مشكله غريبه

[marwan_147]

السلام عليكم . معايه لانسر 2005 سوبر اكشن وانا ماشى لاحظت ان الاشارات لا تعمل بصيت على الفيوزات مفيش اى مشاكل ضغط على علبه الفيوزات اللى فى المتور تشتغل المهم رحت لكهربائى رش علي علبه الفيوزات منظف w مشتغلتش طبعا وقال دا الفرشر عطلان مشيت من عنده وانا ماشى لقيت حرف n منور مع d بطلت ودورت العربيه مشيت رحت لكهربائى تانى من الساعه 2 ظهرا الى 3 فجرا بلا نتيجه بل سائت الدنيا فلا نور تابلوه ولا نور خارجى ولا تكيف مشيت وروحت لواحد تانى قالى دراع النور وحيكلفك 700جنيه قلت له طب دراع النور ماله ومال التكيف وماله ومال سحب العربيه انا حاسس ان الفتيس مباقش ينقل المهم روحت لواحد تانى لا نتيجه برده ولا حتى تشخيص للحاله دى حتى رشاشات الميه بتاعت المساحات لا تعمل واخيرا قطع الكلاكس . فى حد مر بحاجه زى دى يا جماعه وفى حد عنده كهربائى قريب من المعادى وشكرا ودعواتكم

[tasaka]

هو ده اللى انت تقصده اسبراى wd 40 ؟؟

لو لم يكن هناك سبب لعطل الاشارات ( غير الاسباب الطبيعيه المعتاده )

من كلامك .. اعتقد ان رش wd 40 ممكن يكون سبب اللخبطه الزياده اللى حصلت اول مره الكهربائى الحمار رقم 1 .. لانى اول مره اسمع عن حد بيرش علبه الفيوزات بصراحه ( و اكيد كمان هو لم يفصل البطاريه ؟؟ لانه حمار )

و كمان تنظيف فيش الكهربا موش حيكون ب wd 40 لانه بيكون فيه نسبه زيت و موش بيتبخر .. يعنى ممكن يعمل قفله او ماس بطريق غير مباشر .. اعتقد لازم كل ال wd 40 اللى جوه علبه الفيوزات لازم يتنظف ضرورى

التنظيف بيكون باسبراى اليكترونيات ( ابرو للاليكترونيات ده الافضل .. او منظف الفبديو من النوع الجاف بدون زيت ) .. و بتنتظر شويه بعد الرش ( ربع ساعه مثلا ) قبل توصيل الفيش او فتح الكونتاكت .. علشان الاسبراى يكون اتبخر و الفيشه اصبحت جافه


اما الوضع تطور الى ماذا بعد الكهربائى رقم 2 و رقم 3 .. الله اعلم باللى عملوه

اسبراى تنظيف اليكترونيات ابرو للاليكترونيات ده الافضل .. او منظف الفبديو ( من النوع الجاف بدون زيت )

[marwan_147]

الف شكر لردك اخى الفاضل يعنى انا انظف علبه الفيوزات ابرو وفيش الجنب لانه برده رشها الغريب انك لو جبت مرشليه كله بيشتغل عادى . وفى كهربائى غسل علبه الفيوزات ببنزين .خوفتنى من حكايت الماس دى ربنا يستر شكرا لردك يا باشا

[tasaka]

الف شكر لردك اخى الفاضل يعنى انا انظف علبه الفيوزات ابرو وفيش الجنب لانه برده رشها الغريب انك لو جبت مرشليه كله بيشتغل عادى . وفى كهربائى غسل علبه الفيوزات ببنزين .خوفتنى من حكايت الماس دى ربنا يستر شكرا لردك يا باشا

كويس ان كله لسه بيشتغل عادى .. دى حاجه مطمئنه

لو كان هو رش wd 40 يبقى فى جميغ=الاحوال لازم يتنظف .. انت قلت ان فيه كهربائى غسلها ببنزين .. يبقى خلاص شال اثر الزيت من علبه الفيوزات ..

نضف فيش الجنب و برضه موش حيخسر ترش ابرو للاليكترونيات على الكل .. بس البطاريه تكون مفصوله و تسيبها ساعه او 2 علشان تنشف قبل توصيل البطاريه

شوف كهربائى كويس .. علشان يعرف ايه اللى عمله ال 3 كهربائيه اللى قبله

بالتوفيق

[marwan_147]

طب متعرفش كهربائى كوبس

[tasaka]

انا موش من القاهره .. اسف