هوا الشارك راجت فين يجماعة

[kareem_adel]

انا مش بشوف اعلانتها فى الجرايد ولا اسعارها يجاعة هوا اتوقف تصنيها ولا ايه ولا فشلت ولا ايه بالظبط لو حد يعرف يقولى يجماعة بليز

[محمد عز]

اظن مبيعاتها متاثرة اوى بوجود الانسر القديمة

[Sharky]

فعلا اللانسر الشارك مبيعاتها قليلة بالمقارنة بالانسر البومة و بالمقارنة بالكرولا و السيفيك و دا نتيجة لإنها فقدت أهم ميزة كانت فيها و هى السعر و دلوقتى سعرها بقى زى الكورلا و السيفيك

[human]

فعلا اللانسر الشارك مبيعاتها قليلة بالمقارنة بالانسر البومة و بالمقارنة بالكرولا و السيفيك و دا نتيجة لإنها فقدت أهم ميزة كانت فيها و هى السعر و دلوقتى سعرها بقى زى الكورلا و السيفيك

اعتقد ان الكلام ده المختصر المفيد
اللى معاه فيلوس يجيب الشارك و بيحب اليابانى يقرص و يجيب سيفيك او كرولا افضل طبعا

[kareem_adel]

بس انا متهيألى يجماعة انها بيغيرو شكلها لان فعلا اعلانتها اختفت او هينزلو موديل جديد

[samofox]

مينفعش يغيرو شكلها دلوقتى لان الموديل لسة نازل ولو غيرو شكلها يبقى الشارك مش حتتباع لازم الاول العربية تثبت وجودها كذا سنة زى البومة بقالها كذا سنة ولسة حتفضل لحد 2010 ويمكن ل2012 فمش ممكن ينزلو احدث من الشارك دلوقتى خالص

[mahmoud_nov1985]

التوكيلات مابتبعش عربيات دلوقتى
والناس مستنية الفرج

[hossaam]

طب يا ترى سعرها كام دلوقتي السبورت فل اوبشنز؟؟
اخر كلام يعني..
وهل تأثرت بلازمة العالمية ولا سعرها زي ما هوه؟؟

[abo samra]

سعرها دلوقتى 160 الف للنسخه السبورت
وبعد تجربتى ليها (شارك 2008 سبورت)وبعد مقارنتها مع اللانسر البومه السبورت 2007 اللى كانت معايا
لقيت الشارك تتميز بالنعومه والراحه والعزل عن البومه والفخامه
انما البومه تتميز بالثبات والتسارع وجودة التقفيل افضل من الشارك

بجد يا جماعه ثبات الشارك فى الملفات ما عجبنيش خالص زى البومه انما على الطريق وفى اخد الغرز ممتازه جدا
التسارع للاسف ادائها اقل فعلا من البومه 1600 اوتوماتيك cvt وما عجبنيش تقفيل التابلوه والخامات المستخدمه حسيت انها رخيصه

باى حال من الاحوال اللانسر الشارك تقدمت فى الشكل وتاخرت فى اشياء اخرى بالاضافه لسعرها المبالغ فيه اللى ناس كتير قوى بتفضل الكورولا والسيفيك عنها بالسعر ده

---------------اللى قولته ده مجرد راىء شخصى--------
وتقبلوا تحياتى

[kholio]

عن تجربة للشارك مفيش اي وجه للمقارنة بينها وبين البومة الشارك عربية ممتازة وفوق مستوي البومة بمراحل