليا مثلا انه يكون بمواصفات معينه لمنع السرقه ...

            الفكره اني مش عارف مبدايا هل الانسر الموجوده هنا فيها امبوليزر وهل النوع بتاعه فعلا نوع يعتمد عليه من حيث التشفير وطريقه العمل ؟ و جاري البحث


            اخير شكرا لمشاركتك وسعه صدرك لان كل مشاركاتك بتوفر على وقت كبير ف البحث وبتوجهني للمعلومه بشكل ادق

            Comment

            • #7

              ولا يهمك يا باشمهندس حصل خير .. بالنسبة للانسر تقريباً موديلات 2007 بتنزل بايموبيلايزر و ما قبلها من غيره و الله أعلم ... عامةً لما بتيجى تحط المفتاح فى الكونتاك لو العربية فيها ايموبيلايزر حتلاقى فى التابلوه نور أخضر على شكل مفتاح بينور و يطفى لمدة ثانيتين أو ثلاثة ... لو النور دة مش موجود يبقى العربية مفيهاش ايموبيلايزر
              الَّذِينَ آمَنُوا وَتَطْمَئِنُّ قُلُوبُهُمْ بِذِكْرِ اللَّهِ أَلا بِذِكْرِ اللَّهِ تَطْمَئِنُّ الْقُلُوبُ

              Comment

              • #8
                علي حد علمي ان اشارة الريموت واقلها زي الوولف مكونة من 2 مليون رقم مختلف بيتغير كل مرة اشارة حسب كلام مهندس الاتصالات اللي في مصنع وولف للانذار في 6 اكتوبر
                اما عن فتح العربية بالريموت انا شوفت واحد علي يوتيوب فتح عربية كرولا ب PDA وشرح الطريقة بس ما حفظتهاش للاسف
                بس لازم يكون علية انفرا ريد

                اما عن الايموبليز فبيكون في شريحة صغيرة جدا بتكون هيا المرسل وبيكون في رسيفر في العربية وتقدر تعرف كمان ان العربية فيها ايموبليزر لو المفتاح مفيهوش ريموت بتلاقي في نقطة شمع صغير قوي اد راس الدبوس بين فاصل راس المفتاح
                ولو فيه ريموت لو فتحت المسمار هاتلاقي تشيب صغيرة قوي دي السندر اللي عليه الكووود


                حاجة اخير
                موزع معتمد لقطع غيار عربيتي عرض عليا يديني مفتاح بريموت اصلي زي بتاع التوكيل وكمان انذار بسرينة وعدد اتنين مفتاح وليهم شريحة وهو هايكودها بس هاينسخ شرشرة المفتاح من عندي ويبقي معايا اتنين ريموت اصلي
                يعني من الاخر معاه اكود كل المفاتيح
                وسلمولي علي الايموبليزر لو حد عمل عليه هاك وخد نسخة منهم :roll: :roll: :roll:

                جروب ورشة نايل موتورز علي الفيس بوك

                صفحة ورشة نايل موتورز على الفيس بوك

                Comment

                • #9
                  الحمد لله أنا معايا واحدة 2007 و لا يوجد فيها هذا النور الأخضر يا أخ جندى , شكرا على المعلومات الجديدة ديه يا أخ actronx و يا أخ جندى .

                  حد يا جماعة معاه لانسر فيها هذا النور الأخضر الذى على شكل مفتاح , الذى أشار اليه الأخ جندى ؟
                  [CENTER][SIZE=4][COLOR=blue]قال الله تعالى: [COLOR=blue][IMG]http://www.kalemat.org/gfx/braket_r.gif[/IMG][/COLOR] وَلَنَبلُوَنّكُم بِشَىءٍ مِنَ الخَوفِ وَالجُوعِ وَنَقصٍ مِنَ الأموَالِ وَالأَنفُسِ وَالثّمَراتِ وَبَشِرِ الصّابِرينَ [IMG]http://www.kalemat.org/gfx/braket_l.gif[/IMG][/COLOR][/SIZE][/CENTER]
                  [CENTER][SIZE=4][COLOR=blue][البقرة:155] ويكون هذا الصبر بحبس اللسان عن الشكوى إلى غير الله تعالى، والقلب عن التسخط والجزع. [/COLOR][/SIZE][/CENTER]
                  [CENTER][SIGPIC][/SIGPIC][/CENTER]
                  [CENTER]
                  [/CENTER]

                  Comment

                  • #10
                    أنا معايا 2007 توكيل مصريه معانديش لمبه المفتاح الخضرا مع ان المفروض ان فيها امبوليزر

                    Comment

                    • #11
                      أنا مش فاهم حاجه من اللى انتوا بتتكلموا فيه
                      [B][سبحانك اللهم و بحمدك أشهد أن لا إله إلا أنت أستغفرك و أتوب إليك
                      سبحان ربي العظيم . سبحان ربي العظيم . سبحان ربي العظيم[/B]

                      Comment

                      السابق template التالي
                      Working...
                      X