إعـــــــلان

Collapse

.

,
See more
See less

مميزات و عيوب اللانسر بومة 1600

Collapse
X
 
  • Filter
  • الوقت
  • Show
Clear All
new posts

  • مميزات و عيوب اللانسر بومة 1600

    أنا ناوي على Lancer 1600 بس عايز أعرف المميزات و العيوب بكل أمانة من الناس إللي معاها العربية.
    و يا ريت لو نتعرض للنقط التالية علشان شفت ناس هنا في المنتدى بتتكلم عليها:

    1- الفرامل الناس بتقول عليها سيئة هل دا صحيح
    2- التسارع من الـ 0 (الناس بتقول العربية بتكون تقيلة شوية)
    3- ثبات العربية

  • #2
    why no one is answering my request ?

    Comment


    • #3
      بص يا باشا انا حرد علي الاسئلة بناء عن طريقة سواقتي(هادية ومبحبش الشد والغرز)يعني مبزودتش عن 120
      انا شايف الفرامل حلوة و مسعفة كمان بناء عن تجربة. بالنسبة للتسارع محسبتوش بصراحة بس انا مرة كنت ماشي علي الD وقلت اجرب ال Ds لقيت العربية كأن ركبها عفريت وبقت عايزة تطير فرجعت لصوابي علطول وجبت الD تاني. بالنسبة للثبات فهو جيد جدا في ال1600 علشان عمود الاتزان الخلفي الي زودوه في العفشة.يا رب اكون افدتك ولو ليك في الشد والغرز شوف رأي حد ليه فيهم

      Comment


      • #4
        شكراً يا civilpharaoh
        أنا كنت خلاص فقدت الأمل إن حد يرد عليا و قلت يا إما العربية مافبهاش ولا عيب علشان كدة محدش عنده عيوب يكتبها يا إما العربية كلها عيوب و الناس مش عارفه تكتب إيه ولا إيه.
        و بشكرك مرة تانيه و يارب حد تاني يدخل يقول رأيه.

        Comment


        • #5
          الصبر جميل
          اصبر والناس هاترد عليك
          [COLOR=DarkRed]ربنا موجود
          [/COLOR][SIGPIC][/SIGPIC]

          Comment


          • #6
            المشاركة الأصلية كتبت بواسطة waleedseng مشاهدة المشاركة
            شكراً يا civilpharaoh
            أنا كنت خلاص فقدت الأمل إن حد يرد عليا و قلت يا إما العربية مافبهاش ولا عيب علشان كدة محدش عنده عيوب يكتبها يا إما العربية كلها عيوب و الناس مش عارفه تكتب إيه ولا إيه.
            و بشكرك مرة تانيه و يارب حد تاني يدخل يقول رأيه.
            ماحدش رد عليك لان الموضوع دة اتكتب عنة مواضيع بالتفصيل قبل كدة, لكن مش عشان حاجة تانية لا قدر الله...... والمواضيع كلها موجودة فى المنتدى ولازم تقرأ كل اللى فى المنتدى كلة ولة حتى كل يوم شوية ودة عشان تبقى عارف احنا اتكلمنا عن اية قبل كدة وبالتالى متسألش لية ماحدش بيرد ودى نصيحة لكل جديد فى المنتدى
            [COLOR="DarkOrange"]B]حكمة غاندى[/B
            عندما كان مسرعا ليركب القطار فسقطت منة فردة حذائة فما كان منة الا ان اسرع وخلع الفردة الثانية ورماها بجانب الفردة الاولى, فاستغرب احد مساعدية وقال لة لماذا فرد علية اخاف ان يجدها رجل فقير فاكسر فرحتة يجدها فردة واحدة فقط و بدون الاخرى الحذاء بلا قيمة فالافضل ان اتركها لغيرى يستفيد بها[/COLOR]

            Comment


            • #7
              إسمح لي يا باشا أرد على أسئلة معاليك بناءاً ال7000كم اللي عملتهم بعربيتي .
              _ بالنسبة للفرامل هي جميلة جداً ومن كتر ما كثير من الأعضاء العزاز في هذا المنتدى ما بلغوا في سؤها كدت أقتنع بذلك لدرجة أنني وجدت على هذا المنتدى بعض الأعضاء يشتكون مش بس من فرامل السيارات الصيني بل وجد من يعيب على فرامل الكورولا وكمان BMW والمرسيدس لدرجة إني حاولت أعرف إذا كان كل هذه السيارات بدون فرامل أي السيارات بها فرامل ، حتي جربت بنفسي وتعرضت لموقف على طريق السخنة وعلى سرعة عالية نسبياً ( 120كم ) وجدت أن السيارة فعلت ما أردته وتوجيه ممتاز ABS & EBD.
              _ الثبات مش خرافي ولا ممتاز بس جيد جداً لو عايز تحس بيه بس محتاج ثقة قوية بالسيارة وانت تجد ذلك وده جربته في الوصلة بتاعة طريق الغردقة بسرعة 90كم / س في المنحنيات توجيه جيد جداً .
              _بالنسبة للتسارع أعتقد إن أنا اللي أطلقت لفظ غريب على هذه السيارة لأني كنت بعد 160ك/س : 170كم/س تسارع بطئ جداً وكنت بقول اللانسر سبورت 2008 بعد 170كم/س بطة بلدي لغاية ما سألت الأستاذ طارق و أجاب أن التسارع بيكون بطئ علشان الكمبيوتر يحسب ثبات السيارة وبيزيد السرعة بالنسبة الملائمة لذلك لكن لو رفعت قدمي من على بدال الإكسراتير وضغط مرة أخرى التسارع بكون ملحوظ وقوي .
              وبالفعل جربت هذه الطريقة ووجدت إن لو عملت كدة السيارة بتشد جامد والتسارع بيكون ملحوظ جداً .
              _ أنا حاسس إنها بتاكل بنزين بس فيه ناس بتقول حسابات البنزين تبدأ بعد 10000كم الأولى .
              هذا ما وجدته في السيارة لانسر سبورت 2008.
              وهذا من وجهة نظري الخاااااااااااااااااصة جداً جداً جداً وهذا لا ينفي أي كلام مناقض من شخص يرى غير ذلك .
              والإختلاف في وجهات البصل لا يفسد للبط صانية .
              وربنا يوفقك لما فيه الخير لك ولأسرتك .
              [SIZE="4"][COLOR="Navy"][CENTER]{ وَسَيَعْلَمُ الَّذِينَ ظَلَمُوا أَيَّ مُنْقَلَبٍ يَنْقَلِبُونَ }[/CENTER][/COLOR][/SIZE]

              Comment


              • #8
                طبعا اسئلتك دى لو عملت بحث عليها هاتلاقى اتكتب عنها كتير جدا ، و لكن آدى رد سريع يا باشا لغاية اما تبحث و تدور بنفسك :
                * الفرامل ممتازة و بصراحة تجربتى معاها كويسة ، احيانا ناس بتقارن الفرامل ال ABS بالفرامل العادية و ده غلط لأن ال ABS بتحتاج دوسة ثابتة و اجمد شوية لو النظام ده اشتغل اما لو مش على ارضية مزحلقة فالأتنين زى بعض ، و فوق كده نظام ABS & EBD بيحافظ على ثبات العربية و مناورتها مع الفرملة من غير ما تلف او تعوم منك ، و ده عن تجربة و الحمد لله (لأن لو كانت فرامل عادية كان زمان الواحد عمل حادثة ) و ربنا هو الستار
                * التسارع فى المانيوال ممتاز و الأوتوماتيك جيد جدا لو بتعمل Kick down و لو عايز تحرق فعلا و غاوى يبقى هات ال Ds و دوس يا معلم و لو كمان عملت معاه kick down اتفرج يا سلام و دع الوحش ينطلق
                * ما اشتكبتش من ثبات العربية ، بل على العكس باحس انها راسية مقارنة بعربيات اخرى مش عايز اجيب سيرتها علشان مافتحش مناقشات سفسطائية ، و لو محمل العربية ثباتها رائع
                أرجو ان اكون قد لفدتك
                و تحياتى
                [FONT=Comic Sans MS][SIZE=4]Dr. Sherif Mansy[/SIZE][/FONT][SIGPIC][/SIGPIC]
                [URL="http://nilemotors.net/Nile/showthread.php?t=55299"]أى سؤال أو استشارة فى طب العيون[/URL]
                [CENTER][COLOR=DarkGreen][B][SIZE=5]الصحة تاج على رؤوس الأصحاء
                لا يراه إلا المرضى
                [/SIZE][/B][/COLOR] [/CENTER]

                Comment


                • #9
                  بالنسبه للبنزين انا كنت بقول انها بتاكل جامد اوى لحد يوم الجمعه اللى فات كنا خمسه فى العربيه و معانا شنط فى الشنطه و العربيه مشيت 310 كيلو ب 22 لتر 92 طبعا على طريق مفتوح و السرعه من 100ل120 والسر فى السواقه الهادئه يعنى العيب فيا مش فى العربيه عايز تجرى ادفع بقى ههههه
                  [SIZE=5][COLOR=blue]Dr Mohamed[/COLOR][/SIZE]

                  Comment


                  • #10
                    شكراً يا شباب على الافادة.
                    أنا كنت دورت فعلاً في المنتدى على العيوب بس بصراحة تهت من كتر إختلاف الأراء فحبيت اني أحصر الكلام في شوية نقاط علشان أوصل لنتيجة.
                    و شكراً مره تانية على وقتكم.

                    Comment


                    • #11
                      انا حاليه داخل على 6000 كم
                      هلكمك الاول عن العيوب

                      الفرامل :
                      ناس كتير قالت ان فرامل الانسر وحشه ومن خلال ملاخظتى ان كل الملاك دول معاهم اوتوماتيك وانا برضو معايا اوتومااتيك ,الفكره ان فرامل الاتوماتيك بيتكون اضعف من المانوال (الكلام ده فى اى عربيه مش فى الانسر بس )انا جربت 1300 مانوال كانت فراملها اشد من ا1600 الاتوماتيك
                      عارف ليه انا حاسس ان 1300 مانوال فراملها احسن من ال1600 اوتوماتيك
                      لان ببساطه مشوار بدال الفرامل فى المانوال اقصر من الاتوماتيك ده حاجه
                      حاجه تانيه الفرامل فى الاتوماتيك بيكون دورها اصعب شويه من المانوال لان المانوال مفهوش قوه الدفع البسيطه الى موجوده فى الاتوماتيك
                      فبتالى فى الانسر ان لو بفرمل فرامل عاديه او التهدئه هتحس ان الفرامل ضعيفه شويه اما لو كنت بتفرمل فرامل مفاجأه او دايس على الفرامل جامد هنا هتحس بقوه فرامل
                      تانى عيب موضوع استهلاك البنزين
                      قاخدها قاعده اى عربيه 1600 اوتوماتيك استهلاكها للنزين جوه البلد لا يتعدى ال200 كم فى الصفيحه
                      الكلام ده فى الكورولا والصنى والانترا وتقريبا السيفك
                      انا استهلاك العربيه معايا وهى 1600 اوتوماتيك من 160 الى 200 كم فى الصفيحه
                      1قى الفتره الاخيره لما غيرت البنزينه بقت بتعمل حوالى 190 كم فى الصفيحه جوه البلد 65% من الاستهلاك فى مناطق مفهاش زحام بس جوه االبلد وكله بدون تكيف
                      160 او 170 كم فى الصفيحه بيكون فى مناطق شديده الزحام ومشغل التكيف ومعايا ناس
                      ثالث عيب هو ان يسمع صوت الكاوتش وانت ماشى والموضوع ده حله فى انك تغير الكاوتش بنوع انضف بس الحقيقه انا مقتبس الحل من ردود الاعضاء مجربتوش
                      رابع عيب غلو قطع الغيار
                      خامس عيب الفنوانس الخلفيه نزله لتحت مما يسهل كسرها
                      سادس عيب :الانتشار (انا من وجه نظرى مش عيب بس من وجه نظر ناس كتير انه عيب )
                      سابع عيب :العتب والكساحات لازم تتخبط فى الرصيف
                      ثامن عيب :صوت المتور عالى لما تعدى ال4 rbm
                      تاسع عيب :من وجه نظرى شكل تقليدى جدا
                      عاشر عيب التكيف كنت متوقع انه اقوى من كده وزى قال الاخ شاهين بنز ان الفتحات الوسطانيه بتخرج اقل من الجانبيه وانا مش لاقى مبرر لكده
                      العيب الحادى عشر : العفشه الخلفيه مش الاماميه ناشفه شويه
                      العيب الثانى عشر الكراسى واطيه شويه بس بالنسبه ليه مريحه

                      ده العيوب اما بالنسبه للمميزات فى انك بتلاقى قطع غيارها من غير غلبه وفى مش اصلى بسعر مغرى جدا
                      الثبات نسبى بس انا جربها على 140 فى طريق مش متسفلت كويس كانت كويسه
                      سعر اعاده بيع عالى
                      عربيه قليله الاعطال (ده اجمل ميزه فيها )
                      سعرها بيضم شريحه كبيره جدا من المستهلكين
                      الامان ثم الامان الانسر فيها اير باج وفرامل abs
                      نازله بجميع الكماليات مش متشال منها حاجه
                      فتيس cvt مش موجوده فى اى عربيه فى فئتها وانا عن نفسى بعشقه
                      صوت المتور ناعم جدا تحت ال4 rbm وسحبه كويس جدا وسلس
                      ده العبوب والممزات من وجه نظرى وربنا يوفقك

                      Comment


                      • #12
                        المشاركة الأصلية كتبت بواسطة limo مشاهدة المشاركة
                        انا حاليه داخل على 6000 كم
                        هلكمك الاول عن العيوب

                        الفرامل :
                        ناس كتير قالت ان فرامل الانسر وحشه ومن خلال ملاخظتى ان كل الملاك دول معاهم اوتوماتيك وانا برضو معايا اوتومااتيك ,الفكره ان فرامل الاتوماتيك بيتكون اضعف من المانوال (الكلام ده فى اى عربيه مش فى الانسر بس )انا جربت 1300 مانوال كانت فراملها اشد من ا1600 الاتوماتيك
                        عارف ليه انا حاسس ان 1300 مانوال فراملها احسن من ال1600 اوتوماتيك
                        لان ببساطه مشوار بدال الفرامل فى المانوال اقصر من الاتوماتيك ده حاجه
                        حاجه تانيه الفرامل فى الاتوماتيك بيكون دورها اصعب شويه من المانوال لان المانوال مفهوش قوه الدفع البسيطه الى موجوده فى الاتوماتيك
                        فبتالى فى الانسر ان لو بفرمل فرامل عاديه او التهدئه هتحس ان الفرامل ضعيفه شويه اما لو كنت بتفرمل فرامل مفاجأه او دايس على الفرامل جامد هنا هتحس بقوه فرامل
                        تانى عيب موضوع استهلاك البنزين
                        قاخدها قاعده اى عربيه 1600 اوتوماتيك استهلاكها للنزين جوه البلد لا يتعدى ال200 كم فى الصفيحه
                        الكلام ده فى الكورولا والصنى والانترا وتقريبا السيفك
                        انا استهلاك العربيه معايا وهى 1600 اوتوماتيك من 160 الى 200 كم فى الصفيحه
                        1قى الفتره الاخيره لما غيرت البنزينه بقت بتعمل حوالى 190 كم فى الصفيحه جوه البلد 65% من الاستهلاك فى مناطق مفهاش زحام بس جوه االبلد وكله بدون تكيف
                        160 او 170 كم فى الصفيحه بيكون فى مناطق شديده الزحام ومشغل التكيف ومعايا ناس
                        ثالث عيب هو ان يسمع صوت الكاوتش وانت ماشى والموضوع ده حله فى انك تغير الكاوتش بنوع انضف بس الحقيقه انا مقتبس الحل من ردود الاعضاء مجربتوش
                        رابع عيب غلو قطع الغيار
                        خامس عيب الفنوانس الخلفيه نزله لتحت مما يسهل كسرها
                        سادس عيب :الانتشار (انا من وجه نظرى مش عيب بس من وجه نظر ناس كتير انه عيب )
                        سابع عيب :العتب والكساحات لازم تتخبط فى الرصيف
                        ثامن عيب :صوت المتور عالى لما تعدى ال4 rbm
                        تاسع عيب :من وجه نظرى شكل تقليدى جدا
                        عاشر عيب التكيف كنت متوقع انه اقوى من كده وزى قال الاخ شاهين بنز ان الفتحات الوسطانيه بتخرج اقل من الجانبيه وانا مش لاقى مبرر لكده
                        العيب الحادى عشر : العفشه الخلفيه مش الاماميه ناشفه شويه
                        العيب الثانى عشر الكراسى واطيه شويه بس بالنسبه ليه مريحه

                        ده العيوب اما بالنسبه للمميزات فى انك بتلاقى قطع غيارها من غير غلبه وفى مش اصلى بسعر مغرى جدا
                        الثبات نسبى بس انا جربها على 140 فى طريق مش متسفلت كويس كانت كويسه
                        سعر اعاده بيع عالى
                        عربيه قليله الاعطال (ده اجمل ميزه فيها )
                        سعرها بيضم شريحه كبيره جدا من المستهلكين
                        الامان ثم الامان الانسر فيها اير باج وفرامل abs
                        نازله بجميع الكماليات مش متشال منها حاجه
                        فتيس cvt مش موجوده فى اى عربيه فى فئتها وانا عن نفسى بعشقه
                        صوت المتور ناعم جدا تحت ال4 rbm وسحبه كويس جدا وسلس
                        ده العبوب والممزات من وجه نظرى وربنا يوفقك
                        ضيف كمان عيب ان الباور فى 1600 اثقل من 1300 بسبب الجنوط الاعرض

                        Comment


                        • #13
                          باختصار هيا عربية رائعة.. وبيحصل بينك وبينها نوع من الالفة السريعه بمجرد مابتقتنيها ..وبتبقى فعلا مرتبط نفسيا وعاطفيا بيها.
                          اللانسر عربية قوية , وتعتبر من الاقوى في فئتها شاءوا ام اباو الناس ... اكيد اللانسر مفهاش كل اوبشنز عربيات تانية زى الكورولا مثلا.. بس الحقيقة انها قوية وثباتها لحد 180 على الدارى كان قوى وجيد جدا.. سحبها رائع ويا سلام لو بتحافظ عليها ومش بتهلكها او بتهنها .. العربيه بتكون تحت طواعيك .. شكلها سواء البومة او الشارك جميل ورياضى.. واللانسر عن جدارة واستحقاق واحده من اكتر واعظم العربيات الى يتعمل عليها تانينج وتعديلات.. بتحس ساعتها يعنى ايه عربيه رياضيه فعلا .. في ايدك انك تعمل فيها مليون حاجة, وكل لمسة بسيطة بتضفهلها بتحلى العربيه اكتر واكتر.. هات لانسر ومتترددش يا صديقى :)

                          Comment


                          • #14
                            أنا داخل على 7000 يا Limo و لكن فى حاجات موافقك عليها و حاجات لأ ، و طبعا دى مسألة نسبية
                            المشاركة الأصلية كتبت بواسطة limo مشاهدة المشاركة
                            انا حاليه داخل على 6000 كم
                            هلكمك الاول عن العيوب

                            الفرامل :
                            ناس كتير قالت ان فرامل الانسر وحشه ومن خلال ملاخظتى ان كل الملاك دول معاهم اوتوماتيك وانا برضو معايا اوتومااتيك ,الفكره ان فرامل الاتوماتيك بيتكون اضعف من المانوال (الكلام ده فى اى عربيه مش فى الانسر بس )انا جربت 1300 مانوال كانت فراملها اشد من ا1600 الاتوماتيك
                            عارف ليه انا حاسس ان 1300 مانوال فراملها احسن من ال1600 اوتوماتيك
                            لان ببساطه مشوار بدال الفرامل فى المانوال اقصر من الاتوماتيك ده حاجه
                            حاجه تانيه الفرامل فى الاتوماتيك بيكون دورها اصعب شويه من المانوال لان المانوال مفهوش قوه الدفع البسيطه الى موجوده فى الاتوماتيك
                            فبتالى فى الانسر ان لو بفرمل فرامل عاديه او التهدئه هتحس ان الفرامل ضعيفه شويه اما لو كنت بتفرمل فرامل مفاجأه او دايس على الفرامل جامد هنا هتحس بقوه فرامل
                            تانى عيب موضوع استهلاك البنزين
                            قاخدها قاعده اى عربيه 1600 اوتوماتيك استهلاكها للنزين جوه البلد لا يتعدى ال200 كم فى الصفيحه
                            الكلام ده فى الكورولا والصنى والانترا وتقريبا السيفك
                            انا استهلاك العربيه معايا وهى 1600 اوتوماتيك من 160 الى 200 كم فى الصفيحه
                            1قى الفتره الاخيره لما غيرت البنزينه بقت بتعمل حوالى 190 كم فى الصفيحه جوه البلد 65% من الاستهلاك فى مناطق مفهاش زحام بس جوه االبلد وكله بدون تكيف
                            160 او 170 كم فى الصفيحه بيكون فى مناطق شديده الزحام ومشغل التكيف ومعايا ناس
                            أنا قلت ان الفرامل مشوارها اطول شوية (مع ABS) و لكن قوية مش ضعبفة ، اما موضوع الأستهلاك فعادى ، ده فيه عربيات 1500 بتاكل بنزين اكتر يا باشا

                            ثالث عيب هو ان يسمع صوت الكاوتش وانت ماشى والموضوع ده حله فى انك تغير الكاوتش بنوع انضف بس الحقيقه انا مقتبس الحل من ردود الاعضاء مجربتوش
                            دى مشكلة عاصرتها من ايام البطة موديل 92 اللى كانت معايا ، طول ما انت بتستعمل كاوتش سلك بيكون ناشف شوية و بيعمل صوت اما التيل فلما جربته فى البطة الصوت شبه راح خالص (نصيحة بتوع الكاوتش و تجربتى الشخصية ، يمكن اكون غلطان لكن ده اللى حسيته)

                            رابع عيب غلو قطع الغيار
                            دى مسألة نسبية ، انت بتقارن السعر بأيه ؟؟ لو 128 تبقى مولعة نار ، و لو ستروين تبقى رخيصة جدا

                            خامس عيب الفنوانس الخلفيه نزله لتحت مما يسهل كسرها
                            سادس عيب :الانتشار (انا من وجه نظرى مش عيب بس من وجه نظر ناس كتير انه عيب )
                            سابع عيب :العتب والكساحات لازم تتخبط فى الرصيف
                            ثامن عيب :صوت المتور عالى لما تعدى ال4 rbm
                            أنا موافق معاك فى كل دول ، و وجهة نظرى فيها زيك بالظبط بس انت مش معايا ان بسبب الجير ال CVT نادرا ما الواحد بيوصل ل RPM 4 ؟؟ ده معدله عادة حوالين 2 معظم الوقت ، و بعدين تعالى شوف عندنا لما تكون على 100كم/ساعة ال RPM حوالى 2 و لكن لو عربية تانية هاتكون حوالى 3 الى 3.5 .. مين ساعتها صوته اعلى بقى ؟؟

                            تاسع عيب :من وجه نظرى شكل تقليدى جدا
                            تمام و لكن ايه رأيك فى اللانوس و النوبيرا و البيجو ... دول بقالهم سنين شكلهم ماتغيرش ...اعتقد ان ده تقليدى اكتر
                            عاشر عيب التكيف كنت متوقع انه اقوى من كده وزى قال الاخ شاهين بنز ان الفتحات الوسطانيه بتخرج اقل من الجانبيه وانا مش لاقى مبرر لكده
                            العيب الحادى عشر : العفشه الخلفيه مش الاماميه ناشفه شويه
                            فعلا ... تخيل انى كنت فاكر ان الحكاية دى عندى انا بس و لكن كنت متردد فى التصديق بعد اللى فرأته ، و لكن انت دلوقت اكدت لى الحكاية دى ،بس مش وحش ن اما حكاية الفتحات الجانبية فحقيقة ، ده انا ساعات ايدى بتوجعنى وانا سايق من التكييف من الفتحة اللى جنبى
                            العيب الثانى عشر الكراسى واطيه شويه بس بالنسبه ليه مريحه
                            مريحة فعلا و لكن واطية ؟؟ لأ انا مش موافق .. ده انا موطى الكرسى على الآخر و دماغى قريبة من السقف مع انى طولى عادى .. 175 سم

                            ده العيوب اما بالنسبه للمميزات فى انك بتلاقى قطع غيارها من غير غلبه وفى مش اصلى بسعر مغرى جدا
                            الثبات نسبى بس انا جربها على 140 فى طريق مش متسفلت كويس كانت كويسه
                            سعر اعاده بيع عالى
                            عربيه قليله الاعطال (ده اجمل ميزه فيها )
                            سعرها بيضم شريحه كبيره جدا من المستهلكين
                            الامان ثم الامان الانسر فيها اير باج وفرامل abs
                            نازله بجميع الكماليات مش متشال منها حاجه
                            فتيس cvt مش موجوده فى اى عربيه فى فئتها وانا عن نفسى بعشقه
                            صوت المتور ناعم جدا تحت ال4 rbm وسحبه كويس جدا وسلس
                            كلام تمام و مضبووووووط 1000000%

                            و تحياتى للجميع
                            [FONT=Comic Sans MS][SIZE=4]Dr. Sherif Mansy[/SIZE][/FONT][SIGPIC][/SIGPIC]
                            [URL="http://nilemotors.net/Nile/showthread.php?t=55299"]أى سؤال أو استشارة فى طب العيون[/URL]
                            [CENTER][COLOR=DarkGreen][B][SIZE=5]الصحة تاج على رؤوس الأصحاء
                            لا يراه إلا المرضى
                            [/SIZE][/B][/COLOR] [/CENTER]

                            Comment


                            • #15
                              ازيك يا د شريف وكل عام وانت بخير
                              انا معظم العيوب الى انا قولتها ده ملاحظات وليست عيوب
                              وبعدين خلى بالك انا بقيم الانسر بدون ما ادخلها مقارنه مع عربيه تانيه (يعنى وانا بكتب الكلام ده مكانش فى دماغى عربتين وبتكلم على هذا الاساس لأ انا بكلم وشايف ادامى الانسر فقط )عارف لو بتكلم عن الانسر مقارنه بعربيه زى الانترا مكانتش هتلاقى عيوب او ملاحظات عن الانسر كتير كده
                              انا كنت عايز بس اوضح منهج التقيم بتاعى ماشى ازاى لو تسمح لى ان اعلق عن ملاحظاتك عن ردى


                              أنا قلت ان الفرامل مشوارها اطول شوية (مع ABS) و لكن قوية مش ضعبفة ، اما موضوع الأستهلاك فعادى ، ده فيه عربيات 1500 بتاكل بنزين اكتر يا باشا
                              انا راى ان abs دوره فقط لما العجل يكلبش غير كده الفرامل فى قوتها وضعفها بيكون زى الفرامل العاديه
                              وياريت برضو تقولى عربيتك بتعمل معاك كام فى اللتر او الصفيحه



                              دى مشكلة عاصرتها من ايام البطة موديل 92 اللى كانت معايا ، طول ما انت بتستعمل كاوتش سلك بيكون ناشف شوية و بيعمل صوت اما التيل فلما جربته فى البطة الصوت شبه راح خالص (نصيحة بتوع الكاوتش و تجربتى الشخصية ، يمكن اكون غلطان لكن ده اللى حسيته)
                              اشكرك على التوضيح
                              انا اساسا مش حاسس ان الموضوع ده عيب ممكن يكون مجرد ملاحظه,بس بالنسبه لى مش متضايق منه بس برضو الصوت موجود فمن الامانه اذكره فى التقيم حتى لو كان من وجه نظرى مش عيب وعلى فكره الكاوتش الى نازل مع العربيه محترم جدا وشوف الفرده منه جديده عامله كام

                              دى مسألة نسبية ، انت بتقارن السعر بأيه ؟؟ لو 128 تبقى مولعة نار ، و لو ستروين تبقى رخيصة جدا
                              انا مش بقارن بحاجه بس طبيعى عربيه زى الانسر بالانتشار ده المفروض ان ده غيارها تكون اقل من كده حرام يعنى التيل يكون داخل على 500 جنيه ومبكملش ال 20 الف كم وفلتر البنزين ب500 زيهم والهواء مش عارف بكام
                              بس هيه عموما قطع غيارها مقدور عليها


                              أنا موافق معاك فى كل دول ، و وجهة نظرى فيها زيك بالظبط بس انت مش معايا ان بسبب الجير ال CVT نادرا ما الواحد بيوصل ل RPM 4 ؟؟ ده معدله عادة حوالين 2 معظم الوقت ، و بعدين تعالى شوف عندنا لما تكون على 100كم/ساعة ال RPM حوالى 2 و لكن لو عربية تانية هاتكون حوالى 3 الى 3.5 .. مين ساعتها صوته اعلى بقى ؟؟
                              معاك حق فعلا وتصدق انى بحب صوت الماتور وهوه عالى
                              وبينى وبينك هاتلى اى عربيه لو شديدت بيها وعديت ال4 rbm صوت متورها مش هيعلى

                              تمام و لكن ايه رأيك فى اللانوس و النوبيرا و البيجو ... دول بقالهم سنين شكلهم ماتغيرش ...اعتقد ان ده تقليدى اكتر

                              انت بتدفع كام فى الانوس والنوبيرا وبتدفع كام فى الانسر
                              وبعدين الشكل التقليدى مش عيب يعنى انا عن نفسى بحس ان الانسر متناسقه مع بعضها سواء من الخارج او التابلوه من الداخل
                              يعنى انا اقصد ان شكل تقليدى يعنى شكل قديم شويه مش شكلها وحش والانسر فعلا نازله من 2003 فطبيعى ان شكلها يكون قديم شويه
                              فعلا ... تخيل انى كنت فاكر ان الحكاية دى عندى انا بس و لكن كنت متردد فى التصديق بعد اللى فرأته ، و لكن انت دلوقت اكدت لى الحكاية دى ،بس مش وحش ن اما حكاية الفتحات الجانبية فحقيقة ، ده انا ساعات ايدى بتوجعنى وانا سايق من التكييف من الفتحة اللى جنبى
                              برضو علشان تقدر تحكم صح نظف فلتر التكيف

                              مريحة فعلا و لكن واطية ؟؟ لأ انا مش موافق .. ده انا موطى الكرسى على الآخر و دماغى قريبة من السقف مع انى طولى عادى .. 175 سم

                              انا عن نفسى بحب الكراسى العاليه يعنى كراسى الكورولا عاليه و مريحه فى نفس الوقت والكورلا فعلا اعدتها اريح من الانسر

                              Comment

                              Working...
                              X