شارك 2014 ولا بلاش!

[hopeless20]

السلام عليكم
رجاله الشارك العظام ... انا معايا تويوتا ياريس 2008 كامله هاي لاين اوتوماتيك .. عربيه ما شاء الله مفهاش غلطه ومريحاني جدا .. عامله 160 الف كيلو .. أنا ببيع دلوقتي وفي واحد صاحب عارض عليا شارك 2014 عامله 25 الف كيلو ... اول فئه .. وهو مركبلها جنوط اصليه وسبويلر .. هي توكيل مصري .. فبريكه ما عدا اكصدام ورفرف امامي .. بيقول راشه نضافه .. وطالب 125 ألف

السؤال .. هل الشارك تستحق اسيب الياريس عشانها .. الياريس كانت 2 ايرباج و abs لكن الشارك دي فاضيه .. ده غير اني اسمع عيوب قاتله ... مفيش فرامل abs ... عزلها وحش .. صوتها عالي .. عفشه مش مريحه

أنا مش قصدي اعيب في العربيه وسط رجاله الشارك .. انا بس خايف اندم وعاوز اعرف ده رينج سعرها خصوصا انه هيدخل الياريس في الشارك لانه محتاج فرق الفلوس.

[shake]

باشا انت عارض اليارس بكام عشان ممكن اشتريها

[hopeless20]

تويوتا ياريس 2008 كامله أوتوماتيك .. فبريكه بالكامل بدون أي دهانات .. هاي لاين .. 2 ايرباج .. 4 زجاج كهرباء .. مرايات كهرباء .. سبويلر خلفي .. كنبه خلفيه قابله للطي .. فرامل abs.. أستعمال راقي .بالكاتالوج .. جميع الكماليات تعمل بكفاءة .. تكييف ثلاجه .. سنتر لوك و2 مفتاح تويوتا الأصلي .. كاسيت تويوتا الأصلي .. فرش جلد ألماني مضاد للحراره لونين (أسود × بيج) من جينز كار .. فرش جلد للأرضيه بالكامل .. فرش جلد للشنطه .. . جميع الصيانات في مركز صيانه معتمد من التوكيل بالفواتير حتي صيانه ال 160 الف كيلو بتاريخ 30/6/2016 .. تم تغيير التيل الأمامي والزيت والفلتر والبوجيهات و تيش الميزان .. لا تحتاج أي مصاريف.. مرور البساتين .. رخصه 3 سنوات حتي 11 /2018 المعاينه بالقريه الذكيه أو حدائق الأهرام باتفاق مسبق .

01005441815


سيارات مستعملة | تويوتا | ياريس | 1300 سي سي | موديل 2008 - 2471700 - ContactCars.com

[volociximab]

بعيد عن الشارك-العربية التانية مغيرة رفرف و مرشوشة نضافة بعد 25 الف كيلو؟!

[hopeless20]

روحت اتفرجت عليها . عربيه شمال .. مغيره بربريز ومتهانه وراشه رفرف واكصدام .. وجنط صيني وسبويلر مش بتاعها .. منبنيش غير المشوار .. كل ده وعدادها 23 الف كيلو و بس !!