عندى بومة ٢٠٠٨ احيانا العربية سحبها فجأة يقل ...

[محمد الانصارى]

عندى بومة ٢٠٠٨ احيانا العربية سحبها فجأة يقل ...ومقدرش اعدى ال٨٠ ...ولما اقفل الكونتاكت واشغلة تانى تظبط..وبعد فترة ترجع تانى ..ده عيب ايه..شكرا جزيلا..

[dbabis8]

كويل معلق

[محمد الانصارى]

معلش حضرتك الكويل اللى هو ايه

[khaled_mgsx]

طبعا الموضوع دة ممكن يكون كذا حاجة بتسبب قلة السحب
ممكن يكون ضعف في طرمبة البنزين او انسداد في فلتر البنزين
تراجع على فلتر الهواء و البوابة لو كنت مغير فلتر قريب و نظفت البوابة خلاص
ممكن استخدام نوع بوجية غير الموصى به يسبب المشكلة دي و تسمع صوت كركرة
البوجيهات لل 1600 ngk bkr5e-11 لو بتستعمل بنزين 92
اما لو بنزين 95 تستعمل معاه ngk bkr6e-11
, و لل 1300 ngk bkr5e-11
دي الانواع الموصى بها في دليل المستخدم

ممكن بردو تكون الرشاشات محتاجة تنظيف

يا ريت توضح المشكلة اكتر و اخر صيانات عشان الناس تقولك تبدا منين

[محمد الانصارى]

شكرا جزيلا على اهتمام حضرتك..

[محمد الانصارى]

انا اشتريت العربية من شهر وغيرت فلتر البنزين ومجموعة السيور...وكمان طرمبة البنزين.. ونضفت البوابة وحساس الهواء.. ولازالت المشكلة قائمة..بعض الناس قالو موبينة الكهربا...شافها كهربائى قال الموبينة سليمة..وللاسف مفيش فى الصعيد كمبيوتر كشف اعطال..

[محمد الانصارى]

والمشكلة دى غير مستمرة...بمعنى العربية تكون ماشية كويس ..وفجأة يحصل ده...وممكن تاخد يومين وميحصلش حاجه....واحيانا وانا طالع الصبح..لمبة الاعطال تنور... ولازم اطفى الكونتاك واشغله تانى عشان السحب يرجع تانى...اسف على الاطالة..

[khaled_mgsx]

يا باشا فلتر البنزين لو كان الاصلي كنت نضفة لو مش هتركب اصلي
راجع على البوجيهات و اتاكد لو بقالها 30 الف كيلو غير

[khaled_mgsx]

بس كدة لازم كمبيوتر عشان ما تلفش حوالين نفسك
لان الاحتمالات كتير

[محمد الانصارى]

بإذن الله بكرة هشيك على البوجيهات ...شكرا على اهتمام حضرتك

[ahmed_eng2001]

لو فيه جهاز كشف اعطال حيكون افضل ... مش علشان يشوف ايه العطل فقط ... انما علشان يحاول يشوف من خلاله الاداء ....
و بصفة عامة .. لو لمبة الاعطال مش منورة .. مش دائما حتلاقىالعربية مخزنة اعطال

فلتر البنزين بيتغير حتى لو هو اصلى ابو 700 جنيه .... و انا سمعت كلام كتير من ميكانيكية ... الله يسامحهم ... ان فلتر البومة مش بيتغير .. بيتنضف بس
فلتر بنزين البومة فيه ورق تصفية زى اغلب الفلاتر ... و الورق ده بيتسد مع تراكم التراب فيه .... انا كسرت فلتر بنزين من فترة علشان اشوف الورق الى جواه عامل ازاى ... لو لقيت الصور حرفعها ان شاء الله

بناء على كلام صاحب الموضوع فى اول مشاركة ... الاعراض دى بسبب انخفاض الضغط فى دورة البنزين ... او ان الطرمبة بتضعف .. او خرطوم منفس .. او ان صمام الراجع بيكون فاتح
لو حضرتك شفت دورة البنزين كلها و طلعت سليمة ... تنتقل للكهرباء .... بوجيهات .. اسلاك .. صوابع الموبينة ... ثم الموبينة نفسها
فيه احتمال ضعيف شوية ... حساس ال tps مش مظبوط
ربنا يوفقك