الموتور بيسخن

[ahmed_kot88]

السلام عليكم
الحمد لله اشتريت لانسر خليجى 2007 اوتو 1600
العربيه كانت مركونه فتره بتاع سنه
اول ما اشتريتها لقيتها شغاله البطاريه بس هى الى اديتها توصيله واضطريت امشى بيها 140 كيلو لغاية ما وصلت
المشكله بقى ان الموتور بيسخن ومؤشر الحراره من اول ما امشى شويه خمس دقايق كده يطلع فى النص ولا بيزيد ولا بيقل بس لما افتح الكبوت الاقى الموتور سخن جدا
كشفت على المايه تماما مظبوطه
حتى لما غيرت الزيت برضه نفس الحكايه
واحد قالى ان المتسوبيشى كده الموتور بيسخن مش عارف الكلام ده صح ولا ايه

[eng. wesam]

ده كام احتمال في بعض اولا ممكن يكون في تهريب في دايره الراديوتير ولازم تتاكد عند اي حد بتاع راديوتير ان مفيش تسريب وممكن يبقي غطا الراديوتير وممكن يبقي ترموستات الكوعه بتفتح متاخره وممكن يكون ثرموستات الحراه طيب المروحه بتشتغل بانتظام ؟ بتشتغل وتطفي وترجع تشتغل ولا شغاله علي طول ؟ والمايه بتنقص ولا لاء .... احترس من فتح غطاء الراديوتير والسياره ساخنه معلش حتي لو كنت عارف الاحتراس واجب .. متابع

[tameem2010]

ماهو ده طبيعي جدا
مؤشر الحرارة في النص ده مكانه الطبيعي
فين المشكلة بقى ؟
الموتور ميتحسش بالايد حضرتك ولا بالاحساس
فيه حاجة اسمها صباع حرارة هو اللى بيحدد حرارة الموتور اذا كانت عاليه او مظبوطة وده بيسمع في عداد الحرارة
انما حد يحط ايده على الموتور يلاقيه سخن فيقرر ان العربيه بتسخن
ديه مسمعنهاش قبل كده

[eng. wesam]

والله كلامك مضبوط جدا علميا يا استازنا بس احنا كشعب خرقنا المنطق وتعقيبا علي كلام حضرتك اللي مازلت شايفه سليم
مره وقعت معايا عربيه نفس العيب تقريبا بس فين التريب المشكله انها بتسخن بسرعه جدا يعني مثلا لو بارده تماما بتسخن بعد حوالي 5 دقايق تشغيل ومستوي الحراره ثابت علي التيمبريتشر انديوكيتور

دورت علي كل حاجه وفي النهايه افتح غطا التاكيهات وبالفلر تاكيه تاكيه بنزين وعادم ... ملخبطه جدا مش محمله لاء ملخبطه بمعني كلمه ملخبطه ضبطها بقيم الفابريكه الموتور رجع ممتاز والمروحه بتفصل وناعم جدا تفسر ده بايه ؟؟؟؟
في النهايه احب اقولك استاز تميم احنا في بلد صنايعيه في ام الدنيا ارجوك متستبعدش اي احتمال لان اللي بيشتغل بكاتالوج ده بيشوف العجب ان كان في توقيت الاشتعال ولا التاكيهات ولا مليون حاجه في النهايه اخنلافنا رحمه ولك فائق تحياتي

[tameem2010]

كلامك مظبوط
بس لعربيات الحديثة مخلتش الصنايعيه يعرفوا يلعبوا
يعني مثلا دلوقتي مفيش عربيات بتنزل تاكيهات
كلها عربيات بتنزل بلوف مش تاكيهات
وديه مبتتظبطش لانها بتظبط نفسها بنفسها

بالنسبه للكاتينه مثلا خلاص فيه مؤشرات على الطنبورة بتاع الكامه اللى بتركب فيه السير عشان ميلخبطش ظبطة الصمامات
متركبش الا مظبوط والا مش هتركب

نفس الكلام في توقيت الاشعال وكنت لما تشيل الاسبراتير لو دورت سنة مارش لازم تعيد التقسيمه وكل ميكانيكي وشطارته والكلام ده اتلغى لان مبقاش فيه اسبراتير بشاكوش وبقى ظبط الشرارة اوتوماتيك عن طريق حساس الكرنك والتقسيمه بتظبط اوتوماتيك عن طريق حساس الكامة

بص اللعب ده كله كان زمان في الكاربتير
دلوقتي مع نظام الانجشكن كل حاجة بقت بتتعاير اوتوماتيك ولوحدها وecu في العربية هو اللى بيظبط الكلام كله

لعب الميكانيكيه بيجي في دور ةالتبريد
يغير رادتير بمواسير مقاساتها مختلفة او يشيل ترموستات الكوعة او يعمل وصلات مراوح دايركت بدون ما يعدي على حساس المراوح او يلغي السخن بتاع التكييف عشان التكييف يسقع اكتر حاجات زي كده

انما دائرة الحقن ودائرة الاشعال ودائرة العادم وقوة الضغوط سواء زيت او مياه او تكييف كل ده اوتوماتيك ومحدش بيلعب فيه ولا حد يعرف يلعب فيه

[eng. wesam]

كلام علمي وممتاز فعلا العربيه اللي كانت معايا مافيهاش كنترول يونيت ولا فيد باك في نظم ال ecu كل حاجه ليها ريفرنس وفييد باك فعلا حتي التاكيهات صحيح بتبقي هيدروليك بلوف وبتتظبط لوحده كلام فعلا مضبوط ومحترم

[ahmed_eng2001]

كلامك مظبوط
بس لعربيات الحديثة مخلتش الصنايعيه يعرفوا يلعبوا
يعني مثلا دلوقتي مفيش عربيات بتنزل تاكيهات
كلها عربيات بتنزل بلوف مش تاكيهات
وديه مبتتظبطش لانها بتظبط نفسها بنفسها

اسمحلى اعلق على نقطة صغيرة ....

موتور لانسر البومة ... و اخوه ... موتور ال BYD اف 3 فيهم تاكيهات و بتتظبط بالفلر ... زى النظام القديم

فيه مشكلة صغيرة مع سستم الحقن .... محتاج طريقة صيانة مختلفة ... و بالتالى صنايعى و استعدادات مختلفة

المشكلة التانية ... انا معرفش اتصرف مع العربية لو عطلت منى فى الشارع ... نتيجة ان فيه حساس باظ او فيشته خرجت من مكانها على سبيل المثال
و لكن .. انا مع نظام الحقن للاسباب الى حضرتك ذكرتها

ربنا يكرمك ... معلومات جميلة

[borio1704]

السلام عليكم
الحمد لله اشتريت لانسر خليجى 2007 اوتو 1600
العربيه كانت مركونه فتره بتاع سنه
اول ما اشتريتها لقيتها شغاله البطاريه بس هى الى اديتها توصيله واضطريت امشى بيها 140 كيلو لغاية ما وصلت
المشكله بقى ان الموتور بيسخن ومؤشر الحراره من اول ما امشى شويه خمس دقايق كده يطلع فى النص ولا بيزيد ولا بيقل بس لما افتح الكبوت الاقى الموتور سخن جدا
كشفت على المايه تماما مظبوطه
حتى لما غيرت الزيت برضه نفس الحكايه
واحد قالى ان المتسوبيشى كده الموتور بيسخن مش عارف الكلام ده صح ولا ايه

ده الوضع الطبيعي والعربية سليمة 100%... وأي حاجة غير كده يبقى العربية فيها حاجة غلط...

رجاء متخليش حد يلعبلك في أي حاجة.

أكيد حضرتك كنت سايق عربية قديمة متشال منها ثرموستات الكوعة .. وطبعا كنت شايف إن الوضع الطبيعي إن الحرارة تبقى في ربع العداد.... وده للأسف أكبر غلط.

لو حضرتك عايز تعرف إيه هو ثرموستات الكوعة وفايدته إيه.. يا ريت تدخل على الموضوع ده..

http://www.nilemotors.net/Nile/328708-a.html

...

[juba8]

ماهو ده طبيعى