سؤال عن ال 1600

[Mohammed]

السلام عليكم جميعا
انا على وشك شراء لانسر 1300 مانيوال خليجى
أرجوا النصيحة اذا كانت ال 1600 المانيوال افضل كثيرا من ناحية الأداء والتكييف وعمر الماتور.
فأشترى 1600 مصرية نظرا لمشكلة البنزين في ال 1600 الخليجى.

[sokasoon]

• لو حضرتك تقدر تشترى ال1600 مانيوال مصرية يبقا افضل طبعااا
  
  لو مش معاك غير تمن ال1300 اتوكل على الله واشتريها بس
  
  ال1600 طبعا شد وجرى وموتور اقوى ومش هيبقا فى تأثير على
  
  الموتور خااااالص

[Moh.Fahmy]

طبعا 1600 افضل من 1300
لكن 1300 مش وحشة قوي ...يعني مثلا هي اقتصادية في النزين جدا جدا و لو استخدام حضرتك استخدام عائلي يبقي مش حتفرق كتير
لكن لو الظروف سامحة اشتري 1600 بلا تفكير ...علي فكرة انا عربيتي 1300 و اللانسر طول عمرها 1300 حتي موديلات قريبة جدا و ما كانش بيحصل مشاكل في موتور او خلافه و ربنا يوفقك

محمد فهمي

[hazem_khidr]

لو تقدر تجيب ال 1600 الخليجي حتي يبقي احسن و موضوع البنيزن دا الناس اتكلمت عليه كتير و ما اعتقدش ان فيه مشاكل و اقرأ الموضوعات المنشوره بخصوص الموضوع دا.
بالنسبه لل 1300 انا مجرب موديل 2004 و في الامارات و قعدت معايا اسبوع بحاله بصراحه سحبها كان ممل بالنسبالي و كمان علي طول بعمل كيك داون ف بالتالي كانت بتاكل بترول بطريقه فظيعه.

[M_Abdallah]

رأي اتوكل علي الله وهات اللانسر 1600 المصري .هتريحك جامد.ومفيش حد خالص بيشتكي منها.







_________________
محمد عبدالله

[Mohammed]

.You are a wonderful commuity ! Really

أشكركم جميعا على روحكم الجميلة فى المنتدى وعلى سرعة استجابتكم !!

كنت عايز أولوكم انى لاحظت أختلافات مهمة أوى بين اللانسر الخليجى واللانسر الشرق أوسطى وهي الى بينزلها عندنا التوكيل مصرية,

زى عضم العربية فى المواصافة الشرق أوسطى بيكون صاج خفيف مقابل صلب فى الخليجي.
صاج العربية اقل سمكا من الخليجى.
الدوكو والكاوتش و جميع المواد المستخدمة فى الخليجى أقوى وتتحمل درجات حرارة اعلى وتعيش.

[Mohammed]

أنت فين يا د/ أحمد
كنت عاوز أسمع رأى حضرتك.

[Thunder]

السلام عليكم:

كلامك مزبوط. المواصفات الخليجي في العربية الانسر تفرق عن المواصفات المصرية. أنا قعدت كام شهر بلف في السوق بين المعارض و المستوردين علشلن أعرف الفروق بينهم و إزاي أميزهم.

خلاصة الكلام علشان أرد على سؤالك:
المواصفات الخليجي مختلفة في الأتي:

- العربية فيها تصفيح على الأبواب و وزنها أتقل 7 كيلو
-العربية 122 حصان مش 105 أو 107 زي المصرية
-عزل التكييف مضاعف (لضمان تبريد أقوى)
-دهان العربية فيه طبقة زيادة

أنا في الأول كنت فاكر مفيش فروق زي ما النلس اللي في المعلرض بيقولو بس تأكدت بعد كدة بنفسي من الكلام ده. أهم حاجة إنك تتأكد إن العربية إن العربية إصدار خليجي علشان تحصل على المميزلت دي. مش تكون العربية مواصفات شرق أوسطي (أردني) و يتم بيعها على إنها خليجي زي ما بعض الأماكن بتعمل.

تعرف ازاي العربية الخليجى أو شرق أوسطي: من اللوحة المعدنية تحت بلب السائق.

أعلى مواصفات خليجى هيا المواصفات الكويتى و دي أغلى عربية لانسر خليجى بتتباع في السوق (لما البياع ميكونش كداب و يكون عندو كويتي فعلا)
تعرف الكويتي أزاي: تابلو أبانوس عسلي , و أكر نيكل (زي المصرية) و عليها مختوم صنع بمواصفات الخليج و المملكة العربية السعودية.

راجع كلامي و أنلتحت أمرك في أي سؤال و ربنا يوفقك.

الساتم عليكم.