مشكلة في استهلاك البنزين ( لانسر بوما 2006 )

[lion_dark]

السلام عليكم
تحية طيبة للجميع
عندي مشكلة في استهلاك البنزين
عالي جداً على الطبيعي
نوع العربية : لانسر بوما 2006 1300 cc
استهلاك البنزين : 82.5 كيلو بتستهلك 22 لتر

وديتها لكذا ميكانيكي و محدش بيفدني
هل ممكن حد يقلي اعمل ايه


اسف على الاطالة

و لكم جزيل الشكر

[lancer06]

بالترتيب كده
اول حاجه هتنزل تحت التانك وتشوف فى تنسيم بنزين عند طابه التانك
تانى حاجه هتراجع خراطيم توصيل البنزين وتشوف فى تسريب ولا لأ
تالت حاجه تقيس ضغط الطرمبه
رابع حاجه فلتر البنزين وفلتر الهواء
خامس حاجه الرشاشات شوف فى رشاش فيها بيسيل ولا لأ
سادس حاجه تقسيمه الكاتينه لو كنت غيرت سير الكاتينه والميكانيكى مظبطش التقسيمه
سابع حاجه التاكيهات
ثامن حاجه علبه البيئه
وقبل دا كله اكشف كمبيوتر

[lion_dark]

بالترتيب كده
اول حاجه هتنزل تحت التانك وتشوف فى تنسيم بنزين عند طابه التانك
تانى حاجه هتراجع خراطيم توصيل البنزين وتشوف فى تسريب ولا لأ
تالت حاجه تقيس ضغط الطرمبه
رابع حاجه فلتر البنزين وفلتر الهواء
خامس حاجه الرشاشات شوف فى رشاش فيها بيسيل ولا لأ
سادس حاجه تقسيمه الكاتينه لو كنت غيرت سير الكاتينه والميكانيكى مظبطش التقسيمه
سابع حاجه التاكيهات
ثامن حاجه علبه البيئه
وقبل دا كله اكشف كمبيوتر

اولا : انا متشكر جداً على ردك
بس عندي مشكلة اني مش فاهم النقط غير نقطة كشف الكمبيوتر و هو تمام لاتي عملته من اسبوع تقريبا و كان زي الفل

العربية اتوماتيك كمان كنت ناسي اكتب

فأنا اسف بس ممكن توضحلي اكتر النقط الي حضرتك كتبتها

و شكراً مرة اخرى و اسف على الازعاج :)

[ahmed_eng2001]

استهلاك العربية كدة زى استهلاك ال 8 سلندر .... و انا لا اعتقد ان ده استهلاك محرك ... راجع تانى يا فندم على تانك البنزين و الخراطيم و الفايظ و الحاجات الى ممكن تكب بنزين بزيادة

[drasfalt]

انتا حسبت النسبه ازاي ? بص انتا فول العربيه مع اول تكله لمسدس البنزيم و صفر العداد و امشي مثال 10 كم في طريق سالك علي سرعه ثابته و ارجع تاني فول مع اول تكه للمسدس و شوف خدت كام لتر علشان ممكن العوامه بتاعت التنك او المؤاشر الي في التابلوة مخرف صعب جدا تاخد الليترات دي في موتور 1300 لنسر و لو فعلا بتاخد كل الليترات دي فا هتلاقي في عوامل تانية زاي هبابه سوده من الشكمان