فقد غطاء قربة ريادتير لانسر بومة

[moatazrhm]

فوجئت ان غطاء قربة الريادتير لانسر بومة غير موجود ، اضطررت لوضع غطاء غير محكم مؤقتا على فتحة القربة لتقليل الضرر، قمت بتزويد المياه قبل سفري وقبل اكتشاف فقد الغطاء بحيث زادات قليلا عن علامة الحد الأقصي max فهل يمكن أن يكون هذا السبب في ان الغطاء طار من القربة ، انا حاليا القربة مفتوحة وماشى بيها هكذا حتى استطيع شراء غطاء جديد لأن قبل العيد اغلب المحلات معندهاش غير قربة كاملة وجربت اشتري قربة كاملة لقيت غطاها مش متناسب مع القربة الخاصة بسياتري، أولا هل يوجد خطر من السير هكذا لأني مقبل على سفر ضروري ، ثانيا ما الحل المؤقت هل استطيع إغلاق القربة مثلا بكيس بلاستيك أو قطع قماش ، ثالثا ما الحل لتقليل المياه في القربة عن الماكسيمم حاليا وفي المستقبل عندما استطيع إحضار غطاء للقربة ، وهل هناك اماكن تبيع غطاء القربة مثلا في وسط البلد انا سالت في ش دمشق مصر الجديدة مفيش غير قرب بس والوحيد اللى قالى عنه غطاء قالي مفيش دلوقتي تعالى بعد 10 ايام ....مع ملاحظة انه ليس عندى استعداد لنزول الحرفيين ..

[mohab2000]

اولا وصل المياه فوق الماكسيمم لا مشكله منه لان الميه الزياده بتنزل من الفايز
ثانيا والمهم تغطيه القربه حتى لا تتبخر الماء وده خطر على العربيه هتسخن منك جامد لعدم غلق دوره التبريد والحل المؤقت كيس بلاستيك سميك شويه و بلاش القماش خالص و يوضع على فتحت القربه و تثبيته بأستيك الى بيستعمل للهدوم لفتين تلاته المهم بأحكام
ثالثا علشان تجيب غطاء بديل و اصلى لا تجده الا فى الحرفين استيراد و اى حاجه غير الاصلى هتبخر الميه و تسخن العربيه

[moon22]

ضاع مني مرتين
وعادي كنت اقفله باي غطاء غير محكم
فقط لمنع الغبار من الدخول
سعر الغطاء عندنا في السعودية بـ 14 ريال من الوكيل
انتبه تقفل الخرم الصغير اللي فوق في القربة
عشان الهوا يطلع عادي لا تكتمه