فضل من الله و نعمه

[Moh.Fahmy]

الف الف مبروك انضمامك الي الميتسوبيشيين و ربنا يباركلك فيها
اللي انا اعتقده ان التوكيل ممكن يركبلك جهاز الانذار وو حدات الرفع و ده الاضمن حتي لو كان غالي شوية

محمد فهمي

[محمدايهاب]

ألف مبروك

[memoo_1st]

الف مارووك ليك يا باشا

[mada121977]

الى اخوتى الاعزاء شكرا جزيلا على شعوركم و امنياتكم الطيبه و جزاكم الله كل خير جميعا بجد الواحد هنا بيحس انه بين اخواته و اقاربه مش بين ناس غرب عنه وده احساس جميل جدا و بالنسبه للضمان ان شاء الله هكلم مركز الخدمه و اقولكم على الاخبار , بالنسبه لاستفسار الاخ الفاضل hussein عن الاجراءات فهى كالتالى : حضرتك بتروح المعرض اللى بيتعامل مع فروع البنك زى المعرض اللى جبت منه و بتحدد المقدم اللى انت عاوزه و بتحدد عدد سنين القسط وهوا بيحسبلك القسط الشهرى كام ( مع العلم ان فايده بنك ابو ظبى 7 % ثابته) و بياخد منك صوره البطاقه و يدخل كل ده كفايل للبنك و بعد كام يوم البنك بيوافق على طلب التقسيط مع شرط ان التامين اجبارى ( دفعت حوالى 2500 جنيه) للتامين فى الجمعيه المصريه للتامين التعاونى و المعرض اللى انا شارى منه هوا اللى بيخلص كل الاجراءات و من شروط البنك عمل توكيل فى الشهر العقارى باسم البنك علشان يضمن حقه فى العربيه و ده بيتلغى لما الاقساط كلها تخلص بالاضافه انه ممكن ياخد نسخه مفتاح كضمان اضافى

[Sharky]

الف مبروك يا باشا

ياريت تقولنا إيه هيا الضمانات اللى خدها البنك عليك ؟
و لا كان بصورة البطاقة فقط و المقدم كان كام ؟

[kimo_oo]

الف الف مبروك وربنا يديك خيرها ويبعد عنك شرها

[mada121977]

الاخ الفضل الاستاذ احمد sharky ضمانات البنك هى التوكيل العام فى الشهر العقارى و شيكات بنكيه بمده القسط و المقدم 65 الف و ده بدفعه للمعرض و الباقى البنك بيدفعه للمعرض لما ارخص العربيه و اى استفسار انا تحت امرك