اتسرقت امبارح قدر الله وماشاء فعل

[Abo el-Seoud]

الحمد لله نزلت امبارح من الشغل لقيت عربيتى الانسر 2007 المرايات الجانبيه بتاعتها اتسرقت الاتنين بس مش كلها المرايه من جواه بس ,,,,,
السؤال حد عندوه فكره بتتباع لوحدها ولا لازم المرايه كلها؟؟؟ وسعرها كام؟؟؟

[boody2]

قدر الله و ما شاء فعل الحمد لله علي كل شئ اعتقد ان الواحدة تساوي تقريبا في جدود ال 80 جنيه

و ممكن تسئل عليها في شارع دمشق

[mada121977]

احنا السابقون وانتم اللاحقون
المرايات دى اتسرقت من عندى فى اول اسبوع جبت فيه العربيه
هيا ب 80 جنيه فى التوكيل ومش عارف سعرها بره عامل كام دلوقتى

[أبو إياد]

انزل التوفيقيه موجوده فى محلات اللانسر ب 65 جنيه والاصليه

[nobody]

انا برضه اتكسرت عندي وجبتها من التوكيل ب 82.5 جنيه
و سألت عليها في التوفيقية كوري ب 45 جنيه

[major123]

الحمد لله قدر الله وما شاء فعل اتسرقت منك فى مصر الجديدة ؟
اصل انا اتسرقت منى عند المريلاند وكمان الاستبن والكوريك والاريال ربنا يستر انا مش عارف بعد كدة هيسرقوا اية

[Abdo_Eldesokey]

طب كويس والله إنها موجودة في التوكيل

في توكيل تويوتا لازم المراية كلها

[Abo el-Seoud]

الحمد لله قدر الله وما شاء فعل اتسرقت منك فى مصر الجديدة ؟
اصل انا اتسرقت منى عند المريلاند وكمان الاستبن والكوريك والاريال ربنا يستر انا مش عارف بعد كدة هيسرقوا اية

واضح ان الحرامي في المنطقه دي علشان انا كنت راكن في شارع المرغني قدام كويك كده

[Oushy]

أنا لسه برضو مسروقه مني وش مرايه السواق من اسبوع بالظبط وكنت راكن عند معهد اللغات بتاع القوات المسلحه ... نزلت سألت عليها في شارع دمشق قالي ب 120 ومكتوب عليها الكلام الصغير الي تحت ده وقالي المصري ب 55
شفت الناس هنا في المنتدي بتقول في التوكيل ب 80 جنيه وكده فارحت تاني يوم جبتها من التوكيل بس كانت ب92 بالظبط بس مش مكتوب عليها السطر الي بيبقي مكتوب علي المرايه من تحت ده
والموضوع ده انتشر جدا مش عارف في ايه برضو كان في ناس هناك بيركبو مريات غيري !!!

[boody2]

حسبي الله و نعم الوكيل في كل حرامي

[Abo el-Seoud]

الجديد علي مااظن الحرامي جالي تاني امبارح بس ملاش المريات لاني لسه مشتريتهاش (نزلت لايت المرايات مفتوحه مع اني قفلهم قبل مااطلع) علي راي عادل امام ده اصدني انا

[ahmed322]

انت كده كأنك عملت فيه مقلب لما راح يسرق طلعت اتسرقت ...هههههههههه

مش عارف انا برده اتسرقت منى نفس الموضوع دا
كده بقى المفروض ان كل واحد يكهرب المريات بتاعته ويكتب ممنوع المس ومحدش يعتب عليا بعد كده ....ههههههههههههههههههههه

[basom]

طيب السؤال هما بيسرقوها و بيعملوة بيها اية لو بيبيعوها نعرف بتتباع فين و نروح نشترى منهم علشان نضمن ان هى اصلى

[zeyad1810]

كويس انة سرق المريات بس وسابلك العربية