تغيير لمبة الفانوس الخلفى يمين

[ابو ندى]

عاوز اغير لمبة الفانوس الخلفى اعمل اية السيارة موديلى2013
ممكن تدلونى .
انا فكيت مسمار غطاء الشنطة من الداخل ولاقيت سلكتين داخلين على الفانوس فقط وتحت باب الشنطة قاعدة سوداء مربوطة بمسمارين افكهم . ولا الحوار كله رزل واروح لكهربائى وخلاص

[ahmed.biso13]

روح لكهربائى بدل ما تكسر وش الفانونس او سلك تعلق منك وتطر تروحله
بعد كده شوفه بيفك ازاى وعمل زيه المرة الجاية

[ahmed_eng2001]

انا مش فاكر غيرت اللمبات ازاى ... من سهولة الموضوع

حضرتك حتشيل فرش الشنطة زى ما حضرتك عملت بالظبط ..... السلكتين الى حضرتك شفتهم دول ... داخلين على دواية اللمبة ... حضرتك بتلف الدواية شمال بالراحة لغاية لما تخرج باللمبة برة الفانوس ... تغير اللمبة ... و ترجع تركبها تانى و تلف الدواية يمين بالراحة

خلى بالك ... لو مرضيتش تلف شمال .... جرب تلفها يمين ... بالفعل انا مش فاكر كويس
و انت بتركب خلى بالك ان فيه مكان لتركيب الدواية كويس .. قبل ما تلفها

ربنا يوفقك