إعـــــــلان

Collapse

.

,
See more
See less

مشكلة في التكييف

Collapse
X
 
  • Filter
  • الوقت
  • Show
Clear All
new posts

  • مشكلة في التكييف

    من غير تكييف مفيش اي مشاكل. مع التكييف العربية تبطل لما ادوس فرمله في مكان زحمة. ولو واقف في اشارة عداد ار بي ام يفضل يعلي و ينزل و ممكن العربيه تبطل. جربت 2 حساس ايدل استيراد ونفس الحكايه اول ما اشغل التكييف عداد ار بي ام ينزل قوي. الميكانيكي مصمم انه حساس ايدل. ياتري ايه ممكن يكون السبب تاني. العربيه لانسر بومه 2008 اوتوماتيك سوبر اكشن. افتوني جزاكم الله خيراً

  • #2
    فيه حساس بيحس بتشغيلم للتكييف ... و بعدين يروح يبعت اشارة للكنترول بتاع العربية علشان يدى امر للايدل انه يفتح شوية فيزود سرعة المحرك

    المشكلة ..... يا اما فى حساس التكييف .... او فى الايدل .... او فى الاسلاك و الفيش ... او فى الكونترول .. و ده احتمال مستبعد شوية
    جرب تشوف حد بتاع تكييفات بيفهم شوية

    Comment


    • #3
      جسر السويس من روكسى وطالع قبل متعدى سوق القنال و قبل المزلقان خش آخر يمين.. جماعة محترمين فى ورشة تكييفات تحت جراج عربيات ..و أجهزة كشف حديثة وشطار

      Comment


      • #4
        ده حساس التكييف
        لان المفروض مع تشغيل التكييف فيه حساس بيدي اشارة للكنترول بتاع العربية ان التكييف اشتغل فبيقوم يزود حقن الرشاشات
        ده بيكون موجود ورا مسطرة الانجشكن عادة

        Comment


        • #5
          بيتهيالي الموضوع ليه علاقه بتنظيف البوابة
          وكمان حساس الماب والايدل
          بس فك الانجكشن كله بره ونضفه وان شاءالله تظبط معاك

          Comment


          • #6
            دي مشكله شبه اللي حصلت معايا و لسه حاطط الرد بتاعها جربه الأول و لو مجبش يبقي الحساس أو الفاكيوم غالبا محتاج يتغير بس بعد ما تجرب اللي عملته و مفيهوش مخاطره أو تكلفه و يا ريت تبقي تطمنا علي النتيجه
            ==========================
            كان صوت تسقيف بيطلع من الموتور أول ما تنقل الفتيس و لاحظت معاه ال rpm بينزل ل 500 تقريبا بعد ما لفيت علي كل الميكانيكيه و محدش عرفلها حل جربت حاجه و نفعت و الحمد لله الريسيت للعربية حسب الكتالوج بعد ما تشيل القطاش بتاع البطاريه و ترجعه تدور العربيه 10 دقايق و تبطل و تدورها 10 دقايق تاني و تبطل و مفيهوش تشغيل تكييف.
            جربت أعمل كده و العربيه بارده و المروحه دارت في ال 10 دقايق التانيين استنيت لما خلصت و وقفت و بعدها شغلت التكييف و فضلت لغاية لما كملت العشر دقايق التانيين و طفيت التكييف و بطلت العربيه و بعدها الحمد لله ظبطت تمام

            Comment


            • #7
              المشاركة الأصلية كتبت بواسطة tameem2010 مشاهدة المشاركة
              ده حساس التكييف
              لان المفروض مع تشغيل التكييف فيه حساس بيدي اشارة للكنترول بتاع العربية ان التكييف اشتغل فبيقوم يزود حقن الرشاشات
              ده بيكون موجود ورا مسطرة الانجشكن عادة
              ياريت صورة للحساس دا ياشباب عشان نعرف شكله ايه لان عندي نفس المشكلة في عربية احد اصدقائي والمشكلة دي متكرره بس بسيطه ومشكلة الصنايعية بيشتغلوا بمدا التجربة والخطأ مش وجود معلومات او عدمه او حتى يقولك انا بشك او احتمال كذا لا يقلك الاحتمال على اساس انه تشخيص وعلاج وبعد كدا نعرف ان الكلام دا هري ودا اللي اكتشفته ان حتى جهابذت التخصص شغالين بلح الا من رحم ربي ويتعدوا عالصوابع او يكادوا يكونوا معدومين وسط الهبل اللي شغال في سوق الصنعات عموما

              Comment

              Working...
              X