عربيتى اللانسر بوما طلعت سعودى 2007 ! وبعدين !!!!!

[yts007007]

انا عملت زى ما احد الاعضاء قال وشوفت الكتابة اللى جمب كرسى السواق ولقيت ان العربيا انتاج ابريل 2007 . دلوقتى عايز اعرف العربية العافشة رياضية ولا لأ. والموتور Cvt ولا لأ العربية 1600 وفيها نقلة Ds . وهل معنا انها سعودية يبقى اصرف نظر عن البنزين ال 90 دا خالص. انا بحط 90 هيبقى احسن لما احط 92 ولا ايه الكلام . ولو فى اى حد عنده نصيحة بعد اذنكم ميبخلش عليا بيها . انا لسا مكتشف انها مفهاش Abs وددى حاجة وحشة اوى . وبعدين هل كدا عزم العربيا يبقى 122 .

من الاخر أعرف منين مواصفات عربيتى !

[AshTurbo]

من الاخر أعرف منين مواصفات عربيتى !

أعتقد السؤال دة كان حضرتك مفروض تسأله قبل ما تشتري ولا أيه رأيك ؟ إلا إذا كان صاحب المعرض نصاب وقالك حاجة تانية وفي الحالة دي تقدر تعمل حاجات كتير بكل تأكيد أولها أن تروح تعمل محضر تثبت حقك فيه .

[Hassan Khalil]

اولا ..
سمي و صلي علي النبي ...عليه الصلاة و السلام
عربيتك السعودي زيها زي الكويتي زي الاماراتي ...الفروق بتبقي في بعض الكماليات ..لا بتزود و لا بتنقص..
الخليجي كله مفيهوش abs الا في العربيات السوبر اكشن فقط ( اللي فيها فتحة سقف )
العربية (حسب كلام التجار )122 حصان .. و ده ينطبق علي الخليجي كله
العفشة ( أعتقد ) ان العفشة الرياضية بتكون في الفئة الرياضية فقط ( السوبر اكشن ) و حضرتك مقولتش عربيتك كلاسيك و اللا سوبر اكشن
الفتيس هو الذي يطلق عليه cvt و ده تكنولوجي معين في فتيس اللانسر البوما ال1600 و مش موجود في اللانسر الشكل الجديد.. اما المحرك ملهوش علاقة بموضوع ال cvt .

[mahmoudzaied]

اولا
الموتور 1600 سى سى 122 حصان بنزين 95 ( فيه ناس كتير بتحط 92 وشغالة زى الفل بس مش هتاخد ال 122 حصان هيبقى اقل)
ثانيا
الفتيس Cvt عادى جدا (مصرى زى خليجى زى سعودى زى اماراتى)
ثالثا
العفشة مش رياضية بس ناشفة عفشة كويسة جدا برضة( انا عربيتى خليجى برضو والعفشة ناشفة)
رابعا
حوار ال Abs
اللى اعرفو ان الخليجى الكلاسيك بس اللى مفيهوس Abs
يعنى المانيول والاوتوماتيك اول فئة اللى من غير جنط ولا عتب جانبى ولا فتحة سقف ولا شبورة غير كدة الهاف سبور والسبور الكاملة فيهم Abs

[yts007007]

ياجماعة انا كدا اتلخبطت اكتر.اولاً كدا انا عربيتى 1600 هاف سبورت واالى جايبها والدى من واحد معرفة بسعر لقطة علشان كدا معرفش عنها اى حاجة ولما اتكلمت معاه قالىى لو مش عجباك بعها :):). المهم العربية فيها ابنوس من جوا وفيها فوانيس شبورة والفوانيس بتاعتها غامقة سنة ومفهاش لا فتحت سقف ولا سبويلر يتهيألى دا كلوا معناه Half Sport . دلوقتى معلش انا اللى فهمتوا:
1- ان كل البوما فيها فتيس Cvt ! طيب هل كلوا فيه النقلة ال Sport Ds ؟
2- معقول العافشة الناشفة اوى دى والثبات دا والعافشة مش رياضية مفيش حاجة اتاكد منها ! وخصوصاً ان العربية حسب كلامك مش كلاسيك ولا سوبر اكشن .
3- انا اتاكدت ان العربيا مفهاش Abs لان الجهاز بكل بساطة مش موجود فى العربيا .
4- بالنسبة للبنزين حد يدينى كلمة امشى عليها .

شكراً لكل اللى ردوا . ومستنى مساعدة بقيت الناس شكراً

[mohamedway]

عربيتك عفشتها رياضيه وموتورها 122 حصان و عاوز بنزين 95 بس حرام سعره فحط 92 وخلاص....... الفتيس CVT وده ما بيفرقش بين مصرى و خليجى و كله فيه Ds و الأتوماتك بتاع ال1300 فقط هو اللى مش CVT وبالتالى مفيهوش Ds .
عربيتك مافيهاش فرامل ABS و مافيهاش فتحه سقف و ما فيهاش اسبويلر و غالبا نازله بالكاسيت الأصلى بس ناقص وحده السى دى تشانجر و فيما عدا ذلك أعتقد انها مش ناقصه حاجه بس بجد الفرق الجوهرى اللى يضايق فى المواصفات ده هو ال ABS لأنه بجد مهم وأنا عن نفسى مش باعتبره كماليات ولازم يكون موجود فى اى عربيه حديثه خصوصا لو مش من العربيات الرخيصه.

اه وعلى فكره أعتقد ان عندك 2 ايرباج كمان مش واحده بس.......

[yts007007]

اعتقد حضرتك اكتر حد قدر يساعدنى بجد !

عربيتك عفشتها رياضيه وموتورها 122 حصان و عاوز بنزين 95 بس حرام سعره فحط 92 وخلاص....... الفتيس CVT وده ما بيفرقش بين مصرى و خليجى و كله فيه Ds و الأتوماتك بتاع ال1300 فقط هو اللى مش CVT وبالتالى مفيهوش Ds .
عربيتك مافيهاش فرامل ABS و مافيهاش فتحه سقف و ما فيهاش اسبويلر و غالبا نازله بالكاسيت الأصلى بس ناقص وحده السى دى تشانجر و فيما عدا ذلك أعتقد انها مش ناقصه حاجه بس بجد الفرق الجوهرى اللى يضايق فى المواصفات ده هو ال ABS لأنه بجد مهم وأنا عن نفسى مش باعتبره كماليات ولازم يكون موجود فى اى عربيه حديثه خصوصا لو مش من العربيات الرخيصه.

اه وعلى فكره أعتقد ان عندك 2 ايرباج كمان مش واحده بس.......

كل الكلام اللى قلته صح 100 % اشكرك . فعلاً الكاسيت عادى ومفهوش CD بس الوحدة دى ممكن اجيبها لوحدها ولا اشتر كاسيت جديد احسن . وخلاص ان شاء الله هسمع كلام واحط 92 يتهيالى عندى ايرباج واحدة بس انت مردتش عليا فى حتة العفشة رياضيو ولا عادية ناشفة شويا. ميرسى لذوقك . ولو فى اى نصيحة مهمة لمبتدئ زيى ياريت محدش يبخل عليا

[limo]

انت لما فتحت الباب لقيت مكتوب ايه بالضبط ؟
بخصوص البنزين افتح باب تانك البنزين شوف النزين الموصى بيه الشركه لو لقيته 95+يبقى عربيتك خليجى (كويتى -امراتى -سعودى )وعايزه بنزين 95 وممكن تحط ليها 92 عادى

بالمناسبه انت عندك الفوانيس الخلفيه شفافه ولا حمراء ؟؟

[limo]

بخصوص الفتيس 99% انت فتيس عربيتك cvt وبرضو علشان تتأكد سوف انت بتحس بالنقلات ولا لأ
كان فيه موضوع لبشمهندس طارق زويل بيشرح فيه الحروف والمعانى الى قبل رقم الشاسيه بتدل على عليه وكان فيه رمز للفتيس الcvt
ده اللينك بتاع الموضوع

http://www.nilemotors.net/Nile/showthread.php?t=21266

وانت من خلال الموضوع ده تعرف عربيتك cvt ولا عادى

[مصراوي جدا]

موديل السنة للعربية بيتحدد بوضوح من رقم الشاسيه الكامل وطبعا ده واضح من الموضوع المشار اليه

فلو رقم الشاسيه
JMYSTCS3A7U777777 فدي موديل 2007

ولو رقم الشاسيه
JMYSTCS3A8U777777 فدي موديل 2008

وطبعا يفضل تحط بنزين 92 وزي اعلان موبيل ما بيقول (10 قروش مش هتفرق)

[nobody]

كل الكلام اللى قلته صح 100 % اشكرك . فعلاً الكاسيت عادى ومفهوش CD بس الوحدة دى ممكن اجيبها لوحدها ولا اشتر كاسيت جديد احسن . وخلاص ان شاء الله هسمع كلام واحط 92 يتهيالى عندى ايرباج واحدة بس انت مردتش عليا فى حتة العفشة رياضيو ولا عادية ناشفة شويا. ميرسى لذوقك . ولو فى اى نصيحة مهمة لمبتدئ زيى ياريت محدش يبخل عليا

كل العربيات 1600 عفشة رياضية
من الآخر كل العربيات اللي بكاوتش 15 فيها عفشة رياضية و عمود اتزان خلفي
انت مقاس الجنوط عندك كام؟

[yts007007]

15 ! يبقى كدا ان شاء الله رياضية و CVt صح

[yts007007]

انت لما فتحت الباب لقيت مكتوب ايه بالضبط ؟
بخصوص البنزين افتح باب تانك البنزين شوف النزين الموصى بيه الشركه لو لقيته 95+يبقى عربيتك خليجى (كويتى -امراتى -سعودى )وعايزه بنزين 95 وممكن تحط ليها 92 عادى

بالمناسبه انت عندك الفوانيس الخلفيه شفافه ولا حمراء ؟؟

الفوانيس شفافة . لما فتحت البا وجبت الرقم المميز :) وقارنته بالموضوع اللى موجود بتاع رقم الشاسية مفهمتش اى حاجة اللى لقيته بالزبت JE3BB360X7U7379059

[yts007007]

موديل السنة للعربية بيتحدد بوضوح من رقم الشاسيه الكامل وطبعا ده واضح من الموضوع المشار اليه

فلو رقم الشاسيه
JMYSTCS3A7U777777 فدي موديل 2007

ولو رقم الشاسيه
JMYSTCS3A8U777777 فدي موديل 2008

وطبعا يفضل تحط بنزين 92 وزي اعلان موبيل ما بيقول (10 قروش مش هتفرق)

رقم الشاسية اللى عندى فيه حاجات ملهاش علاقة البموضوع بتاع رقم شاسية المتسوبيشى رقمى اهو حد يفهمنى بقا JE3BB360X7U7379059

[nobody]

JE3BB360X7U7379059

كده يبقى عربيتك انتاج 2007